عضو جديد عنده مشكله .......معقوله ماتساعدونه!!!!!

**ابراهيم الخميس** · 27-11-2009, 03:34 AM

بسم الله الرحمن الرحيم
السلام عليكم ورحمة الله وبركاته

مساء/صباح الخير للجميع وكل عام وانتم بخير عيد مبارك عالكل
اعاده الله على الجميع بالخير
بداية أرفع أصدق معاني التهاني والدعاء بالقبول لمن حظي بالحج هذا العام , كما نلهج لله بالدعاء بأن يرحم من توفي جراء الامطار في المنطقه الغربيه كما نبتهل إليه عز وجل أن يمن على المصابين بالشفاء العاجل ويعظم لهم الأجر والمثوبة – ونرجوه سبحانه وتعالى ان يحفظ هذا البلد من كل سوء انه الوحيد والقادر عليه ...

بداية انا اول مره اشارك في هذا الصرح الشامخ لملاك ومحبي الملكه
انا باذن الله تعالى راح اطلع بعد العيد اكورد 2010
وانا الان املك اكورد 2005 , عندي فيها مشكله .....لما طفيت السياره ماعاد اشتغلت
فقلت يمكن بطاريه لكن المصيبه اني قفلت ابواب السياره والان ماتفتح الابواب سواء عن طريق الريموت او عن الطريق الفتح المباشر عن طريق الباب :(.

اللي حصله نفس المشكله ياليت يعلمني وش الحل
بأسرع وقت لاني مسافر ثاني العيد ولازم اصلحها قبل السفر

أأسف على الاطاله

تقبلــــــــــــــوا تـــــــــــحــــــــــــياتي

**King** · 27-11-2009, 03:56 AM

شيك على البطارية مع أسلاكها , وإذا كان فيه ترسبات على البطارية نظفها عن طريق فرشة أسنان وسفن آب !

شيك على بطارية الريموت , إذا ماخاب ضني ان الستنر لوك خربان لكن قبل لا تصلح شيك على الأشياء إلي قلتها لك

بما انك راح تشتري اكورد 2010 والله يبارك لك فيها , خلي تصليح السيارة بعدين وآجلها , لأن راح تشغلك وتتعبك ..

**ابراهيم الخميس** · 27-11-2009, 06:08 AM

المشاركة الأصلية كتبت بواسطة king

شيك على البطارية مع أسلاكها , وإذا كان فيه ترسبات على البطارية نظفها عن طريق فرشة أسنان وسفن آب !

شيك على بطارية الريموت , إذا ماخاب ضني ان الستنر لوك خربان لكن قبل لا تصلح شيك على الأشياء إلي قلتها لك

بما انك راح تشتري اكورد 2010 والله يبارك لك فيها , خلي تصليح السيارة بعدين وآجلها , لأن راح تشغلك وتتعبك ..

الله يعطيك العافيه يامشرفنا الغالي

شاكرلك سرعة التفاعل
بس السياره مقفله ما اقدر افتحها عشان افتح الكبوت واشيك على البطاريه
وباذن الله راح اشوف وعسى الله يعين

تــــــــــقـــــــــبل تـــــــــــــــحـــــــــــــياتـــــــــي

**المباشر** · 27-11-2009, 04:36 PM

وعليكم السلام ورحمة الله وبركاته

وكل عام وانت بخير وصحة وسلامة

طبعآ راح افيدك بسبب مشكلة المفتاح لأن المشكلة الثانية شكلها بطارية

المهم بعض المرات قفل المفتاح يعكرها شوي ومايفتح لكن حاول بدون ماتكسر المفتاح انك تحاول يمين ويسار تفتح بالمفتاح لين يمشي معك وحاول تدخل المفتاح مضبوط وترى في العادة تضبط الحركة في جهه اليسار وبعدين يجي معك الفتح باليمين

وحاول تاخذ لك بخاخ w40 وترش بالقفل وتحاول معاه لين تضبط امورك

ترى حتى موتري يجنني المفتاح ساعات مايفتح بسبب اني استخدم الريموت دائمآ ولكن الحين صرت يوم بالريموت ويوم بالمفتاح