اليوم طلعت للوكالة في طريق خريص
علشان الكراسي المكينة وقلتلهم شيكوا عليها
وقالوا مانقدر نصلحها لأنك مامشيت على الضمان :mad:
حسبي الله عليهم
اليوم طلعت للوكالة في طريق خريص
علشان الكراسي المكينة وقلتلهم شيكوا عليها
وقالوا مانقدر نصلحها لأنك مامشيت على الضمان :mad:
حسبي الله عليهم
الحمد لله تم تغير كراسي المكينة
والله حسيت بالراحه من جد أول أنواع الهزهزه
تم تغير 3 كراسي
على حسابهم ^_*
مبروك ابو نايف .. حظك والله .. يعطيك خيرها ويكفيك شرها ..
انا والله رفعو ضغطي .. خريص تقول رقم الشاصي مو من ضمن الارقام ..
والخالدية يقول عرض على 2006..
والله مدري وش اسوي ..
اقتباس:
المشاركة الأصلية كتبت بواسطة مجوووودي
رح للخالدية( ألي عند الصناعية القديمة) بعد الساعة 10 صباحا في موظف مهندس أستقبال : أسمه عمر >> الظاهر
تره توب التوب
لأن هو دوامه بعد الساعة 10
الله يبارك فيك
هو المصري .. مهندس الصيانة ..؟ جسمه مليان ..؟
مكتبة على اليمين على طول قدام مكتب الاستقبال ..؟
أقول مجوي شكله السالفة أنت وحظك
لأني رحت لهم وصرفوني بدفتر الضمان
وقالوا أنت مامشيت على الضمان
دايم أنا حظي شين :mad:
اقتباس:
المشاركة الأصلية كتبت بواسطة مجوووودي
لا مو مصري
ومكتبه في الوسط ألي قبال الأستقبال
هندي أسمه عمر يداوم بعد الساعة 10 صباحاً:d
والله صادق يالمهاجر الحظ زفت ..
والا وش حليلي اجيه مبتسم وبشوش واكلمهم بهداوهـ .. حتى اذا صرفوني اقول مشكورين يعطيكم العافية ..:d
بس الظاهر مالي الا ادخل على المدير بكبرهـ عشان اقتنع واطيح اللي براسي :mad:
اقتباس:
المشاركة الأصلية كتبت بواسطة المهاجر333
لا اخوي مالها علاقة بالضمان ابدا هي عليها ضمان من المصنع الان الى المسافة المذكورة وهي 120000كيلو
يعني وديها اي وقت ويقبلونها ان شاء الله بس روح فرع الخالدية
اقتباس:
المشاركة الأصلية كتبت بواسطة المهاجر333
اذا السالفه فيها دفتر ضمان ,,
فأنا اضمن لك أن دفتري أنظف دفتر بتاريخ هوندا :d
لكن من الدلاخه المركبه فيهم ان الخلل مصنعي ماله علاقه بالضمان يعني هو خلل في طريقة التصنيع او في مواد التصنيع أو أو او .. فكيف يصرفون العميل كذا ؟ :confused:
الله يعيننا عليهم بس :mad:
الخبر تسرب لي والى الان احس انهم ما تجهزوا وجاهم ناس من الخبر هذا :d
هم فترة ويعلنون في الجرايد بس مسألة الضمان ما لها علاقة هي عيب مصنعي ويتغير بالمسافة المحددة بدون تحديد مدة زمنية
اجل الغلط منك يابلال .. شكلك بتروح غلطه :d
لو انك ماسك كل يوم عضو بزاوية وتخبرهـ بالخبرية كان احسن .. :d
كان ماصار اللي صار .. تمرمطنا ع الفاضي حسبي عليهم :o
لا بالعكس الخبر صحيح وسبق صحفي للمنتدى
ادري صحيح ومصدقك .. بس الظاهر مثل ماقلت انت ..جاهم ناس فجاة دفعه وحدهـ وتوهقو وبدو يصرفون ..
