الموضوع: مشكلة في الاكورد 2009 تعبتني كثيييير

وعليكم السلام

هلا والله عزوز

الله يهديك صحيح العين حق بس مو كل شئ يصير نقول عين

شوووف بعطيك حل :

اول شئ اشتر CD سورة البقرة وخله شغال يوم كامل

ثاني شئ خل سيارتك اسبوع كامل لا تغسلها تحمل عاد :d

ثالث شئ جب مويه مقري فيها وحطها بخاخ << اتوقع عرفته اللي يلمعون فيه القزاز وطقته

وان شاء الله ربي يحرسك ويحرسنا كلنا اميييين

^^^^^^^^^

بعد مايمنع توديها المعارض او تحط عليها للبيع عاد تحمل الأتصالات الي بتجي

عليك بآلورد والأذكآر الحصن الحصين

ومثل مآقآل صلى الله عليه وسلم { العين حق }

والله يعآفيك ولآيبتلينا ,يؤسفني أن أقولك إن العين مثل مآهو معروف مآتروح إلى لمآ تموت

أو تأخذ بأثر الي حسدك يعني تشرب من كاسه أو فنجانه الي شرب منه

إذآ كنت أنت المحسود , أمآ إذآ كآنت السيآرة تغسلها أو ترشها بماء يكون فيه اثر من الي حسدك

وإذآ كآنت السيآره محسوده تبيعها بعد سنتين وتشتري غيرها وتنتهي المشكله ,لكن قول الحمدلله

إن العين مآجتك أنت في بدنك أو نفسك هنآ المصيبه الله يكفينآ ويكفيكم شرهآ

و الله يكون في عونك ..

الله لايريكم مكروهـ يارب...
بالنسبة لكلامك ياعبدالسلام اني اخذ بأثر الشخص وارشه علي السيارهـ هذا طال عمرك واحد من العيال معي بالداوم يقول لي بعد مانخلص فطور تجمع كاسات الشاي وتحطها بسطل مويه وتكبه علي السيارة لان حنا بالعمل نفطر مع بعض تقريبا 30 شخص وفيه كم واحد من الشباب غي الداوم كل يوم يقلقوني علي موتري بكم شريته ولونه رهيب والموتر خقق ومن هلاكلام..
انا ودي اسوي الشئ هذا بس يااخي اخاف احد يشوفني وتروح علي واصير سالفة بالداوم ماادري بس احس اني استحي اسويها.
شكرا لكم والله يكفينا وياكم كل من فيه شر

يرجال لا تستحي ولا شي
محد يبي ينفعــــك


والله يعطيك خيرهـا
ويكفيـك شر العيـن
~

المشاركة الأصلية كتبت بواسطة hunter boy

انا ودي اسوي الشئ هذا بس يااخي اخاف احد يشوفني وتروح علي واصير سالفة بالداوم ماادري بس احس اني استحي اسويها.
شكرا لكم والله يكفينا وياكم كل من فيه شر

يا حلوووو اتفق مع العامل اللي عندكم وخذها منه ولا انت وخويك وهم ماينتبهون القطها ع السريع
والله يعطيك خيرها ويكفيك شرها

المشاركة الأصلية كتبت بواسطة ღღ 3eo0oney...ღღ

وعليكم السلام

هلا والله عزوز

الله يهديك صحيح العين حق بس مو كل شئ يصير نقول عين

شوووف بعطيك حل :

اول شئ اشتر CD سورة البقرة وخله شغال يوم كامل

ثاني شئ خل سيارتك اسبوع كامل لا تغسلها تحمل عاد :d

ثالث شئ جب مويه مقري فيها وحطها بخاخ << اتوقع عرفته اللي يلمعون فيه القزاز وطقته

وان شاء الله ربي يحرسك ويحرسنا كلنا اميييين

أنا اتفق مع أخوي ღღ 3eo0oney...ღღ لا تغسلها اسبوع او اسبوعين الله يعينك تحمل
وماي مقري فيه أنا سيارتي مطلعها توني ما صار لها أسبوع وللحين ما غسلتها وبخليها وسخه ومغبره لمده اسبوعين الله يعين<<سيارته سووده
وخل الشباب يشوفوها وهي مغبره<< هذا اللي بسويه انا

والله يحفظك من شر العين

أقرا داخلها سورة البقرهـ أو كما قال الأعضاء أشتر سي دي لقارئ وخليه شغال ..

وحط لصقه بالقزاز الخلفي ( ما شاء الله ) ..

وإذا ركبت السيارهـ أقرا المعوذات ..

وترا العين حق << جايته :d..

تحياتيـ)~

@اكورد وبس@.

