مشكلة في زر مثبت السرعه 2007

**majeed** · 11-11-2009, 06:40 PM

السلام عليكم ورحمة الله وبركاته ..

سيارتي 2007 v6 زر مثبت السرعه Menu صار مايمسك يعني ما اقدر اثبت السرعه يفصل مدري وش اسوي اخاف اوديه الوكاله يقولون غير مثبت السرعه كله ومثبت السرعه شغال ..

هذي مشكلتي وحبيت اقول لكم ..

لكم سلامي جميعا ..

**majeed** · 12-11-2009, 10:47 PM

up and any suggestion

**King** · 13-11-2009, 12:53 AM

إذا كانت سيارتك على الضمان وتحت الـ 60.000 كم

وديها وخلهم يصلحونها على الضمان إذا يشملها !

إذا ماحصل لك تصلحها بالوكالة ودها عند كهربائي كويس ويفك المثبت إلي على الدركسون ويشوف التمديدات إذا هي كويسه وتوصل كهرباء او لأ , إذا كل شيء كويس يبغالك تفحصها فحص كهربائي ممكن يكون عندك عطل بالمثبت نفسه او ممكن يكون فيوز محترق ..

**majeed** · 17-11-2009, 12:20 AM

يعطيك العافيه اخوي king على المداخله الرائعه ..

السياره ماشيه تقريبا 115 الف طبعا يعني الضمان راح ..

انا ماعندي مشكله في المثبت مشكله في الزر نفس المثبت شغال بس مايمسك يعني تجلس ضاغط على ال زر المنيو على طول يكون شغال بس اول ما اوخر يدي من الزر يطفأ يعني السسته ماتمسك ...

اذا في احد يعرف كهربائي هوندا في الدمام ..

لك سلامي ..

**MaLiK1987** · 17-11-2009, 12:35 AM

طيب غير الأزرار ( المثبت مع تحكم الصوت تجي كلها مع بعض ) وأظني سعرها مو غالي مره في الوكاله ناسي كم بس اتوقع حول 400 ريال من دون التركيب

أو دور عند محمد عبدالعزيز يبيع المثبت لحاله في موضوع شفته بسعر خيالي 100 ريال مع التركيب

http://www.hondaarabia.com/club/showthread.php?t=28717

يلا عيش يابو عزوز سوينا لك دعاية :d

**majeed** · 17-11-2009, 01:52 AM

يعطيك العافيه بس محمد عبدالعزيز يبيعها كزينة مو حقيقي بس شكل .. لك سلامي ..

**محمد بن عبد العزيز** · 17-11-2009, 01:53 AM

صح عليكـ يالدعااااايه ^^^

المشكله انك بالدمام .. وانا بالر ياض وحاليا بجده وغدا في مكه

اذا فيك صبر ان شاء الله بنزبطها لك .. اغير لك الازارير فقط .. وراح تزبط معاك .. ممكن من الزر نفسه

واللي عندي حقيقيه بس مثبت بدون تحكم بالصوت .. ممكن تستفيد منها قطع غيار

وواضح من كلامك ان اللمبه تشتغل عندك بالطبلون .. بس الضغاط او الزر ممكن يكون السسته خربانه ..علشان كذا تكون ضاغط عليها
واذا وخرت يدكـ يفصل .. >>شو استنتجت ^_^

حاليا انا مشغول الى 15 ذو الحجه ^_^

او انكـ تشتريها كامله الله يعينك بـ 474 ريال بعد الخصم وتعتبر غاليه بالنسبه لزر واحد بس..

**majeed** · 17-11-2009, 05:30 AM

اخوي محمد نعم كل ماذكرته صحيح المشكله في زر واحد بس واللمبه شغال والمثبت شغال مافيه مشكله عرفت ومحتاج للزر وانا بجي الرياض بعد 4 ايام اذا انت في الرياض ..

لك سلامي ..

**أكورد088** · 17-11-2009, 11:33 AM

الرجاء الاتصال على رقمي حدثت عندي نفس المشكلة ولا تحتاج لا شركة ولا تغيير فيها تيلة صغيرة طاحت الرجاء فتحها بلطف
جدا واعادة تركيبة التيلة فقط دمت سالم فك الأزرار من الخلف وفك نفس مساميرها وانت ضاغط عالزر لكي لا تطير التيلة واعد تركيبها وشكرا