قول ان شاء الله يسوون نفس الشي مع الفرامل
الامريكان متمتعين بضمان الفرامل يغيرون لهم نظام الفرملة عندهم على الضمان
والله اذا بيمرمطون نفس سالفة الكراسي ان شاءالله مايسوون :d
ابسئلك بلال .. الحين الرياض وش كبرها .. مافيها الا صيانة بخريص والخالدية ..؟؟
ماتحس انها شويه ..؟
هذه صدقت فيها لكن للاسف ما فيه الا المركزين الخالدية وخريص
المفروض انهم يزيدون شوي في الفروع على الاقل يكون 3 في الرياض
مبيعاتهم من الاكورد والسيفيك زادت المفروض يواكبون العدد شوي
السلام عليكم شباب سؤال بسيط
أنا السيارة شاريها من ولد خالتي مطلعها من الوكالة موديلها 2006
هل الضمان يشملني في التغيير الكراسي و السيارة بأسمي مو بأسمة هو
و شكرا
جزيلااا يا بلال
اقتباس:
المشاركة الأصلية كتبت بواسطة هوندا 0770
ايه يشملك حتى لو كنت المالك الخامس بس الاهم انها تكون ما تعدت 120000 كيلو
يعطيك العافية ودايما انت مبدع بالاخبار الحلوة
لا تقول من جد الخبر :eek:
يهووووووو ما انسى دفعت 5000 ريال للصيانة الاخيره قلت ليش خمسة الاف قالوا لي غيرنا لك كراسي المكينه ابسط يعم
ودفعتها وانا اضحك:d
ويومها كانت ماشيه سيارتي 104000 وكان عام 2007 شهر9 ميلادي
الان ماشية 190000 وعندي كراسي القير يبيلها تغيير هل يقايضوني بالسعر الي دفعته اول لكراسي المكينة بتغيير كراسي القير مجانا <<< تــحلـم
مشكور
بس أنا سيارتي 2004 ماشي حتى الأن
291000 كيلو
ماذا أفعل
كيف الحال شباب
انا من زمان ما دخلت السياره على الصيانه
اخر مره كانت ماشيه 5000الاف
والحين 100000 الف هل ياخذون حق التشييك الكيلوات ولا ما يطالعون
نصايبن
من اللي معه 2006 ولا مشت 120 ألف
مستحيل حتى لو أنها وآقفه
الحمد لله رحت للوكاله بمكه المكرمه وتطابق رقم الشاصيه واخذت موعد لغيير الكراسي يوم السبت
وسيارتي 2005 والعداد 119780 هع على الحافه والله ..
وتشكر يابلال على هذه التنبيه والله يوفقك ويرحم والديك ....
اقتباس:
المشاركة الأصلية كتبت بواسطة ا ا ب السعوديه 6 6 5 5
ما لها علاقة روح بس ويبدلونها على طول
اقتباس:
المشاركة الأصلية كتبت بواسطة الهاب
لا اذا تعدت المسافة المذكورة ماراح يغيرونها لك
ياريت يكون الضماان كماان على اشياء تانيه ومن ضمنها الاقمشه ههههه اكيد احلم انا....
يعني حتى لما حطو ضمااان على شي مايخرب الا نادرا كسياره هوندا ولا وش رايكم
اخوي بلال ... هل الضمان لازال موجود سيارتي ماشيه 97 الف
واخر صيانة 70 الف وماني منتظم يقبلونها ولالا
لان الرجه عندي وانا واقف والقير على d او r واذا على الفاضي ماتطلع الرجه
ططيب ي اخ بلال اهل الكوبيه يغيرون لهم والا يسمعون
علما بان موتري ماشي 143 الف وجميع الصيانات عندهم الا 130 الف
والوكيل الي عندنا مب عبدالله هاشم
البسامي اعتقد هل يغيرها لي
والله خبررر حلوووو
لكن قهرر مغير كراسي المكينة قبل العيد بـ 4 أيام ...:(
بس سؤال كيف ادري ان كراسي أو كرسي واحد من القير مكسور ؟!
اقتباس:
المشاركة الأصلية كتبت بواسطة غاب القمر
ايه يبدلونها لك اذا استقعدت لهم لانهم على اسلوبهم الجديد من سنة وشوي ان اللي مو منتظم ما يشمله حتى الاستدعاءات وتبديل العيوب المصنعية هذا اسلوب الوكالة الجديد
اقتباس:
المشاركة الأصلية كتبت بواسطة حرام يالأكورد
نظريا لما تشوف الكرسي تلقى زيت طالع منه لان كراسي الاكورد 2003 الى 2007 هيدروليكية يعني اسطوانة معبى داخلها زيت ومغطى من الخارج ببلاستيك او انك في السيارة تحس برجة قوية لما تشغل المكيف
اقتباس:
المشاركة الأصلية كتبت بواسطة كوووبيه 2009
ما ادري عن البسامي هل يعامل السيارة وكانه وكيل وله كامل الصلاحيات او لا بس دام حتى ما عنده ورشة سمكرة ما اعتقد انه يسوي الاستدعاءات لكن سيارتك ماشية كثير حتى عبدالله هاشم ما يبدلها لك
تعقيبا على كلام الاخ بلال
البسامي يعامل السيارة على انه موزع وليس وكيل (موزع للوكيل)
لديه صيانه :BHRAINI_2005: ولديه سمكره :g:
بس لما تكون الشغله على الضمان يرسلك لجده او جيزان
الحمد لله 2010 يعني ما لهم شيء
>>>> صاارت نفسيه هههههه
طيب اكيد الموديلة سابقه 2003 الى2007 مشت اكثر 120000 كيلو وبعدين هاذي مورد عتبار لزبون لو صادقي كان خلو الكيلو مفتوح واكيد الكل يايدني :mad:
طيب هل يشمل السيارات الواردة ؟
يرفع الموضوع
اليوم رحت للوكاله فرع الدمام
وقالي بالحرف الواحد لايوجد اي استدعاءات للاكورد 2007
وش السواة يالربع