ودها على ورشة معروفة يشيك عليها من جهة الكفر .
وعلى العكوس ممكن تكون حاجه انكسرت ..
السلام عليكم ورحمة الله وبركاته
إخوتي الغاليين ,, ربي باركلي واشتريت أكورد 2008 كوبيه 6 سلندر .. والسيارة ما خلصت 15000 يعني لسه بصحتها ,, وأنا ماشي في خط العوالي في مكة جات حفرة الله لا يبارك فيها ولا في اللي سفلتو الشارع واكلتها ,,
الله لا يوري فيكم أحد زي هذي الحفرة ,, الضربة حسيتها في قلبي مو بس في السيارة ,, والسيارة طاحت يسار بعد الضربة مباشرة ,,
جنبت طوالي بسرعة ونزلت شفت الكفر ناااااااااايم عالآخر ,, غيرته بالإستبنة وانتبهت إنو اسبتنت الأكورد الكوبية كأنها إستبنت دراجة ماهي زي كفرات الإستبنة حقت السيدان تجي نفس كفرات السيارة ,,
وبعد التغيير ,, مشيت بالسيارة وللأسف صارت تحذف يسار بجنون :(:(:( ,, قلت يمكن من الكفر غيرت الكفر وركبتله واحد مقاس 18 نفس حق السيارة ومازالت مشكلة الحذفة المجنونة موووجودة ,,
ياليت إخواني الغاليين تنصحوني ويش أسوي الحين ,, وإذا لازم أوديها ميزان ,, أنا أبى ميزان كهربا لأنو أشوفه أفضل وياليت تشورون علي بأفضل محل في مكة أو جدة ,,
ودرجة الإنحراف هل تنصحون أخليها صفر على كل الكفرات ولا -5 زي ما ذكر أحد أعضاء المنتدى الحبيب ؟؟
معليش طولت عليكم لكن والله حرام السيارة جديدة وقلت أشور إخواني وما بيقصرون معاي إن شاء الله ,,
دمتم بود ,,
ودها على ورشة معروفة يشيك عليها من جهة الكفر .
وعلى العكوس ممكن تكون حاجه انكسرت ..
التعديل الأخير تم بواسطة King ; 29-11-2009 الساعة 04:04 PM
:(
سلام
اخوي انا صار لي زي الموقف هذا كان معي جيب هدد كنت افحط فيه المهم حاص وطلع الرصيف بقوه
نزلت من السيارة وطالعت في الجنب قلت الحمد لله ما فيها اي شي وطلعت وانا ماشي شوي الى وطاره تلف يسار بسرعه
واذا ابي امشيها سيدة لازم اشدة رحت عند كذا ورشة وقالولي المقص التحتاني ورحت وزبطته والى يومك وانا في مشاكل ورحت عند وكالة تايوتا وزنة جلست اسبوع ورجعت تحذف الطارة يسار بس بشكل خفيف:(
وديها الميزان يشيك على وزن الاذرعه ويضبطها لك
وباالمره يشيك على اسفل السياره اذا فيها خلل ولا تهريب اذا الضربه قويه
..
....
^^^
رايي من راي المسافر هذا المفروض تسويه ..
بما ان السيارة ما مشت شي دخلها الوكالة سوي تشيك بس يعني شوف العله
من ايش اذا تصليحها عندهم رخيص سويها واذا مبالغ فيه وهذا الأكيد
سويها برا
و عليكم السلام ورحمة الله وبركاته
ياخوي في البداية احب اقلك الحمدلله عـ السلامة و ان شاء الله سـليمة السيارة و الي صار فيها اشياء تهون و انا اخوك
و ثاني شي انا الومك عـلى عدم استدعائك للمرور !!
و من رأيي مالك الا تروح نفس مكان الحفرة و تخلي السيارة مثلما كان وضعها و استدعي المرور أفضل لك
للأن في هذي الحالة حقوقك ما راح تفوتك للأن المرور او التأمين ( اذا كنت مأمن ) راح يساعدك و بدافع عن حقوقك من الجهة المتسببه في اضرار الناتجة من الحفرة
و الجهة المسؤولة هـي البلدية
و راح تتكفل البلدية بـكل التكاليف الناتجة من هذه الحفرة
و أقرب مثال بن عمي ( هوندا كوبيه 6 سلندر )
طاح في حفرة و تضرر عنده جنط + و سقف السيارة + و بنشر الكفر و المساعدات
استدعى المرور و جاه في رسم الخدمة
و سأله اذا كنت مأمن او لا
و بن عمي كان مأمن ,, و طلب منه المرور ان التأمين يحضر و يصور الطيحه في الحفرة
و حضر المسؤول في التأمين شركة نجم اعتقد
صـور الحادث و بعدها راحو المرور
فـ المرور طلب من بن عمي يكتب خطاب الى البلدية و المرور يوقع + يختم عـليه
و بعدها التأمين قال له خـلاص دخل السيارة الوكالة و احنا راح يكون تفاهمنا مع البلدية
و حاليا يتم الآن تصليح السيارة بتكلفة 8500 ريال و البلدية هـي الي عوضته هذا المبلغ !!
و انا اخوك اذا كانت السيارة بعدها تعاني من مشاكل انصحك تروح لمكان الحفرة و تستدعي المرور
على شان يكون شاهد فقط لا غير
و تكتب الخطاب و ترفعه للبلدية و المرور يختمه
فـ استغل هذي الفرصة للأن من حقك انك تطالبهم
و اذا كنت محتاج مساعده او اي استفسار فيه هذا الجانب
انا مستعد
تقبل خالص تحياتي
اخوك رضا الربيع
إن شاء الله ميزان دركسون وبس أنا صارت معي بفورد و إنتهت على وزنية فقط
الشكر الجزيل موصول لكم جميعاً إخواني الغاليين ,, وبيض الله وجيهكم وماقصرتوا ,,
وأخي العزيز أبو الريش جزاك الله ألف خير ,, والله إني كنت أستفسر عن إمكانية مثل هذا الشيء ,, والحمدلله أفدتني ولا قدر الله لو كان في مشاكل في السيارة بأروح واسوي إللي قلت عليه ,, وربي يجزاك ألف خير وجميع إخواني الغاليين اللي أفادوني ,,
دمتم بود ,,
مواقع النشر (المفضلة)