الموضوع: خبر عاجل : بشرى سارة لملاك اكورد ضمان على كراسي المكينة

المشاركة الأصلية كتبت بواسطة هوندا 0770

السلام عليكم شباب سؤال بسيط
أنا السيارة شاريها من ولد خالتي مطلعها من الوكالة موديلها 2006
هل الضمان يشملني في التغيير الكراسي و السيارة بأسمي مو بأسمة هو
و شكرا
جزيلااا يا بلال

ايه يشملك حتى لو كنت المالك الخامس بس الاهم انها تكون ما تعدت 120000 كيلو

المشاركة الأصلية كتبت بواسطة الهاب

لا تقول من جد الخبر

يهووووووو ما انسى دفعت 5000 ريال للصيانة الاخيره قلت ليش خمسة الاف قالوا لي غيرنا لك كراسي المكينه ابسط يعم
ودفعتها وانا اضحك:d
ويومها كانت ماشيه سيارتي 104000 وكان عام 2007 شهر9 ميلادي
الان ماشية 190000 وعندي كراسي القير يبيلها تغيير هل يقايضوني بالسعر الي دفعته اول لكراسي المكينة بتغيير كراسي القير مجانا <<< تــحلـم

لا اذا تعدت المسافة المذكورة ماراح يغيرونها لك

المشاركة الأصلية كتبت بواسطة ا ا ب السعوديه 6 6 5 5

كيف الحال شباب
انا من زمان ما دخلت السياره على الصيانه
اخر مره كانت ماشيه 5000الاف
والحين 100000 الف هل ياخذون حق التشييك الكيلوات ولا ما يطالعون

ما لها علاقة روح بس ويبدلونها على طول

المشاركة الأصلية كتبت بواسطة غاب القمر

اخوي بلال ... هل الضمان لازال موجود سيارتي ماشيه 97 الف

واخر صيانة 70 الف وماني منتظم يقبلونها ولالا

لان الرجه عندي وانا واقف والقير على d او r واذا على الفاضي ماتطلع الرجه

ايه يبدلونها لك اذا استقعدت لهم لانهم على اسلوبهم الجديد من سنة وشوي ان اللي مو منتظم ما يشمله حتى الاستدعاءات وتبديل العيوب المصنعية هذا اسلوب الوكالة الجديد

المشاركة الأصلية كتبت بواسطة حرام يالأكورد

والله خبررر حلوووو
لكن قهرر مغير كراسي المكينة قبل العيد بـ 4 أيام ...:(

بس سؤال كيف ادري ان كراسي أو كرسي واحد من القير مكسور ؟!

نظريا لما تشوف الكرسي تلقى زيت طالع منه لان كراسي الاكورد 2003 الى 2007 هيدروليكية يعني اسطوانة معبى داخلها زيت ومغطى من الخارج ببلاستيك او انك في السيارة تحس برجة قوية لما تشغل المكيف

المشاركة الأصلية كتبت بواسطة كوووبيه 2009

ططيب ي اخ بلال اهل الكوبيه يغيرون لهم والا يسمعون
علما بان موتري ماشي 143 الف وجميع الصيانات عندهم الا 130 الف



والوكيل الي عندنا مب عبدالله هاشم

البسامي اعتقد هل يغيرها لي

ما ادري عن البسامي هل يعامل السيارة وكانه وكيل وله كامل الصلاحيات او لا بس دام حتى ما عنده ورشة سمكرة ما اعتقد انه يسوي الاستدعاءات لكن سيارتك ماشية كثير حتى عبدالله هاشم ما يبدلها لك

اخي احساس كيف الحال

للاسف هذا النظام اللي تتبعه حاليا شركة عبدالله هاشم في الاستدعاءات اذا نزل جيل بعد الجيل اللي عليه استدعاء يعني الان اذا نزل استدعاء لطرمببة الدركسون لموديلات 2008 الى 2011 راح يسوون نفس الطريقة انه يتم الاستدعاء للمنتظم في الصيانة هي طريقة تخليك تسوي انتظام في الصيانة بالغصب


على العموم انت عندك ايضا علبة الفيوزات والظفيرة الخاصة بها مو بس كراسي مكينة بس على العموم سوي صيانة 70 الف وبعدها سوي صيانة 80 الف وبعده صيانة 85 الف وروح للوكالة وقول انا منتظم بالصيانة وخلهم يسوون لك صيانة 90 الف ومعها يدخلون الاستدعاء في الكرت اللي يفتحونه لك وبتتم امورك ان شاء الله