نوعية الزيت وأسئلة أخرى ؟؟؟

[ابو ردح]

مرحبا شباب حاب أسئل عن بعض الشغلات الله لا يهينكم ونرجوا
ممن له سابق تجربه أن لا يبخل علينا
أنا عندي أكورد 2004 (4سرندل ) وحاب أسئل عن
الزيت حيث أني أغير سوبر جي تي فوكس اللي علبته سوداء بلا ستيك حاليا
ولكن لزوجته 20wــ50 وزيت الوكالة لزوجته 15ــ30على ما أعتقد
هل في هذا مشاكل ، بعدين كم علبة التغيير أنا مع السيفون أغير ثلاثة ونصف
بس قريب بديت أحس بصوت المكينة إذا جيب أحمي الموتر
الحين السيارة مشت 60،000 وما قد وديتها للوكالة ولا مرة
مع إني محافظ عليها جدا ولا قد غيرت فيها شئ اللهم إلا فحمات
خلفية لقيتها متآكلة هل فيه أشياء ضرورية يجب تغييرها من سيور بواجي ...أفيدونا
وبالنسبة للفحمات الأمامية متى يجب تغييرها وكم تمشي بالعادة لأنها تصفر
وفحصتها يوم أغير الخلفية قالي باقي فيها النصف وش الراي
أخيرا الخطأ المصنعي اللي أعلونه الأخوان بخصوص ليات الدركسون
هل هو مجاني مع العلم إن الضمان عندي منتهي
شكلي طولت بس السموحة ما صدقت إني لقيتكم ...

[922]

السلام عليكم


هلا بك ابو ردح في نادي المحبين

اختيار معيار الزيت ماتحكمه النوعية بقدر مايحكمه المكان اللى تعيش فيه

اوضح نحن في الخليج درجة الحرارة تتراواح بين 10 الى 50 مئوية ماننزل تحت الصفر الانادراً

المعيار المناسب في الحالة 10w -40 بغض النظر عن المنتج

والزيت 4 لتر بسيفون او بدون يعني 4 علب زيت


=====

تحتاج من الصيانة كالتالى

1 - زيت قير في الوكالة يتغير
2 - فلتر هواء
3 -بواجي
4 - سير مكينة


وانصحك تسويها في الوكالة او في ورشة تثق فيها ومتخصصين في هوندا

الفحمات مثل ماقلت اذا صارت تصفر غيرها مع خرط الهوبات طبعاً وتاكد منها بشكل دوري

أخيرا الخطأ المصنعي اللي أعلونه الأخوان بخصوص ليات الدركسون
هل هو مجاني مع العلم إن الضمان عندي منتهي

نعم مجاني حتى لو انتهى الضمان


ومره اخرى حياك الله في المنتدى


تحياتي
محمد

[هنادي والناس تنادي]

هلا فيك يا ابو ردح بالنسبه للزيوت:
فيه زيت سوبر جي تي30_10 هذا خفيف
و زيت سوبر جي تي 50_20 وهذا ثقيل على المكينه
أفضل زيت بخصوص تجربتي زيت(موبيل XHB ) ونوعه 40_15
ويتحمل 5000 كيلو والكلام على لزوجت الزيت وليس اللون

مع العلم ان زيت الوكاله 40_15 نفس لزوجت (موبيل XHB)
بس حق الوكاله مايدوم كثير على كلامهم,,,



وبالنسبه لقطع الغيار مثل ما قال أخوي 922 ولا تنسى فلتر الهواء
وأفضل ورشه(( إذا كنت ساكن في الرياض)) ورشه الجنوب (في أم الحمام) او اللي جمبها على طول
ما اذكر اسمها لاكن فيها واحد اسمه فيصل (هندي) خبره 100% وسعره معقول وهذا
رقم جواله 0507429387 واعتذر للاطااااااله,,,,,

تحياتي:


هنادي والناس تنادي

[accord 06]

السلام عليكم

هلا بك ابو ردح في نادي المحبين

اختيار معيار الزيت ماتحكمه النوعية بقدر مايحكمه المكان اللى تعيش فيه

اوضح نحن في الخليج درجة الحرارة تتراواح بين 10 الى 50 مئوية ماننزل تحت الصفر الانادراً

المعيار المناسب في الحالة 10w -40 بغض النظر عن المنتج

والزيت 4 لتر بسيفون او بدون يعني 4 علب زيت


=====

تحتاج من الصيانة كالتالى

1 - زيت قير في الوكالة يتغير
2 - فلتر هواء
3 -بواجي
4 - سير مكينة


وانصحك تسويها في الوكالة او في ورشة تثق فيها ومتخصصين في هوندا

الفحمات مثل ماقلت اذا صارت تصفر غيرها مع خرط الهوبات طبعاً وتاكد منها بشكل دوري



نعم مجاني حتى لو انتهى الضمان


ومره اخرى حياك الله في المنتدى


تحياتي
محمد

ما ازيد على كلامك شي

بالنسبه للارتفاع البسيط بصوت المكينه عند التحميه
انا و كم عضو لاحظناهـ بعد استخدام البنزين الجديد 91
فـ احتمال ما يكون من الزيت

[ابو ردح]

حبايبي 922 ، هنادي والناس تنادي ،accord 06
شاكر مروركم ويعطيكم ألف عافية

[هوندا اكورد 2020]

انا عن نفسي استخدم زيت فوكس زيت مره ممتاز لزوجه ولون واغيره ما بين 8000 الى 12000كيلو