خبر عاجل : بشرى سارة لملاك اكورد ضمان على كراسي المكينة

**مجوووودي** · 16-11-2009, 01:25 PM

بلال .. ياخي وربي رفعو ضغطي .. يقول لازم الارقام الشاصي اللي مرسلينها لهم المصنع ..

رحت لهم الصباح امس .. قال لي الزول رقم شاصك مو من ضمن الارقام .. خبرتك هنا .. قلت لي روح في الليل .. رحت لهم بالليل .. من سوى حظي لقيت الزول اللي قابلته الصباح .. قال في الليل صيانة سريعه بس زيت وما زيت ..

في النهار بس حقيت الموضوع هذا ..

**بلال العلمي** · 16-11-2009, 01:37 PM

روح فرع الخالدية

**مجوووودي** · 16-11-2009, 01:40 PM

فرع الخالدية وين هذا .. ممكن توصفه لي وصف دقيق ..

السوادني الوسخ اسئله اقول لكم فروع غير فرع خريص .. قال لي لا ..

مدري وش قصة اهله ..

المهم الله لا يهينك وصفه لي وبكرة بروح لهم وعسا احصل خبر زين ..

لان عندي رجه بالموتر بدت تطلع ..

**بلال العلمي** · 16-11-2009, 01:58 PM

من على طريق الخرج اذا تعرف الخالدية هناك تلقاها

امام اسواق نجد تقريبا

**بلال العلمي** · 16-11-2009, 02:06 PM

هذا مكانها بالتحديد

**المهاجر333** · 17-11-2009, 11:57 AM

اليوم طلعت للوكالة في طريق خريص
علشان الكراسي المكينة وقلتلهم شيكوا عليها
وقالوا مانقدر نصلحها لأنك مامشيت على الضمان

حسبي الله عليهم

**أبو نايف أكورد 2007** · 18-11-2009, 10:19 AM

الحمد لله تم تغير كراسي المكينة

والله حسيت بالراحه من جد أول أنواع الهزهزه

تم تغير 3 كراسي

على حسابهم ^_*

**مجوووودي** · 18-11-2009, 03:33 PM

مبروك ابو نايف .. حظك والله .. يعطيك خيرها ويكفيك شرها ..

انا والله رفعو ضغطي .. خريص تقول رقم الشاصي مو من ضمن الارقام ..

والخالدية يقول عرض على 2006..

والله مدري وش اسوي ..

**أبو نايف أكورد 2007** · 18-11-2009, 03:48 PM

المشاركة الأصلية كتبت بواسطة مجوووودي

مبروك ابو نايف .. حظك والله .. يعطيك خيرها ويكفيك شرها ..

انا والله رفعو ضغطي .. خريص تقول رقم الشاصي مو من ضمن الارقام ..

والخالدية يقول عرض على 2006..

والله مدري وش اسوي ..

رح للخالدية( ألي عند الصناعية القديمة) بعد الساعة 10 صباحا في موظف مهندس أستقبال : أسمه عمر >> الظاهر

تره توب التوب

لأن هو دوامه بعد الساعة 10

الله يبارك فيك

**مجوووودي** · 18-11-2009, 03:51 PM

هو المصري .. مهندس الصيانة ..؟ جسمه مليان ..؟

مكتبة على اليمين على طول قدام مكتب الاستقبال ..؟

**المهاجر333** · 18-11-2009, 08:51 PM

أقول مجوي شكله السالفة أنت وحظك
لأني رحت لهم وصرفوني بدفتر الضمان
وقالوا أنت مامشيت على الضمان
دايم أنا حظي شين

**أبو نايف أكورد 2007** · 18-11-2009, 11:45 PM

المشاركة الأصلية كتبت بواسطة مجوووودي

هو المصري .. مهندس الصيانة ..؟ جسمه مليان ..؟

مكتبة على اليمين على طول قدام مكتب الاستقبال ..؟

لا مو مصري

ومكتبه في الوسط ألي قبال الأستقبال

هندي أسمه عمر يداوم بعد الساعة 10 صباحاً:d

**مجوووودي** · 18-11-2009, 11:53 PM

والله صادق يالمهاجر الحظ زفت ..

