هل زيادة الزيت عن العيار لها ضرر ( افيدوني )

[انتي حبي]

السلام عليكم وبعد :

اليوم كشفت على السيارة وجدت ان علبة الدركسون ــ الي بجنب علبة المساحات ــ الزيت فيها زايد عن الخط الاعلى رغم ان اليسياره مطلعها من صيانة الوكالة قبل يومين فهل في هذا ضرر ؟ إذا كان فيه ضرر ..... كيف اسحب الزيت الزايد ؟

[المباشر]

السلام عليكم وبعد :

اليوم كشفت على السيارة وجدت ان علبة الدركسون ــ الي بجنب علبة المساحات ــ الزيت فيها زايد عن الخط الاعلى رغم ان اليسياره مطلعها من صيانة الوكالة قبل يومين فهل في هذا ضرر ؟ إذا كان فيه ضرر ..... كيف اسحب الزيت الزايد ؟

بعض السوبرماكت أو محلات مستلزمات البيوت عندها شفاط للماء بريالين يجي القاعدة فوق حمراء وفيها أهواز اثنين وفي صورة بالنادي بس الموضوع مادري وينه

المهم أشفط الزيت واذا شفطت زياده زيد الزيت ولكن خلك حذر بخصوص الزيت أهم شي يكون زيت هوندا الأصلي من قطع غيار هوندا

ولكن حاول تشفط شوي شوي واللي تشفطه خله يروح بعلبه خارجية علشان اذا نقص ماتتوهق

ولا راح تخسر كثير بعدها اذا أستخدمت زيت من نوع آخر

[انتي حبي]

هل الزيادة لها ضرر ؟ ام انه مثل علبة ماء الرديتر زيادتها ليس فيها ضرر ؟

[المباشر]

ماهي كمية الزيادة ؟؟؟

وطبعآ أكيد الزيادة لها اضرار على المدى البعيد

حاول ماتعدي الخط الثاني العلوي

[بلال العلمي]

لاحظ اخوي انهم حاطين شي اسمه Low وشي اسمه MAX

كلمة MAX تعني الخط الاعلى ولا يجب ان تتعداه


وللمعلومية ماء الرديتر اللي في العلبة ان زاد عن حده قد يسبب تلف للعلبة وايضا خروج الماء خارج العلبة وقد يتسبب بانفجار العلبة لان هذه المساحة ما اعلى من كلمة MAX هي للهواء والبخار المضغوط واذا زاد الضغط بفعل البخار يصير فيه انفجار بالعلبة

دايم تقيد باللي في الكتالوج لان اللي في الكتالوج هي تجارب لخبراء ومهندسين على مدى 130 سنة

[vtec_m79]

هل كانت السيارة شغالة لما فحصت مستوى الزيت ؟

[متصفح]

زيادة الزيت عن الحد الاعلى لها اضرار على الصوف اوالواشرات لانها ماتتحمل زيادة الضغط ويبدا يهرب زيت مع الوقت

[المباشر]

للتوضيح : الرجال يقصد زيت الباور

[متصفح]

مشكور اخوي المباشر على التوضيح والكلام عام سواء للمكينة او القير او الدركسون الخ...
شوف مدخل طرمبة الدركسون ومخرجها ومدخل الدودة والمخرج وعامود الدركسون
والصوف الي فيه كلها اجزاء تتاثر بزيادة الضغط عن الحد المسموح فيه وتظهر معك
مشاكلها مع الوقت