يليت الكل يدخل ويفيدني ؟؟؟

**دومينت** · 26-10-2009, 07:51 PM

السلام عليكم

كيف حالكم انشاء الله تمام

صراحه عندي أستفسار عن أكورد فل كامل مراتب جلد موديل 2009

حبيت اشوف كم قسطها الشهري والدفعه الاولى راح ادفع لهم 3500 ريال

ضنكم كم راح يكون قسط الفل كامل وكم قسط النص فل ؟

وتنصحوني لو طلعت وحده بأذن الله وش تنصحوني بلون يليت تحط استطلعك اذا ماعليك امر

ولاهنتم جميعاً مشكورين ويليت يكون فيه رد سريع

**أبو الريش** · 26-10-2009, 08:16 PM

والله ياخوي وراك ما تحط فلوسك و قسط الشهري بدل الأكورد تقلب رأييك و تحطها في ماكسيما الجديده

انت في كلا الحالتين راح تدفع راح تدفع

**دومينت** · 26-10-2009, 08:21 PM

والله يليت ينقلب رايي بس المكسما مشكلتها مرتفع سعرها مررررره ولو شريتها السنه ذي راح يطيح سعرها تحت السنه الجايه ولاهنت على مرورك

**الكماندز** · 26-10-2009, 08:31 PM

شوف الرابط هذا يفيدك بنسبه للاون

http://www.hondaarabia.com/club/showthread.php?t=23111

**Solo** · 26-10-2009, 08:42 PM

شف اخوي اذا انت..راعي تغسيل بالاسبوع اقل شي مرتين .. خذ الاسود

اما ان كانك والله شخص ما يبالي بتغسيل السياره مره..يعني يغسل السياره كل اسبوعين او ثلاث اسابيع..فخذ اللؤلؤي وتوكل

والله كلهم حلوين لكن انت شف وضعك من ناحية تغسيل السياره يعني..

وانا ما ودي اخوفك بشي في اللؤلؤي والله اللؤلؤي لون مميز وحلو..لكن اذا حصل لا قدر الله وصار في سيارتك حكه او ضربه وراحت البويه..فاللؤلؤي اصعب بويه ترجع مثل أول..

بس لوون قوي مره..وتحمل اذا صار له شي

اما الاسود تحسه بالفل شيي مره مره..أحياناً تحس انك مميز اذا صار معك الاسود ومركب شبك نيكل ..يآآه خيآآآل..!

والقرار الاول والاخير راجع لك..!:d

**دومينت** · 26-10-2009, 08:55 PM

مشكوووورين على المرور جميعاً لبا قلبكم والله بس محد عطاني سعر التقصيد حق الفل كامل هل هو 2000 يقول ايه بس واذا كان اكثر يقول الله لا يهينه ابي سعرها ضروري

**أبو الريش** · 26-10-2009, 09:33 PM

ياخوي هذا الشي يعتمد عـليك و على امكانيتك و على الدفعة الأولى و النهائية الي راح تعطيها لهم

انت و ظروفك الماديه

**اكورد 2006 وبس** · 26-10-2009, 09:49 PM

بصراحة شكلها المكسيما الجديدة بتضرب الاكورد لان الاكورد في الاونة الاخيرة بداو يخربو شكلها وربما تسير المكسيما مرغوبة بعد البيع

**فوفوss** · 26-10-2009, 10:33 PM

نصيحة اخوي اللون الفيراني

والنيكل يجي عليها ادب

والله يعطيك خيرها ويكفيك شرها

**K.H.A.L.I.D** · 26-10-2009, 10:50 PM

فيه موضوع خاص بالألوان وصوتنا عليه كلنا~

...

**الصامت** · 27-10-2009, 12:48 AM

بالنسبه للقسط يختلف ع حسب الدفعه الاوله اللي راح يتحكم فيها راتبك وتختلف عن طريق الجهه اللي بتاخذ منها السياره طبعا بنظام التأجير من نفس الشركة او عن طريق بنك............
أفضل اللون الؤلؤي ..........

**accord910** · 27-10-2009, 02:16 AM

والله يا خوي انا غلط غلطة عمري واشتريت اكورد 4 سلندر و ندمان اني ما اشتريت 6 سلندر لكن الحمدلله على كل حال
و نصيحتي اذا ناوي تشتري اكورد لا تشتري الا 6 سلندر صح غالية شويتين وثلاث اربع (دعابة ههه) لكن ماراح تندم مثلي

هذي مجرد وجهة نظر لا اكثر ودمتم سالمين

**مشــــعل** · 27-10-2009, 07:07 AM

اخوي انت ماحددت .. نظام أقساط ولا نظام تأجير..؟؟

نظام الأقساط .. أقل شي تدفعه 15000 ريال دفعة أولى..

أو حسب معاملتك مع مندوب الشركة..

إذا دغعت دفعة أولى .. 20000 ريال على هوندا اكورد فل ابشن جلد.. رح يطلع عليك القسط حول 2250 ريال شهريا..
طبعا لمدة 48 شهر و بدون دفعة أخيرة..

هذه شروط الأقساط من هوندا..

بالنسبة لنظام التأجير.. يعتمد هو من شركة تأجير ولا من البنك..

بس في كل الحالتين لازم دفعة أولى على الأقل 5000 ريال.. و دفعة أخيرة على الأقل 15000 ريال..
و القسط الشهري لمدة 60 شهر أو أقل حسب إختيارك و حسب ما تطلع عليك العمولة..

في الأخير..

ما رح تعرف أجوبة هذه أسئلة إلا من المعرض نفسه..

فلا تتعب نفسك هنا في المنتدى..

ودي وَ إحترامي

**دومينت** · 27-10-2009, 09:43 AM

اهاااااااااااااااااااااااااااااااااااااا مشكوووور يامشعل على مرورك ويعطيكم الف عافيه ماتقصروون

**اكورد 2006 وبس** · 27-10-2009, 11:24 PM

في موقع تويوتا حق الاقساط ممكن يفيدك من ناحية معرفة الاقساط فقط وحساب التسعيرة يمكن الاكورد نفس طريقتها http://www.uis.com.sa/UISWebSite/Takseera_ar.aspx