[[ حكــــــة بالصـــــدام الخلفي ]]

[D O M E]

السلام عليكم ورحمة الله وبركاته

قدر الله علي اليوم وانا طالع من قراج بيتنا .. وكالعادة شارعنا زي شوارع الرياض الجميلة :d

كان فيه حفريات .. وحاطين صبات قدام البيت .. وآخوكم في الله طالع مريوس وهو نايم

وادق احدى الصبات الملعونة الجدف .. وتنــكد علي يومي ونفسيتي يرثى لها << متعوب عليها :d

المـهم يآخوان الحكة جت بالركن الايسر بالصدام الخلفي ( خدوش عبارة خطوط بيضاء )

رحت لاقرب محطـة .. وحط عليها العامل زيت فرامل ومسـحها شوي

صراحـة خـفت تقريبًأ .. بس ما زالت منكدة علي ( لدرجة اني افكر اغير صدام :( صيانة 5000 ما بقى عليها شئ )

بس حرام الموتر توه ما مشى 4000

وش تنصحــوني .. هل فيه مراكز تلميع كويسـة تشيلها ومو مهم السعر ؟

وياليت الي يعرف قيمة الصدام الخلفي بكم بالوكالة ؟

[meshoo]

زيت الفرامل اذا مأزلته بطريقه صحيحه يحرق عليك البويه

يعني لابد انك تنظف المكان الي حط فيه زيت الفرامل لما يختفي اثر الزيت

[D O M E]

يعطيك العافيـة ميشوو .. لاتخاف اول ما رجعت البيت غسلت مكان الزيت بموية ومسحتها

لكن بقي اثار الخدوش ( عبارة شخوط رصاصية آن شاء الله تكونون فهمتوا قصدي )

هل فيه محل تلمع شيل هالاثار ؟

[MoOm]

انا اليوم مطلع سيارتي من الصيانة كان فيها حكة بالصدام الامامي
سويت له تنقيط والحمدلله اختفت الحكه

سو لها تنقيط اذا كانت الحكه مو قويه ومايحتاج تغير الصدام :(

[@الاواكس18@]

اذا تبا تغير الصدام

سعرو في الشركة 460 ريال

بس انت شوف النعماني بمكم يبيعه

[الـمـسـافـر]

اذا بتغير الصدام عشان مخوش اجل بتغيره اكثر من عدد مرات تغيير الزيت

نقط مكان الخدش ولا رشه جزئي فقط مكان الحكه واحمد ربك اللي جت على كذا

[الصامت]

اذا كانت بسيطه خلها عشان اطيح النفس اللي فيها وحمدالله جت على كذا..
او سؤيلها تنفيط..
ولاتغير الصدام على كذا..
ونتمنى وضع صوره لها لتستفيد من رد الأعضاء المميزين و أصحاب الخبره بشكل أفضل..

[مجوووودي]

بسيط اخوي .. اقرب ورشة قوله عندي الزاوية هذي ابيك تشيل السواد اللي عليها ..

عنده مادهـ ناسي اسمها فيه كريم وفي زي الزيت .. يمسحها بقطنه وتروح باذن الله .. لا تشيل هم بسيطة ..

واذا راحت ماتكلفك 30 بالكثير ماتزيد ..