سيارتي للصيانه نصايحكم !!

**ذاك** · 19-11-2009, 02:40 PM

ناوي ادخل سيارتي اليوم لورشة صيانه عندي لمبة المكينه شغاله لها فتره ..
وفيه تقطيع بالسياره وهي واقفه احس بالبنزين يدعس ويرفع وبعض الاحيان تطفى السياره وهي واقفه !!
ودي يكون عندي خبره اذا شرحت للمكانيكي المشكله ..
لا هنتم مقدماً ..

**B Useful** · 19-11-2009, 02:47 PM

لمبة المكينة يحتاج لها فحص كمبيوتر .. عشان تعرف وش الحساس الخربان وتغيرة من التشليح او من الوكالة ( في احدى الحساسات في الوكالة بـ ١٠٠٠ وفي التشليح بـ ( ١٠٠)

وين ساكن عشان ندلكـ على ورشة كويسة ؟

اذا انك بالرياض رح صناعية ام الحمام ورشة رقم ٢٠ متخصصة بالهوندا عشان تشوف مشكلة التقطيع .

**ذاك** · 19-11-2009, 02:52 PM

ياملا العافيه
انا بعنيزه ياليت تفيدوني بورشه طيبه .
على فكره سبق وسويت فحص كمبيوتر وقالوا لي حساس الشكمان خربان وجبت لهم حساس وركبوه واللمبه مازالت شغاله
واللي قهرني زود مشكلة التقطيع بالسياره

**B Useful** · 19-11-2009, 02:57 PM

^^ مشكلة التقطيع ..! ^^

غيرت البواجي قريب ؟

حساس الشكمان : جبتة من الوكالة ولا التشليح ؟ اذا التشليح يمكنك ماخذ واحد خربان ، واذا جبتة من الوكالة يمكنة ماركب مضبوط ..!