السلام عليكم...
كيفكم ياعضاء منتدانا الغالي...
ماابي اطول عليكم بالموضوع..
السالفة ومافيها انا شريت اكورد 2009.فل كامل من 3 شهور..
واول ماشريتها بأسبوع طلع علي واحد وصدمني وانحاش وقلت لاحول ولاقوة الا بالله وصلحتها علي التأمين صدام ورفرف وباب تغير كامل وكالة..
مر شهر وضربت فيها رصيف وطاح الصدام بس قلت هذي دلاخه مني وفهاوة وصلحته..
والشهر هذا وانا بخط الشرقية طلع كلب الله يكرمكم وصدمته وكسر الصدام والرديتر والان الموتر في الوكالة وبيطلع بعد كم يوم...
انا مااقول غير لاحول ولاقوة الا بالله وهذا قضاء وقدر وماازعلت او اعترضت والله يعلم..
لكن فيه ناس كثير قالوا لي سيارتكـ فيها عين والله اعلم..
وانا وسوست من كثر كلامهم وناس كثير تقول دخلها المعارض خلي الناس تسومها عشان تروح العين منها..
انا مؤمن بالعين لكن انا مامعي بانوراما او بنتلي سيارتي سيارة عادية ومع اغلب الناس..
ابغي اسألكم وابي مشورتكم وش تنصحوني فيه وهل اذا فيها عين فعلا ونزلتها المعارض تروح بأذن الله؟؟؟
عارف اني طولت بالموضوع لكن والله اني تعبت من هالسيارة واخاف يصير علي حادث قوي اروح فيه بسبب هالسياره مع العلم ان السيارة نظام تأجير يعني مو ملك ولا كان بعتها واخذت غيرها..
تكفون يااخواني انصحوني والله انا بحيرة من امري اتمني تفاعلكم معي وردود تثلج الصدر..
وهل فيه ايات مخصصه للعين اقدر اقراها عليها وتحصني..؟؟

مره ثانيه اسف للاطالة..وتقبلوا تحياتي..اخوكم عزوز