السلام عليكم ورحمة الله وبركاته ..

صبـآحكمـ || مساءكمـ ..

ارق واعذب من صوت هنـآدي لا دقيت له سلف :o

وأحلى من زقزقة العصـآفير و سميفونية بوري الـ أكووورد ..

شخبـآركمـ يآ الغوـآلي ؟! .. ان شـآء الله الجميع بخير وعافيه وأتم حـآل ..



احم .. ندخل في الموضوع ؟! ..


اكيد ندخل ..


:dطبعًا لا أخفيكمـ سرًا أنا زآئر لمنتدآكم من فترهـ .. << من يوم قرر يطق الاكورد ..

والحمد لله تيسرت الأمور .. وبإذن الله غدًا السبت استلم السيآرهـ .. طبعًا 2009 سبشل .. اللون لؤلؤي ..

... شوركم وهداية الكريم ..

1-
يآ أخوآن موظف المبيعـآت في الوكـآله .. اقنعني بطريقة وأخرى إني أظلل التظليل العازل اللي من الشركة الامريكيه
حسب وصفه ..الشاهد في الأمر .. إني بعد مافكرت كثير واتخذت قرار بـ [ التراجع ] عن تركيب العازل على طول .. منها لإن الموتر جديد ومايحتآج نحط له تضليله على طول .. ومنها توفير للمبلغ خصوصًا ان العيد جاي :d.. هع

وش رايكم ؟! ..

2-
وش الاشياء اللي تجي معي السيارهـ ؟! .. <<~ وش أتأكد منه قبل استلمها ..

3-

نصائحكم بما إني اول مرهـ في حيآتي امتلك سيارهـ من وكاله :d<< عادي عادي هع

وش بعد اممممممممممم

ايه .. وش تنصحون بالنسبة لـ الارضيه والدعاسات .. تخبرون محل في الرياض متخصص يضبط التلبيس ؟! ..

ولو إن الشركة الامريكيه اللي مقرر تسوي العازل .. تسوي نفس الخدمه للسياره اللي هي تلبيس الارضيه والدعاسات .. بس انا تراجعت لعدة أسباب ذكرتها آنفًا ..

4-
: التأمين :( :(

سويت تأمين ضد الغير وقيمته كانت [ 960 ريال ] .. وفكرت كثير وقلت ياولد خلها [ شامل ] احسن .. السؤال :
وش هي اجراءات تحويل التأمين من ضد الغير إلى شامل .. ؟! وهل يروح علّي المبلغ اللي دفعته أو يلزمني الفرق بس ؟! ..



وامممممممم وش بعد ! .. مدري بس اذا فيه معلومه منا والا منا والا نسيت شي تراي اطوّف وآجد . . فـ ذكروني ..
يعطيكم الف عافيه وان شـآء الله اكون عضو خفيف ظل في منتدى الملكه..


تحيـآتي ..