والا وش حليلي اجيه مبتسم وبشوش واكلمهم بهداوهـ .. حتى اذا صرفوني اقول مشكورين يعطيكم العافية ..:d

بس الظاهر مالي الا ادخل على المدير بكبرهـ عشان اقتنع واطيح اللي براسي

**بلال العلمي** · 19-11-2009, 08:13 AM

المشاركة الأصلية كتبت بواسطة المهاجر333

أقول مجوي شكله السالفة أنت وحظك
لأني رحت لهم وصرفوني بدفتر الضمان
وقالوا أنت مامشيت على الضمان
دايم أنا حظي شين

لا اخوي مالها علاقة بالضمان ابدا هي عليها ضمان من المصنع الان الى المسافة المذكورة وهي 120000كيلو

يعني وديها اي وقت ويقبلونها ان شاء الله بس روح فرع الخالدية

**أكورداوي** · 19-11-2009, 10:59 AM

المشاركة الأصلية كتبت بواسطة المهاجر333

أقول مجوي شكله السالفة أنت وحظك
لأني رحت لهم وصرفوني بدفتر الضمان
وقالوا أنت مامشيت على الضمان
دايم أنا حظي شين

اذا السالفه فيها دفتر ضمان ,,

فأنا اضمن لك أن دفتري أنظف دفتر بتاريخ هوندا :d

لكن من الدلاخه المركبه فيهم ان الخلل مصنعي ماله علاقه بالضمان يعني هو خلل في طريقة التصنيع او في مواد التصنيع أو أو او .. فكيف يصرفون العميل كذا ؟

الله يعيننا عليهم بس

**بلال العلمي** · 19-11-2009, 12:16 PM

الخبر تسرب لي والى الان احس انهم ما تجهزوا وجاهم ناس من الخبر هذا :d

هم فترة ويعلنون في الجرايد بس مسألة الضمان ما لها علاقة هي عيب مصنعي ويتغير بالمسافة المحددة بدون تحديد مدة زمنية

**مجوووودي** · 19-11-2009, 12:31 PM

اجل الغلط منك يابلال .. شكلك بتروح غلطه :d

لو انك ماسك كل يوم عضو بزاوية وتخبرهـ بالخبرية كان احسن .. :d

كان ماصار اللي صار .. تمرمطنا ع الفاضي حسبي عليهم :o

**بلال العلمي** · 19-11-2009, 12:55 PM

لا بالعكس الخبر صحيح وسبق صحفي للمنتدى

**مجوووودي** · 19-11-2009, 12:58 PM

ادري صحيح ومصدقك .. بس الظاهر مثل ماقلت انت ..جاهم ناس فجاة دفعه وحدهـ وتوهقو وبدو يصرفون ..

**بلال العلمي** · 19-11-2009, 01:03 PM

قول ان شاء الله يسوون نفس الشي مع الفرامل

الامريكان متمتعين بضمان الفرامل يغيرون لهم نظام الفرملة عندهم على الضمان

**مجوووودي** · 19-11-2009, 01:09 PM

والله اذا بيمرمطون نفس سالفة الكراسي ان شاءالله مايسوون :d

**مجوووودي** · 19-11-2009, 01:18 PM

ابسئلك بلال .. الحين الرياض وش كبرها .. مافيها الا صيانة بخريص والخالدية ..؟؟

ماتحس انها شويه ..؟

**بلال العلمي** · 19-11-2009, 01:56 PM

هذه صدقت فيها لكن للاسف ما فيه الا المركزين الخالدية وخريص

المفروض انهم يزيدون شوي في الفروع على الاقل يكون 3 في الرياض

مبيعاتهم من الاكورد والسيفيك زادت المفروض يواكبون العدد شوي

**هوندا 0770** · 16-01-2010, 11:00 AM

السلام عليكم شباب سؤال بسيط
أنا السيارة شاريها من ولد خالتي مطلعها من الوكالة موديلها 2006
هل الضمان يشملني في التغيير الكراسي و السيارة بأسمي مو بأسمة هو
و شكرا
جزيلااا يا بلال

**بلال العلمي** · 16-01-2010, 11:05 AM

المشاركة الأصلية كتبت بواسطة هوندا 0770

السلام عليكم شباب سؤال بسيط
أنا السيارة شاريها من ولد خالتي مطلعها من الوكالة موديلها 2006
هل الضمان يشملني في التغيير الكراسي و السيارة بأسمي مو بأسمة هو
و شكرا
جزيلااا يا بلال

ايه يشملك حتى لو كنت المالك الخامس بس الاهم انها تكون ما تعدت 120000 كيلو