قصة اصابع يدي مع قزاز سيارتي

**جلمود** · 13-11-2009, 10:55 PM

مساء الورد لكل رواد ومحبي هذا المنتدى
عندي اكورد 2009 فل 4 سلندر ولله الحمد والشكر ( ما شاء الله تبارك الله )
قرأت في هذا المنتدى العريق عن بعض مواصفات الاكورد
ومنها قزاز الباب ما يتقفل وفيه شئ يعيقه
قلت اجرب وهنا بدأت القصة
شغلت الموتر ونزلت قزاز السائق وقلت احط يدي وارفع القزاز ولا وقف الا وانا اصرخ ااااااااااااااه

قلت يمكن قزاز الراكب الخلفي ونفس الاااااااااااااااااااااااااااااااه تكررت افيدوني في هذا الموضوع
ولكم مني كل الشكر والتقدير

وفيه شئ محيرني فيه نور ازرق وبجواره فتحات صغيرة بين مفتاح لمبة الابوب الامامية وزر فتحة السقف
ما هذه الفتحات ؟ وهل بالفعل يوجد سبيكر ؟
اااااااااااااااااااااااااااااااااااسف على الاطالة :o
ودمتم بود

**المـــــلكـ اكـــــورد** · 13-11-2009, 11:11 PM

صدق حتى لو حطيت راسك تحت الكفر الامامي الايسر وقلت لاخوك يعشقها بالدي ماتمشي
____

..سين سؤال انت وين قلبك انا ان بغيت اسوي هالحركه احط كرتون مناديل ولاقلم ومستحيل احط يدي
انتبه بس من مواضيع المنتدى لاتطبقها كلها على ارض الواقع وتروح ضحية

بالنسبه لاسئلتك

اللمبه علشان تونسك في وحدتك خاصه ان كنت عزوبي وماسك خط <<
والفتحات :ممكن تركب فيها مايك الكاركت للجوال ..على حسب علمي

والف مبروك السياره ويعطيك ربي خيرها ويكفيك شرها

**accordyon** · 13-11-2009, 11:15 PM

شغلت الموتر ونزلت قزاز السائق وقلت احط يدي وارفع القزاز ولا وقف الا وانا اصرخ ااااااااااااااه

قلت يمكن قزاز الراكب الخلفي ونفس الاااااااااااااااااااااااااااااااه تكررت افيدوني في هذا الموضوع

سلامات سلامات ماتشوف شر ياحبي بي

اذا تبي العملية تنجح ارفع القزاز بالأوتو يعني اضغظ على الزر مره وحد بقوه

عشان يرتفع بروحه وبكذا لو شي يعيقه بيوقف

وفيه شئ محيرني فيه نور ازرق وبجواره فتحات صغيرة بين مفتاح لمبة الابوب الامامية وزر فتحة السقف
ما هذه الفتحات ؟ وهل بالفعل يوجد سبيكر ؟

اللمبة هذه حاطينها عشان تنور مكان الأكواب والسيدي لوكنت بطريق مظلم

يعني يعطيك سفر خفيف بحيث ماتحتاج تشغل لبة السقف

ومع الأسف مافي سبيكر

**مجوووودي** · 13-11-2009, 11:39 PM

اذا ماني غلطان في فهم الشرح من ناحية اللمبة الصغيرة ..

اتوقع هذي اذا خليت الفتحه مفتوحه وقفلت سيارتك .. بعد وقت معين تتسكر تلقائياً :d

**King** · 13-11-2009, 11:44 PM

وهناك الكثير من التوجيهات والتعليمات التي تهمك وتهم سلامتك وسيارتك بدليل السيارة ( دليل المستخدم )

هانحن أمة اقرأ ولا نقرأ !!

فكيف نتعلم ؟!

**بلال العلمي** · 14-11-2009, 08:54 AM

وهل بالفعل يوجد سبيكر ؟

لا هذا مو سبيكر لكن بحسب ما سمعت انه خاص بتشغيل بعض خدمات السيارة من خلال سماعك للصوت

والبعض يقول انك بس تضغط زر وتسجل الاصوات داخل السيارة

**ღღ 3eo0oney...ღღ** · 14-11-2009, 09:16 AM

وعليكم السلام

يقووولون الصطام الامامي اذا جيت بتصدم يوقف من نفسه قبل لا تصدم

وانا احترت اجرب بجدار من جدران حارتنا ولا اجربه فيك :d

لا تزززعل امزح وياك

شوووف بخصوص الفتحات هذي بالاكوردات الخليجية فيها سبيكر وهذا ع اللي سمعته من واحد بالامارات

وانتبه لا تسوي فلم بنفسك

**اكوردsky** · 14-11-2009, 01:13 PM

هههههههههههههههههههههههههههههههههههه
انت وين عقلكـ
في احد يحط اصابعه ويقول ابجرب

**حبيب هنادي** · 14-11-2009, 05:47 PM

.,.,.., واللهـــ لو اني منكــ كانــ أجرب على أصبعــ أخوي الصغيررر هع هع .,.,.,.

**ya$$er** · 15-11-2009, 12:56 AM

بالنسبه للقزاز طبعا يكون نازل وارفعه اوتوماتيك وحط (علبه مناديل) ولا اي شي خفيف وتلاحظ انه ينزل الى النص ونفس الطريقه فتحه السقف
يعني هذي يدك راحت فيها اش الفايده منها

وعلى فكره هي طبعا بس تجي في الاقزازات الاوتوماتكيه يعني في فتحه السقف وباب السائق

وشكرا

**honda2007** · 15-11-2009, 01:52 PM

انا قريت هالشيء في دليل المستخدم وانا طبقتها على الفتحة وزبطت بس مع النافده ما زبطت ارجوا التأكد من هذا هالحركة في مدويل
2009
والله احد اصلبعي واجرب يمزح معاك..............

**بلال العلمي** · 15-11-2009, 02:03 PM

فيه ردود تضحك هنا :d

بس هذه خاصية حقيقية وممكن تكون ضدك احيانا

احيانا الاوتوا اذا حس فيه اوساخ في مسار القزاز يقوم يرتفع شوي وينزل ويوقف ما يقفل القزاز

فهي احيانا تتحول لنقمة عرفت وانا ابتليت فيها بس نظفت مسارات القزاز وضبطت معي

**جلمود** · 15-11-2009, 09:36 PM

لكم مني كل الشكر والتقدير على مروركم وردودكم
وكل الذي صار معاي كله بسبب الحماس الزايد
لاني بغيت اشتري اكورد عام 2003 ولكن
من صبر ظفر ولله الحمد والشكر
ودمتم بود ;)