طيب وش الافضل ..؟
التبديل العامودي او التبديل ×
امس كنت عند محل كفرات ..
وقال بيعطيني تويو نفس اللي اخذته بمقاس 215 / 55 / آر17
بـ 500 ريال للكفر الواحد
2000 ريال للـ 4 كفرات
وقال بيعطيني بريجستون تورانزا بـ 580 ريال للكفر الواحد
و 2300 ريال للاربع كفرات ..
يعطيك العافيه أبو نايف على التقرير الرائع .
يا شباب انا امس رحت بغير كفراتي وانا اصلا من زمان على التويو مريحه جدا ورخيصه
سالت عن التويو على نفس مقاس اخونا ابو نايف يقولي 320 للكفر الواحد مع الترصيص قلتله اش تاريخه يقولي 2010 استغربت
هيا الكفرات رخصت ولا ايش؟؟؟
بس اندهشت من البريجستون يقولي ب 500 ريال
صح كلامه ولا خطا.
تويو فيه نوعين
نوع تعسه رياضية زي حقتي
ونوع دعسه عايديه
وكلهم حلوين
السلام عليكم ورحمة الله وبركاته
الله يعطيك الف عافية يا ابو نايف ............
سوالي اذا ما عليك امر / بصراحة اول مرة احتار في تركيب الكفرات انا رب اسره وسفري في خطوط الرياض جده دايم والواحد يخاف شوي بهالطرق والسلامة من الله ياذن الله ولكن نحن نفعل بالاسباب ....
كنت ابركب كفرات قودير ويوم رحت لشركة الراشد موزعينها قالي الموجود فرنسي وبطلت ...
نصحني واحد بكفرات ميشلان ورحت عندهم بس طلعت غاليه ولا اعرف عنها شي بصراحة ....
وموضوعك هذا حمسني يعني اتوكل واركب تويو مع العلم ان سيارتي 2009 اكورد جنط 16 ... وهل لو ركبت مقاس اكبر شوي يأثر ... وبالنسبه للدعسه ترى اخوك شوي عليمي بموضوع الدعسه وش تنصح دعسه رياضيه او عادي ما صارت كفرات صارت محل تميس .. ههههه
وشاكر ومقدر تعاونك ابو نايف
انتظر ردك بفارق السرعه لاني ابركب الكفرات قبل اسافر يعني في ظرف اسبوع او اكثر ...
وهل هناك عرض لديهم الايام هذي
مشكور على التقرير الاكثر من رائع يا ابو نايف وفقك الله
السلام عليكم ورحمة الله وبركاته
اولا مساكم الله بالخير .....
انا توني جاي من محل رد كاب ..... وما لقيت طلبي عندهم مقاس 215 / 60 / 16 ويوم سالته قالي انهم طالبين النقشة القديمة لان النقشه الجديده طلعت صوت بس في سيارات الهواندا وما ادري وش السالفه طبعا سماها لي pxct 01 النقشه الجديده ... وعرضهم ترى ما خلص الي يبي يروح مع اني ما انصح فيه لانه تصريف للبضاعه القديمة وهذي التجارة ... المهم ..
سؤالي يا ابو نايف : هل انت لاحظت صوت في السياره مع العلم انك انت يمكن مركب النقشه الجديده .. ؟
بعدها ركبت موتري وصوت كفرات البرجستون مزعجني انتظر متى اغيره .. ورحت لمحل اطاري يمكن تعرفونه على نفس شارع الضباب .. سالته عن كفرات ميشلان قالي حاليا ما عندي بس يمكن تجي الدفعه الجديده بعد اسبوع على نفس مقاس كفراتي قلتله وغيره قال ليه ما تركب كفرات ( continenal ) طبعا المانية الصنع واغلب الي يركبونها السيارات الفخمة انا ابسئلكم احد يعرف شي عنها او ركبها ............
والله احترنا بصراحة
عطوووووووووووونا الرآي يا اخوان ...
