محتار 2006 فل أو 2008 سياحي ؟

**extra death** · 04-11-2009, 05:13 PM

يا أخوان أنا محتار بين سيارتين

ايش رايكم
أكورد 2006 فل كامل ماشية 100 ألف
أكورد 2008 سياحي ماشية 70 ألف ( سعرها أغلى ب10 آلاف)

وشي مواصفات ال2008 سياحي ؟؟ وهل تفرق عن الفل 4 سلندر بالأجزاء الميكانيكية؟

أنا يهمني الراحة وانها تعيش معي

ومشكورين مقدما ولا تبخلون علينا بعلمكم

**kakashi-san** · 04-11-2009, 05:18 PM

السلام عليكم ..

هلا فيك اخوي ..

الأكورد 2008 أفضل من نايحة قطع الغيار والزيوت ... ألخ

تغير زيت القير كل 60 ألف أما 07 كل 40 ألف ..

البواجي كل 100 ألف أما 07 كل 60 ألف ..

وغيرها من هالاشياء ..

لكن انت وش يهمّك ؟

تهمّك فتحة السقف ؟ 6 سيديات ، مكيف الكتروني ، خذ 2006 ..

الثنتين راح يعيشون معك زي العسل بدون مشاكل ان شاء الله ..

موفق خير ..

**أبو نايف أكورد 2007** · 04-11-2009, 05:31 PM

فل2006

فل أفضل

2008 سايحي مافها أي ميزه غير أنها 2008 بس

**حبيب هنادي** · 04-11-2009, 06:38 PM

2008

فيهــــ :

طبلونــ ليزر

مثبتـ سرعهـــ

أنوار بالمرأيا

سيدي ام بي ثري

ريموتــ

vsa

رساوهـــ ولا احلى

قطعـ غير أرخصــ من 2006

.... الخــ

**sul6an** · 04-11-2009, 06:45 PM

2008 >>> اكيد احسن يكفي انه شكل الجديد

**م ج رد حلم** · 04-11-2009, 07:20 PM

2008 سياحي واقلبها فل وخلاص>>>اقصد الشكل الخارجي جنوط مساكات ابواب بس

**FiReFiGhTeR** · 04-11-2009, 08:01 PM

بسم الله نبدأ
اولا يكفيك انها فل يعني مواصفات احلى شد بلد بدون ما تضيف عليها والموديل مو قديم وكشخه
صح ان القطع غاليه شوي بس حط القطعه وانسى منها حتي القطع الاستهلاكيه مثل الفحمات انا معي 2007 وامشي ما لا يقل عن 5000 شهريا والفحمات اغيرها كل 20000 كم تقريبا والسياره على الكد اللي يجيها ما شكت من شي
اما من الناحيه الميكانيكيه فاعتقد انها انه ما فيه فرق كبير والله اعلم
وطبعا في النهايه سيارات هوندا بشكل عام تعيش معك لك ولزمن
((( وش الفـــايـده اذا كان شكل السياره جديد وانت مو مستانس ولان ما فيه موااااصفاااات )))
ثانيا لا تنسى ان فيه فتحة سقف وجلد والاسيات مريحه الخ
والشتاء والامطار جايه ان شاء الله بتعرف ايش معني فتحة سقف وقته ا;)
اصوت لل2006 وبقوه

**Accord-V6 2007** · 04-11-2009, 08:06 PM

2006
يخوي مايبي لها كـــــلام
الفـل مايقـارن بالسيــاحي
انا كان معروض علي اكورد 2008 سبشــل
واكورد 2007 6 سلنـــدر

اخذت الـ 2007 عشانهـا فـل
وبشكل عام الاكورد سيــــــاحي ماتنفــع
صدقني لو اخذتها راح تنـــدم !!

**ABO.YOUSEF** · 04-11-2009, 08:50 PM

يا تاخذ 2008 سياحي ولا لا تأخذ سياره متغير شكلها << وجهة نظر
واذا ماهي عاجبتك السياحي غير ترى مو لازم تاخذ اكورد :d
فكر فيها صح هذي سياره لك و للزمن !!
وتقبل المروور

**أأأبو شرف** · 05-11-2009, 05:37 AM

زد فلوسك
وخذ اسبيشل 85000 الف جنوط وفتحه وسيدي والى اخرة 2009

**extra death** · 05-11-2009, 07:26 AM

مشكورين يا أخوان افدتوني كثير
بس كل واحد يصوت لموديل سيارته :d
يا أخوان أتمنى واحد خبير يعلمني وش تفرق السياحي عن الفل ؟ هل تفرق بقطع السيارة أو في المميزات بس (مكيف وفتحة والمراتب)
وهل يختلف شكل الديكور الداخلي (غير التخشيب)؟

**برق** · 05-11-2009, 09:38 AM

2008 أطلق من 2006 فل مايبيلها ياخي الشكل الجديد جنان شوف كيف انتشر بموديلين بس

الشكل السابق من 2003 إلى 2007 ما أنتشر زي 2008 و 2009 والشوارع تشهد لك

وبعدين السياحي 2008فيه مثبت و تحكم بالمسجل ركب جنوط وعيش حياتك

**A N M A R** · 05-11-2009, 10:55 AM

مسئلة ازواق فقط...

