شباااب الفزززعه الله لايهينكم ..

[راعي العوبا]

بسم الله الرحمن الرحيم


السلام عليكم ورحمة الله وبركاته ..،
، اخواني الاعزاء اعضاء نادي محبي هوندا .. قدر الله وماشاء فعل.. شريت اكور 2008 مستخدمه
وتو طلعتها اليوم من المعرض . لكن من دقيت سلف قبل ماطفي السياره وانا بالشارع واقف جا واحد صدم السياره من ورا وطير علي الصدام
والاسطب الايمن وجرء من غطا الشنطه والرفرف اليمين والصدام الامامي بعد تأثر وانحاس لاني ضربت في اللي قدامي .. فحبيت استفسر اللي صدمني معه تامين وبيصلحونها ان شاء الله .ويقول تامينه التعاوني . وش رايكم في تامينه زين او راح يتعبنا وياهم ..وهل التامين يصلح السياره في الوكاله .؟ ام يقيمونها على سعر الورش برا .؟؟ واذا كان لابد تصلح السياره برا الوكاله وش تنصحوني فيه اي ورشه .. وماتقصرووون .والله يجزاكم ككل خير .

[B Useful]

الحمد لله على السلامة ..

كويس ان تأمينة التعاونية .. نظام الشركات اذا السيارة جديدة تصلح في الوكالة واطلب انت التقدير يكون في الوكالة وقول لهم سيارتي جديدة ..

الوكالة بتطلب مبلغ جااااامد وقدرة <<< عشانة على التأمين .

[راعي العوبا]

كوكو كووود الله يعطيك العافيه اخووي ان شاء الله كلامك يكوون صحيح ويصلحونها لي وكاله
وماقصرتوو انتظر راي الشباب الباقين ويعطيكم العافيه ..

[الصامت]

حمدالله على السلامه..
وماتشوف شر..
حدد من اي منطقه..

[راعي العوبا]

ياهلا الصاامت الله يسسسلمك يارب .ويستر عليييك .. والله انا بالرياض .. يالغالي اللي يخبر لي ورشه زينه يعلمني وماتقصرووون ..

[المايسترو77]

لاحول ولا قوة الا بالله
من اول يوم
يالله يارجال كويس سلمت .. الحديد يتعوض وانا اخوك
وبالتوفيق ان شاء الله وتعدي امورك سهالة

[,,ولد المدينه,,]

الحمد لله على سلامتك
في الحديد ولا فيك يارجال
والتعونيه يمدحونها

[ال سا هر]

الحمد الله على السلامة
التامين ما راح يصلوحونها على الوكالة بس على الورش والقطع تجاري
الافضل انك تصلحها وكالة وتكون جديدة سلامات

[الدكتور محمد]

الحمد لله على سلامتك ..