تقرير جميل ورائع منك يا أخ نايف
انا من متتبعي الموضوع منذ زمن .. ولكن لي تعليق على كفرات تويو بحكم تجربتي لها
صحيح ان الكفر ارخص الموجود من الياباني .. واداءه وصته راقي .. لكن مايعيب التويو حقيقه عمره الافتراضي
انا مشيت عليه حوالي 60 الف .. بعد سنه من تركيب الكفر تقطع او اقل وبدت تظهر عليه علامات الكبر
الى ان انتهى كليا .. هذه هي مشكله التويو الوحيده اللي لاحظتها فقط
يعطيك العافيه ابو نايف على التقرير وماقصرت
اما بخصوص التويو فكلامك صح ناعم وبدون صوت بس للاسف مايطول
انا مركب بالاكورد برجيستون جي ار 80 وماشي عليها ماشاء الله 70000 ولها سنتين الحمدلله والله ما مسحت ولا صوت ولا رجه الحمدلله
اما التويو انا عندي بالسياره الثانيه لكزس وماشي والله 35000 وكفر مسح ذبحني رجه وصوت والله اخاف انزل به جده
من المسح اللي فيه كانه مكروف 100000 مو 35000
مع العلم ان الاكورد سفريات الرياض والجنوب والكزس مريح
فاتمنى بعد تجربه لفتره اطول ناخذ رايك
ولك الشكر والتقدير
^^^^^^^^^
أن شاء الله أبشر
بس الأن الكفرات عندي ماشي عليه 35 ألف ولله الحمد لامسحه ولا شي
ياغالي هي على حسب نوعية الكفر ألي أخترته
ابو نايف ركبت مثل حقك الكفر اليوم <<< عشان نرد على الي مركبين برجيستون هههههههههه
صراحه مريح جدا جدا والدركسون صار خفيف والسيارة تحسها اختلفت عن اول وسعره حلو جدا
بس ابغى اسالك في صوت خفيف جدا جدا ما تسمعه الا اذا قعدت تدقق كانه صوت حاجه مليانه هوا زي كذا وووووو
بس خفيفه هو كذا يعمل في الاول ولا الهوا زياده في الكفر
ما حبيت اغبنك بالسعر بس صراحه اخذت الطقم ب 1280 فرق كبير صراحه في السعر حقك
وشكرا.
نوعه ct-1 مكتوب على الكفر
وتاريخه 2010 الاسبوع الرابع يعني جديد بس الصوت خفيف جدا
الله يبارك فيك.
هلا بك كثير
الكفر ألي شريته أنت
مو نفس كفري
هاذي موصفات كفري وصوره له
نوع الكفر : PROXES ST01
أختصار لنوع الكفر : PXCT1
مقاس الكفر: 16_55_215
97W
وتم التركيب اليوم الأثنين ولله الحمد
في مركز رد كاب في الرياض
ميزة الكفرات:
1_ ثبات في الطرق
2_ راح في الطرق الطويله ( السفر )
3_ شبه أختفاء في أصوات عيون القطط
4_ السرعه القصوى 270
5_كفرات مريحه في المطبات ولينه
6_ العجيب أن جميع مواصفات الكفرات AA
إلا هاذي AAA >>> وهاذا يدل على أنها علية الجوده
و و و و ومواصفات كثيره جداً
والله مدري يالغالي بس نفس النقشه تشبه له بالضبط و w97
ياخوي الله يهنيك بالكفر ويعطيك خيره ويكفيك شره
بس ابغى اسالك انا لما سالت الوكاله حق تويو مدحولي كثير tpt و ct 01 وقالولي هذولي احسن انواع من ناحية الهدوء والليونه وحتى قالي الموظف لو طلع صوت جيبه وانا ارجع لك
بس لمن كشفه على الوزن قالي ترى السيارة من تحت معدوم في الوزنيات يبغاله وزن اذرعه وسحب مقصات خلفية قلتله خلها انا بعدين اسويها
لكن اليوم وانا رايح الدوام ماشي الا يطلعلي نفس الصوت وكان مرتفع شوي
هذا كله مع الوزن يروح ولا الكفر فيه مشكله رغم انه جديد صناعته ويعتبر من افضل كفرات تويو؟؟؟؟
لو كان مو من الوزن راح ارجعله واشوف حل معاه
ومشكور.
يعطيك الف الف الف عافيه
أبو نايف
أسعد الله مساك
أنا رحت عند ردكاب وركبت نوعين من الكفرات مرة تويو وطلع صوت وغيروه لي فايرستون وطلع صوت ورجعت لكفراتي الأوله :(
ياليت تدلني على نوع كفرات ماتطلع صوت مع العلم إني ماحصلت نوع كفراتك لإني رحت أبركهم قالوا لي خلصت ولا فيه بالسوق ولا عند الوكيل
ياليت ترسل لي رقمك على الخاص
تحياتي
مواقع النشر (المفضلة)