المشاركة الأصلية كتبت بواسطة admin_m
مرحبا شباب
اليوم اخذت لي طقم تويو اسمه proxes tpt اخذت الكفر بـ 375
215/60/16
ما شاء الله لين ومريح بدرجه خياليه وقبله كنت مركب برجستون والله فرق كبير بالليونه
وهذي الصفحه الرئيسيه حقت الكفر
http://toyotires.com/tire/pattern/proxes-tpt
مادري ياشباب هل نوعية الكفر proxes tpt كويسه ؟؟؟ و الدعسه رياضية ولا عاديه ؟؟ >>> ماعنده اي خلفيه
اذا فيه احد مجربها او عنده اي معلومات لايبخل علي برأيه ..الكفر ألي ركبتها روعه جداً مره
أنا مركبه على سيارة أبوي وهو مرتاح مره لين لأبعد درجه
وكان مركب قبل برجستون وأرتاح مع تويو
بنسبه للكفر هو مو رياضي والسرعه المحدده للكفر 240
وثكراً
هلا ياغالي هي مو المسأله وجهت نظر
هي أن السياه راح يصير شكلها مو حلو مره
لأن الكفر بيصير كبير مره
وراح يخف العزم ويزيد صرفيه البنزين
يعني هي لها توابع
أفضل مقاس بتفاق الشباب جميعاً إلا ماندر;)
المقاس 16_55_215
الله يعطيك العافيه ابو نايف ماقصرت
بصراحه غير كفرات الوكاله ولا لا تدوررررررر
بس لو الله يفكنا من هل المسامير
الكفرات ماهي تابعه للوكالة
هي شركه زي أي شركه ثانيه
بصراحه بركب نفس مقاسك بشرط صوره للسيارة ولا عليك أمر ؟؟؟
مبروك عليك
التويو ممتاز والكل يمدحه ..وناعم ومريح ..
انا اذا بغير افكر اركب تويو او دونلوب ..
صراحه حلوه الكفرآآت شكلها عريضه ..!
بالله وين المحل (رد كاب) الشارع والمدينه ..؟
السلام عليكم :
أشكرك أخوي على هذا الموضوع الرائع ...
لكن يا اخوان وش أفضل كفرات على الأكورد 2008 الفل جنط 17 مقاس الكفر 225/50/17
وأبي شي مايكون قاسي ولا يطلع صوت
":: أفيدونا من تجاربكم ::"
تقرير اكثر من رائع يسلمو
بصرآحه صادق بكل كلمه قلتها ياخوي
انا مركبها والحمدلله مرتاح من كل شي
بو نايف
نآآآيس ع ها الطرح
بس انا احد الى يضمون تويو
لني مجرب وبعد 10 شهور اسمع اصوات با السياره لا درجة وصلت اني راح اغير البرنج
حق السياره كامل
وفاجه اخذ السياره نسيبي وطلع فيها من الاحساء ع الدمام وتخبر طريق الدمام واااو مش طريق
وجاب لي السياره الى تاير تعبان طلع له نفخه هذا الكلام وانا استخذم التويو
وغيرة الكفارات كامله ونصحني واحد سعودي اعرفه يشتغل با الكفارات تركيب وغيره
اليوكوهاما
وركبت اليوكوهاما واختفى الصوت
وانا احين امشي با اليوكوهاما با الشهر الثالث والحمدلله
لك خالص احتراماتي بونايف
في عروض حاليآ عند رد كاب
تشتري 3 تواير والرابع مجانآ
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
هلا بك
ياغالي
كفرات التويو أنواع
واليوكوهاما ماراح تكمل معك سنة ونص بالكثير
وترى الأستخدام يفرق كثير
لا هنت أخوي وش مقاس الكفر اليوكوهاما
مشكووور ,,,
بو نايف والنعم وسبعة انعام على خدمتك للاعضاء وتفاعلك الرائع
وياليت لو تخدمنا بنوع كفرات تويو 17
لاني من جد فريت الرياض فر وماحصلت فياليت لو تدلنا
محبك سابقا ( دخلت المنتدى باسم جديد)
والله ياحبيبنا
أنا ماعرف مقسات 2008 وطالع
لاكن دق على الأستعلامات
وقله أبي رقم شركة كفرات تويو في الرياض
وأتصل عليهم
وعطهم نوع الكفر المذكور في الموضوع ومديل سيارتك ومقاس الجنط 17
كفرات حلوه
انا ولله قبل 3 اسابيع رحت وركبت تويو ونفس المواصفات اللي قلته
وكل شي تمام ومركبها 1400 >> يعرف اخوي راعي المحل
بالغرابي
والحمد لله وانا راعي خطوط يعني سفر ادرس بالقصيم واسبوع ورا اسبوع اجي للرياض وبالخط اوووك
ابو نايف الله يمسيك بالخير
بالنسبة للكفرات الآن كيفها معك بعد هالمدة
انا و الله ناوي اركب بكرة بالصباح
و محتار بين تويو و بريجستون و ميشلان
وش رايك الله يعطيك العافية؟
انتظر ردك سريعا
اخوي الله لايهينك ابي توضح لي وش الفرق بينها وبين البرجستون و سومتومو
لاني ناوي اركب ومحتار وانا راعي خط اسبوعيا رياض دمام
تحياتي
هلا بك ياغالي
هلا بك ياغالي
الميشلان: هو حلو مره لأنه يعيش معك 3 سنوات لأنه ألماني
لاكن لزم تتحمل ضريبه إلي هي قساوة الكفرات
والبرجستون: حلو لاكن الشباب يقولون أنه بعد 8 أو 9 شهور تصير قاسيه مره
والمعروف عن برجستون القساوه
والتويو : حلو أنا مجربه ومريح مره في المنعطفات والمطبات لاكن أنه أقل عمر من الميشلان
ما شاء الله تقرير ممتاز الله يعطيك العافيه
انا استخدم اليوكوهاما وممتازه, ومدحوا لي التويو لانها اريح وهذا اللي انا ابحث عنه (الراحه)
لك الان تقريبا 7 شهور ما شاء الله عقبال الـ 7 سنوات ^_^
كيف تلاحظ الكفرات الى الان ووش رايك فيها..؟
نفس السؤال يا ابو نايف ..
ماذا بعد 7 شهور من تركيبك للكفرات ؟
الحمد لله
زي الحلاوه
ماشاء الله
لأني أحافظ على تبديلها يعني حركت x
كل 10 ألف كيلو
ضوابط المشاركة
رد مع اقتباس
مواقع النشر (المفضلة)