شوف الاجمل وخدها...

**مجوووودي** · 05-11-2009, 11:00 AM

خذ الـ 2006 صدقني راح تدعي لنا ..

يكفيك انها فل كامل ..

صدقني 2008 اذا ماجاتك فل او سبيشل راح تطفش منها ممله ..

بعد فترهـ تقول ابي جنوط وابي كشافات وبعدين تقول ابي فتحه ..

خذلك 2006 دامها نظيفه وسعرها حلو .. كشخة ..

**أكورد_06** · 05-11-2009, 11:24 AM

السلام عليكم

اخووي : الاكورد 2008 تتميز بشكلها وداخليتها تفرق كثير عن الاكورد الـ 2006 ويكفي ان السياحي فيه تحكم بالدركسون اما والله اسال مجرب انا احنا رايحين للمعارض نشتري اكوورد 2009 سياحي قير تماتيك بس والله انها اثقل حبتين عن الـ 2006 ويكفي وقفتها الـ 2006 اذا وقفت لها هيبتها وكمان الـ 2008 حلوه لاكن سياحي بيظل سياحي اذا مو انت مقتنع فيه واستخر اولاً والله الموفق ..

**احبك يالاكورد** · 05-11-2009, 01:41 PM

نصييييييييييحة 8 افضل لك
اهم شي فيها مثبت سرعة ومسجل ام بي ثري
والجنوط اشترها بحول الفين

**فوفوss** · 05-11-2009, 06:19 PM

2006 فل

لانو السياحي ما تنفع

هذا رأي

الله يوفقك حبيبي ;)

**FiReFiGhTeR** · 05-11-2009, 06:35 PM

ياخي اذا ليش بتضحي بمواصفات الفل 2006 ( فتحه ومقاعد كهرباء و مثبت وتحكم من الدركسون و6 سيديات و جلد وكشافات ..... الخ ) علشان السياحي 2008 فيه تحكم من الدركسون انا سيارتي سبيشل ومفصل جلد ومركب جنوط مع الاستبنه وكشافات و(التخشيب والشاشه في الطريق ان شا الله) لانها سياره تستحق كل ريال تحطه فيها عيبها الوحيد صوت الهوا

ويكفيك زي ماقال واحد من الاخوان انها هيبه والموديلات الجديده ما انتشرت الا علشان سمعة الموديلات 03 -07 وخصوصا 05.06.07 لما فيها من الجوده والراحه مقارنة مع مثيلاتها من نفس الفئه من الشركات الثانيه
(ياخوي لو ان ال2008 سبيشل او فل كان قلت لك خذها وتوكل لان الشكل الجديد ما يضبط عليه الا هالفئتيين فقط )
لو تاخذ سياحي يبالك جنوط وتخشيب وشاشه ويمكن جلد وبعيد تقول ياليت عندي فتحة سقف وعليك الحساب بس لو تاخذ ال2006 فيها هالمواصفات واكثر وتحط بجيبك ال10000 فاعتقد ان هذا عين الصواب
ولاتنسى الاستخاره...

**غريب زمانه** · 05-11-2009, 07:00 PM

نصيحه خذ 2006

**.: AFAQ :.** · 06-11-2009, 03:19 AM

من وجهة نظري

الفل مهما كان أفضل

صح الشكل الجديد له هيبته و مكانته بس ولو

أتوقع حتى بالروساه الفل أرسى من السياحي

ولو كنت مكانك بآخذ الفل

و أنت و راحتك و أهم شي الي ترتاحله أنت شخصياً ..

**,,ولد المدينه,,** · 06-11-2009, 03:51 AM

انا انصك السياحي ما ينفع والرد راجعلك
الفل*ولا 07

**alolhan** · 06-11-2009, 04:30 AM

نصيحه من اخوك على حسب ذوقك اذا انت ما تهتم في الفتحه ولا مثبت السرعه ولا مسجل 6 سيديات

ولا نظام vsaثبات في المنعطفات اخذ 2008 اما اذا مهتم 2006

ومن ناحيتي انا لو خيروني بين 2009 و 2007 كلها فل كامل لختار 2007

2008 والله حلوه بس من ناحيتي انا ماتعجبني وال هوندا مافيها عيوب سواء 2000
او 2010 وجهت نظري

**AC_CORD** · 06-11-2009, 04:11 PM

كلا يغني على ليلـاه :d كل واحد يصوت على موديل سيارته

وانا اصوت على مديل سيارتي:d مارفع سمعة الاكورد الا 03 04 05 06 07 هذا الي اقدر اقوله وانت وذوقك

**AHN** · 06-11-2009, 07:30 PM

شف يحبيبي ؟.
السياره مثل البنـــت ..

انت وش تبي ,. بنت مو مزيونه بس انها صغيره ., <<< أقصد 2008
ولا بنت مزيونه بس أكبر منها اب شوي ..<<< اقصد 2006

ولا تنسي الاستخـــارهـ.,