هذا اللي يسيب الرياض ويروح يدرس في الشرقية كذا يصير له :p
السلام عليكم ورحمه الله
>>يقولون بطلو المقدمات :d
المهم
باختصار
المشكله الاولى..:
لما اوقف واحط القير بـ P حلوين
احيانا مايطلع النور الاحمر الي بالطبلون الي يعلمك ان القير بـ P
تصير لمبات القير كلها طافيه واذا طفيت السياره على هالوضع مايطلع المفتاح ولايمديني ادق سلف (اذا حاولت ادق يصير كأنك حاطه بالـ D وتبي تشغل ) يعني القير ناشب بين
الريوس والباركنق
لازم طرق خنفشاريه :d
فـ اجلس احرك القير على خفييييف لقدام ولورا الين ماتولع لمبه الـ P
فـ مسويه قلق احيانا اتأخر على المحاضره من سبه المشكله
......
وفيه شغله ثانيه
احيانا ادق سلف الموتر مايدق سلف (نفس سالفه الي فوق )
( بس هنا لمبه P والعه مو زي الي فوق طافيه )
بس اتوقع كلها من سبب واحد
واحط القير على الـ N وتشتغل :p
فـ ابي استفيد منكم قبل لا اشوفلي ورشه :(
قد شفت موضوع شبيه لهالسالفه بس مانفعني مره
والي يبي يفسرها ويقول اهااا سلف :d
يستريح لان السلف سليم بأكمله
توقاعتي : شي بعصا القير من داخل بس مدري وشو مسبب هالقروشه :d
--------
المشكله الثانيه ان موتري منقلب الماني :d
تعرفون البنز القديم :d
اذا اشتغلت مرواحه وش يصير بالحاره :p
نفس الحاله اذا اشتغلت المرواح صوتها اقوى من اول بكثيييير ...
احس اني مدرس رياضيات ومعي بنز :p>> سامج
كنت ابوديها على الضمان بس هونت :d
:p
خلص ضماني
مع العلم ان ممشى موتري 90 الف
دمتم بود
هذا اللي يسيب الرياض ويروح يدرس في الشرقية كذا يصير له :p
مشكلتك الاولى هي قطعة يسموها switch connector وهي توصل قير السياره بعصا القير
الداخلية وتحتاج وزن وتضبط امورك .... لو تسويها بالوكالة اضمن ومااضن تكلفك كثير
المشكلة الثانيه ..بعض السيارات تكون مراوحها درجتين من ناحية سرعة الدوران درجه تشغيل عاديه
ودرجة قوية على حسب حرارة السياره ... شيك على موية الرديتر يمكن ناقصة عن الحد الادنى
موفق اخوووي
واذا تعبت وتبي تختصر الموضوع بدون مقدمات :d : الدمام ، الخضرية ، ورشة السعادة ، المهندس اقبال ، جوال : 0508931743
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
الف شكر اخوي متصفح وماقصرت والله يعطيك الف عافيهويزوجك ان كنت عزوبي :d
اخوي عامر مدري امير :d خل الرياض لأهلها :p
اخوي المباشر
انت لو فيه منك اثنين ;)
مواقع النشر (المفضلة)