و عليكم السلام ورحمة الله وبركاته
ياخوي في البداية احب اقلك الحمدلله عـ السلامة و ان شاء الله سـليمة السيارة و الي صار فيها اشياء تهون و انا اخوك
و ثاني شي انا الومك عـلى عدم استدعائك للمرور !!
و من رأيي مالك الا تروح نفس مكان الحفرة و تخلي السيارة مثلما كان وضعها و استدعي المرور أفضل لك
للأن في هذي الحالة حقوقك ما راح تفوتك للأن المرور او التأمين ( اذا كنت مأمن ) راح يساعدك و بدافع عن حقوقك من الجهة المتسببه في اضرار الناتجة من الحفرة
و الجهة المسؤولة هـي البلدية
و راح تتكفل البلدية بـكل التكاليف الناتجة من هذه الحفرة
و أقرب مثال بن عمي ( هوندا كوبيه 6 سلندر )
طاح في حفرة و تضرر عنده جنط + و سقف السيارة + و بنشر الكفر و المساعدات
استدعى المرور و جاه في رسم الخدمة
و سأله اذا كنت مأمن او لا
و بن عمي كان مأمن ,, و طلب منه المرور ان التأمين يحضر و يصور الطيحه في الحفرة
و حضر المسؤول في التأمين شركة نجم اعتقد
صـور الحادث و بعدها راحو المرور
فـ المرور طلب من بن عمي يكتب خطاب الى البلدية و المرور يوقع + يختم عـليه
و بعدها التأمين قال له خـلاص دخل السيارة الوكالة و احنا راح يكون تفاهمنا مع البلدية
و حاليا يتم الآن تصليح السيارة بتكلفة 8500 ريال و البلدية هـي الي عوضته هذا المبلغ !!
و انا اخوك اذا كانت السيارة بعدها تعاني من مشاكل انصحك تروح لمكان الحفرة و تستدعي المرور
على شان يكون شاهد فقط لا غير
و تكتب الخطاب و ترفعه للبلدية و المرور يختمه
فـ استغل هذي الفرصة للأن من حقك انك تطالبهم
و اذا كنت محتاج مساعده او اي استفسار فيه هذا الجانب
انا مستعد
تقبل خالص تحياتي
اخوك رضا الربيع
مواقع النشر (المفضلة)