مهم .. قدر الله علي وسويت حادث ..

[zEEz]

السلام عليكم


صار علي حادث طبعا الحادث ولله الحمد بسيط الجنب الامامي الأيمن الصدام تشقق أو تمخش مخش قوي والبدي الأيمن جته عفطه خفيفه مره مره فا تنصحوني أعدلها أحسن صح ...

بس تعرفون ورشه حلوه رش وتعديل ... إلي يعرف الله لايهينه يقولي ووش تنصحوني اسوي بالموتر ...


طبعا إلي صدمني غلطان 100 % وتأمينه العالميه قد سمع أحد عنها ..

وأبروح بكره أو بعده للورش يقردون لي الطقه أقدر أقول لهم أبغى كل شيء وكاله طبعا سيارتي 2008 اللون فضي ..

وأسف على الاطاله

[f a w a z]

اخوي مكانك وين ؟

والسيارة جديده حاول تقيمها عن طريق الوكاله احسن يصبخونهم بسعر وشغل صح

[zEEz]

انا في الرياض يالغالي ..

[ACCORD06]

ما تشوف شر
أنا نفس مكان صدمتك موتري 2006 قالولي ضف وجهك رح قدر عند الورش
الوكالة قالو مبدئيا 4500 قطع وشغل
التقدير 2800 قطع مع سمكره ورش سياحية
شركة التأمين سلامة ولطعوني حتى الحين ماعطوني ريال
ويمكن أشتكيهم بالمرور لن المهلة القانونية للتعويض 15 يوم من تاريخ التقدير
أكتر من كذا تعتبر مماطلة .....حسب كلام المرور

[أبو نايف أكورد 2007]

حاول تقيمها في الوكالة

[hunter boy]

سلااااااااااااامة واه من شركة سلامة..
<< مجربهم قسم بالله لطعوني 37 بالضبط وبالقوة عطوني الفلوس بس انا موتري 2009 وكان التصليح بالوكالة وصمخوهم ب 16 الف قطع وتصليح دفعت انا منها الف ريال نسبة تحمل..
بالنسبه لك اخوي ماراح يصلحون لك بالوكاله لان من شروط شركة التأمين ان موديل السيارة يكون نفس موديل السنة عشان تصلح بالوكاله وانت موديل العام الماضي..
لكن انا انصحك بورشة الوفاء بالصناعية القديمه بشارع الجمعية شغلهم اخو الوكالة..انا مجربهم علي اكثر من سياره 100% وشوف اغلب المواضيع اللي هنا الكل ينصح فيها وانت واللي يريحك شوف الانسب لكـ لكن انصحك ماتتعدي هالورشه..
لكن زي ماقال لك اخوي اذا طالت المده عن 15 يوم لايردك الا المرور لان انا ماعرفت المده القانونيه اللي يسلمونك فيها الفلوس 15 الا بعد ماراح شهر وهم يماطلون فيني ومن يوم قالي واحد هالموضوع وجهة علي المرور ماجلست يومين من يوم اشتكيت الا وهم داقين علي تعال خذ شيككعشان كذا لاتتهاون معهم ابد..
والحمد لله ع سلامتك واخر المصايب يارب...

[zEEz]

الله يسلمك يالغالي ..

بس شركه العالميه ماتدري وين موقعهم ويعني مافي امل أخذ القطع وكاله ...؟

تعبتكم معاي سامحوني ...

[ACCORD06]

تروح مكتب التقديرات اللي بالصناعية يقدرون لك قيمة التصليح من ثلاث ورش تلقى مندوبينهم واقفين لك عند مكتب التقديرات كل واحد منهم تعطيه 10 ريال قيمة التقدير ويكتبون لك القطع المطلوبه تروح الوكالة تطلب منهم تسعيرة للقطع ويختمون لك عليها ختم الوكالة وترجع مكتب التقديرات يجمعون لك قيمة القطع + شغل اليد والرش والسمكرة اللي قدروه لك الورش الثلاثة وتروح لشركة التأمين تطالبهم
يعني الفرق راح يكون ان شغل اليد بيكون عند ورشة مهب عند الوكالة لكن القطع في كل الحالات حتى لوموديل سيارتك 80 تسعرها وكالة

[zEEz]

مشكورين يأخوان بس نبي أراء اكثر لاهنتو

..