هذا كله قضاء الله و قدره وخل أيمانك قوي (لاتزعل مني ادري انك راضي )
ولا تلقط شيء بعدين تصير مضحكه عندهم بكره يصير شيء قالولك ها نشرب في مويه المره هاذي نصيحه لاتسؤيها اذا كنت شاك في واحد فيهم بحركه حلوه نزله عند السياره وبضحكه كذا قوله اذكر الله ..
اذا سئلك احد عن السياره قول فيها ومافيها خلها ع ربك ياشيخ ليتني مااشتريتها..
انا دخلت سيارتي قبل مااسؤي صيانة الالف تقريبا بثالث يوم بعد ماطلعتها وحمدالله على كل شيء..
اتصحك انك أول ماتركب السياره بسم الله على لسانك والمعوذات
خلي cd رقم واحد فيه سورة البقره
لاتكون على جنابه اهم شيء لا تسؤي في السياره شي منا او منا ;) زحلطن شيء ماشيات انتبه
خلي اي شيخ يقراء لك في مويه ورشها على السياره روح وقفها تحت المكرفون في المعارض ويش ناقصك منها انت ترتاح نفسين
والله يعطيك خيرها ويكفيك شرها

اشكر الجميع علي الردود والتفاعل والله لايريكم مكروهـ يارب..
وان شاء الله راح اشتري لي سورة البقرة واخلية شغال فيها عسي ربي ينفع فيه..
وباخذ بكلامكم واخليها بدون مااغسلها اسبوعين مع اني والله اكرهـ السيارة اذا كانت وسخه لكن لعل الله ان يبعد عنها العين هذا اذا كان فيها نفس من الاساس...واول واخيرا هذا امر والله ومقدر ومكتوب...
الف شكر لكم مره ثانيه حبايب قلبي...

واذا سألك احد كيف الموتر معاك على طول قوله " كله خرابات وتهريب زيت المكينة وهذا وما مشى الا عشرين الف ( مثلا ) وطلعت لي هالخرابات " يعني حاول انك تكره موترك بنظرة غيرك

شف وأنا أخوك أنا عندي حل بيرضيك إن شاء الله ولاراح تخلي إخوياك يتضايقون منك ..

اذا اجتمعت فيهم كلهم قلهم بأسلوب حلو إن سيارتي تقريبا مالها 3 شهور وصار علي أكثر من حادثين لكن الحمدلله إن السيارة تضررت وأنا ماجاني شيء.. المراد قلهم أنا مستحي أقولكم هالكلام لكن والله لأني مابي آخذ غسالكم من وراكم وأنتم غآلين علي لكن ممكن أحد يكون أعجبه الموتر وطاحت عينه عليه بدون قصد وصابت العين وأنتم تعرفون الأخ ينظل أخوه بدون مايقصد .. وقلهم هالشيء ممكن إنه يفيد وحتى لو مافاد بيريحني ع الأقل نفسيا إني بذلت الأسباب .. صدقني بهالأسلوب ماراح يتضايقون منك أبدا ولاتنسى تسوي اللي قآالوه لك الشباب وخذ مني نصيحة حافظ على وردك اليومي صبح ومساء .. خل معك هالكرت الصغير اللي فيه الأذكار وإقرها يوميا صباح ومساء لين تحفظها وتتعود عليها وصدقني ماراح تتركها ولاتنساها ..


الله يكفيك شر الحوادث وبحول الله تكون عين وزالت بحول الله وقوته والله يفرحك بموترك ولاعاد تشوف منه غير اللي شفته إلا كل خير وفرح ..



الله يحفظك ..

المشاركة الأصلية كتبت بواسطة ღღ 3eo0oney...ღღ

وعليكم السلام

هلا والله عزوز

الله يهديك صحيح العين حق بس مو كل شئ يصير نقول عين

شوووف بعطيك حل :

اول شئ اشتر cd سورة البقرة وخله شغال يوم كامل

ثاني شئ خل سيارتك اسبوع كامل لا تغسلها تحمل عاد :d

ثالث شئ جب مويه مقري فيها وحطها بخاخ << اتوقع عرفته اللي يلمعون فيه القزاز وطقته

وان شاء الله ربي يحرسك ويحرسنا كلنا اميييين

معك بكل الي قلته
وما اقول الا لاحول ولاقوه الا بالله

روح الحراج وسومها في المزاد>>> ترى هذي طريقة حلوة للعين ان شاء الله
في دعاء برضو تقوله سبع مرات اذا ركبت السيارة
تقول (( اعيذك بكلمات الله التامة . من كل شيطان وهامة . ومن كل عين لامة)) وتمسح كذا ع الطارة ومن الداخل
وانصحك نصيحة ياخوي لوجه الله حتى لوكانت سيارتك جديدة
(( اذا جاتها حكة او دقة بسيطة لاتصلحها بتقولي لييش؟؟)) عشان ياحبيبي تكون في عيون الناس اذا شافوها محكوكة ولا مدقوقة
بتهون نفسة في السيارة
وربنا يحفظنا وياكم من عيون الناس

شيل التوقيع الي انت حاطه بالمنتدى

ممكن سوال سيارتكـ او نظام التاجير الي ماخذه منه السيارة فيه دفعة اخيره ؟!

