الموضوع: صوت مزعج في الاكورد..ممكن مساعدتكم اخواني..

اخوي انا شفت الفيديو بس لاحظة صوت طقطقه وكمان صوت حنه قويه الطقطقه يمكن من صوت الفديو واظن انك ما تقصد هذا الصوت اما الحنه هذي صوت في احد رمانات البلي يا انه حق الكمبرسور او حق الدينمو والطريقه عشان تتاكد فك السير وشغل السياره اذا راح الصوت اعرف انه من احد الاشياء اللي قلتها اما اذا ما راح اعرف انه من شداد سير التيمن وانتبه له لانه اذا انقطع السير راح يسبب لك مشاكل كثيره وسؤالي متى غيرت سير التايمن مع الشداد حقه اخوي لازم تتاكد من الصوت ولا تهمله نهائيا

كل الشكر لكما اخواني فواصل جدة والمباشر على التعقيب والشرح الجميل ..

انا اليوم لفيت على عدة كراجات ميكانيكيا .. وتقريبا اغلبيتهم اتفقوا على انه الصوت طالع من البور ..

أخي الكريم إذا كان الصوت مثل ( غليان الماء أو تقلبه ) فالله أعلم أن السبب من علبة زيت الباور ، تاكد من مدى امتلائها أو إذا كان هناك آثار انسكاب زيت من العلبة.

المشاركة الأصلية كتبت بواسطة b unique

وعليكم السلام ورحمة الله وبركاته

الصوت يتهيأ لي انه من طرمبة زيت الدركسون بس عندي كم سؤال :

هل عليها آثار تهريب زيت ؟
تلاحظ ان الصوت مرتفع اكثر اول ما تشغل السيارة في الصباح ؟
تحس بثقل او مشاكل في الدركسون ؟

نعم ياخوي عليها اثار تهريب زيت ..

اما بخصوص الدركسون ماحس فيه اي مشاكل او ثقل ..

كل الشكر للاخوان على مرورهم الكريم لمساعدتي في مشكلتي ..

الحمد لله عالجت مشكلة هذا الصوت المزعج بعد صراع طويل معاه ..

المشكلة انه اغلبية الاراء اتفقت ان الصوت مصدره من البور.. خاصة اني لفيت على ورشات ذو خبرة طويلة ..

المهم في احد الايام وانا رايح الدوام فجاة سمعت الصوت تغير ..

وقفت وفتحت البونيت شفت بيرنج متاكل ومكسور وطايح عند البور ..تاكدت عقب انه الصوت من البور(يباله تبديل بيرنج)

رحت لاحدى الورش في راس الخيمة واسمه ( كراج الشباب)

وقالوا لي لازم نفتح البور بالكامل ونبدل البيرنج ..

ورحت للوكالة واخذت كيس خاص للبور بداخله البيرنج والسيل والربلات ..

المهم الميكانيكي شغله كان مضبوط مية المية ..

فتح البور قطعة قطعة وبطل كل الربلات والسيل والبيرنج وبدلهم بالجديد ..

هنا بالصورة الظاهر البيرنج باللون البرتقالي بعد تغييره ..



وهنا تركيب البكرة على البور بعد تركيب البيرنج ..



والحمد لله اختفى الصوت تماما ورجع سيارتي نفس اول واحسن ..

والبور استيرنج ما تاثر ابد ..نفس اول ولله الحمد..

ومشكوووين يا اخوان عالمساعدة بيض الله ويوهكم ..

مبروك عليك الاصلاح ياغالي .


بس ما تقول لنا وينه المكانيكا هذا وكم صلحها لك مع المخرطة ؟

مبررررررررررررررروك عليك يا كابتن...
يعطيك العافيه...
الحمد لله طمنتنا عليك...
الله يسعدك...

السلام عليكم ورحمة الله وبركاته
انا عضو جديد هنا وهذي اول مشاركه لي
اصوت هذا من بعد الامطار في جده وسيول
صوت طقطقه
وسويت غسيل مكينه وغيرت رمان الدينو مكيف الي تحت وفلتر الزيت
ومازل الصوت طقطقه ارجو المساعده وشكرا
والصوت تقريبا نفس الي عند
accord_2003
عضو

تسلم يا بعدي اكوردي