لاتستغرب من سوالي جاوبني

ولي تعقيب على الموضوع

المشاركة الأصلية كتبت بواسطة امبراطور الاكورد

شيل التوقيع الي انت حاطه بالمنتدى

فيهـــ رجالينــــ قاعدينــــ عند موتري .....

يلمسونـــ الكبوتـــ والشبكــــ ويمدحونهـــ

المهمــ بعد ساعهـ بالضبطـــ راعي جمســ رجعـ ريوسـ علي

وعفطــ الصدامــ وكسر الشبكــ وعلامتــ هوندا والصدامــ صار مشخطـــ

(( حسبي اللهــ عليهــــ ))

توني مطلعهــ حتى ما تهنيتــ فيهاااا

بس انشاء اللهــ ما راحــــ أصلحهاااا

(( اولـ كل واحد شاف موتري يقولــ ياخي موتركـ حلووو

الحينــ يقلونــ موتركــ فيهــ صدمهــــ ))


هع هع

والله يلي كاتبوا الله بدو يصير بس كمان العين لها حق يعني مثل ما قالوا الشباب ضع سورة البقره و لما تسوق شفت واحد يبحلق اقرا المعوزات و ان شاء الله بالسلامه

لاحول ولا قوة الا بالله
اخوي العين ماتعرف سياره عاديه او فخمه ممكن من اقرب الناس لك يعطيك عين
لكن مو كل شي نقول عين استهدي بالله وخل عنك الوسوسه ترى كلها وساوس شيطان
وعن السوم وان العين تروح بعد السوم
اناا اذكر اذا السياره جاتها عين من واحد تخلي الرجال اللى عطاك العين هو اللى يسوم وانت عاد تخليه يهج .. يعني تعطيه سعر مبالغ فيه عشان يصرف نظره عنها وهذا والله اعلم

لكن خل عنك الوسوسه ههههه
تحياتي يالغلا

الف شكر لكم يااخواني والله اني احس اني بين اخواني وان الكل يخاف علي مصلحتي...
انا والله عن نفسي مقتنع واقول هذا فضاء وقدر يس يخوك العالم وسوست فيني وكلا يقول عين ومستحيل حادث بكل شهر والسيارة مالها 3 شهور وتعرف اذا الواحد كان عندهـ احد يقرق فوق راسه ويوسوس بنهبل وهذا اللي صار لي..
انا قبل امس طلعت موتري من الوكاله وصلحته والحمد لله وصرت كل مااركب اقرأ المعوذات وان شاء الله يوم الخميس بنزل فيه معارض الدمام وبحاول ان اكبر قدر من الناس تشوفه وبطلب فيه مبلغ غالي زي ماقلتوا.. وبالنسبه للتوقيع تم الغاء...وان شاء الله مااشوف الا كل خير..
والله لايريكم مكروهـ لافي انفسكم ولا في حلالكم والله يحفظنا وياكم من كل شر..
مره ثانيه اشكركم الف شكر علي ردوكم اللي تثلج الصدر..
بالنسبة لاخوي اللي يسألني هي ملك او تأجير بدفعه اخيرهـ...هي نظام تأجير بدفعه اخيرهـ
<<< متحمس للرد مع اني مستغرب زي ماقلت...
شكرا لمروركم العطر اخواني واحبائي..
اخوكم عزوز....

يالغالي ماتشوف شر

والي راح راح

بس لو اني منك اوقفها عند البت وهي مصدومه فتره علشان الي له نفس فيها يعوفها

وماتشوف شر

الحمد لله السياره صلحتها وطلعت من الوكالة واليوم ناوي اهجول فيها بالمعارض واشوف وش الله يكتب
وبقرأ عليها وبحصن نفسي بالاذكار ويأذن الله مايكون الا كل خير..
اشكر كل من رد علي وتحمد لي بالسلامه وكل من عقب علي الموضوع,,
والله لايهينكم ولايريكم مكروهـ يارب...وزي ماقلت انا في البدايه هذا قضاء الله وقدرهـ بالاول والاخير والحمد لله ماجزعت ولاصابني ضيقه او غيرهـ لان الله سبحانه وتعالي اذا احب عبدهـ ابتلاهـ وان شاء الله هذا امتحان من ربي يشوف قوة صبري وايماني..
ارجع مره ثانيه واشكركم اخواني علي ردودكم اللي اثلجت صدري واشكر وقفتكم معي اللي حسستني اني بين اخواني وناس تحبني وتخاف علي مصلحتي..
الله يوفقك الجميع لما يحب ويرضي وان شاء الله ايامكم كلها سعادهـ..
وهذا ردي الاخير علي الموضوع...
شكرا لكم واسف للاطالة..
تحياتي..
اخوكم...عزوز