في التسارع مقارنة بين الموديل السابق والحديث في اجيال هوندا اكورد

**f a w a z** · 03-12-2009, 04:23 AM

طيب شباب ممكن اقاوم اكورد 2007 وتحت ويكون بالرياض

انا سيارتي وكاله

ولازم يكون هو وكاله

وننزل المقطع هنا

**Abu Trouq** · 03-12-2009, 10:54 AM

إنتبهوا بس من السرعة الجنونية المبالغ فيها الله يحفظكم

**Solo** · 03-12-2009, 12:38 PM

يا اخوان..محد جاوبني..!

بالنسبة للسوفت وير لو بسويه بالوكاله كم بيكلف.؟

لحد يقول على الضمان لان سيارتي خليجيه..!

بلييز ممكن احد يرد..؟

**اكورد 2006 وبس** · 03-12-2009, 07:33 PM

يا شباب كل مافي الوضوع في عيوب مصنعية عدلوها في 2008 وهذا السبب الي خلى عزمها سئ

**بلال العلمي** · 03-12-2009, 10:53 PM

للمعلومية شوفوا مكينة الاكورد ايش القدرة اللي تملكه

[ame]http://www.youtube.com/watch?v=fLSPXmE6Z18[/ame]

التسارع من 0 الى 60 ميل يعني من 0 الى 100 كم \ س

**sul6an** · 04-12-2009, 03:48 AM

من 0-100 كم = 7.5 ثانية مشاء الله >> وهذا اتو كيف لو كان عادي

**AbuJawad** · 04-12-2009, 04:12 AM

اول شي يعطيك العافية عالموضوع المفيد والمميز

بس والله ياخوي بلال مع ان الكلام كثير واغلب الاراء تقول ان 2007 اسرع

انا مع 2008 ولها معي سنة وثلاث شهور

جربت مع اكورد 2003 و2005 و2007
جربت مع كامري 2008 و2007
ومازا 6 2009
وهوندا سيفيك 2008
وجولف 2008

وفي كل الحالات السابقة كانت النتيجة لصالحي بالقومة بالخط

معا العلم ان سيارتي ستاندر وماعليهاا اي تعديل

انا محافظ عليها وملتزم بالصيانة
بس امشي عليها خطوط طويلة كثير واغلب ممشاي 180 / 200
واعبيهاا 91

كلامكم منطقي بالحيل وماعيله غبار
بس انا مقتنع ومجرب ان ال 2008 اسرع من ال 2007

حتى لو اني ماجربت مع السيارات اللي ذكرتهااا فوق
بيني وبينك مو داخل براسي ان شريكة كبيرة ولها تاريخ عريق مثل هوندا تصنع موديل حديث اداءه اضعف من الموديل اللي قبله
والدليل الزيادة في عدد الاحصنة اللي يعد الاعلى على مستوى مثيلاتهاااا من السيارات الثانية
ولو صار هذا الشي في 2008 بالغلط خطأ مصنعي مثلا
كان الناس على مستوى العالم اشتكت من هالشي وكانوا مصنعي هوندا صلحوه في 2009 و2010
ادخل موقع يوتيوب وشوف نسبة الناس اللي تستخدم اكورد على مستوى العالم
الكل يمدح بالموديل الجديد واكثر شي شفته يشتكون منه حتى في امريكا مشاكل البريك و الفصلة ال 217 كم

انا اشوف ان السبب يرجع لاسباب كثير منا على حسب السائق ونوع البنزين وممشى السيارة هل اتمرنت ولا لا وهالامور

هذا رأيي وحبيت اقوله

تحياااتي

**ثــلــج مــشــوي** · 04-12-2009, 05:01 AM

^^^

وطيب انا معي اكورد 2007 ستوك ولا عمر سياره من الجيل الجديد قام علي !

لو نتناقش من هالناحيه مارح نخلص

نتكلم بأرقام ميكانيكيه

**accordyon** · 04-12-2009, 04:42 PM

بيني وبينك مو داخل براسي ان شريكة كبيرة ولها تاريخ عريق مثل هوندا تصنع موديل حديث اداءه اضعف من الموديل اللي قبله
والدليل الزيادة في عدد الاحصنة اللي يعد الاعلى على مستوى مثيلاتهاااا من السيارات الثانية
ولو صار هذا الشي في 2008 بالغلط خطأ مصنعي مثلا
كان الناس على مستوى العالم اشتكت من هالشي وكانوا مصنعي هوندا صلحوه في 2009 و2010

والله اني ماقصدت الكل بس لو بترجع لمواضيع سابقه بنفس الفكره
بتشوف ناس تقول لا مستحيل الموديل السابق افضل مو معقوله هوندا
تنزل موديل جديد سيء وهي على السواق وووووو الخ بناءً على هالكلام كتبت هالرد

كنت متأكد بتجي ردود بهالكلام

**ya$$er** · 04-12-2009, 11:57 PM

المشاركة الأصلية كتبت بواسطة ثــلــج مــشــوي

لو نتناقش من هالناحيه مارح نخلص

والله جد :d

**sul6an** · 04-12-2009, 04:50 PM

انا مع كلام اخوي AbuJawad >> الجديد اقوى من القديم

**اكورد 2006 وبس** · 05-12-2009, 12:07 AM

في الختام اي عضو لم يصدق انه 07 تسارعها افضل من 08 انا من جدة والي حاب نسوي اختبار بين السيارتين يجي على الخاص

**بلال العلمي** · 05-12-2009, 08:24 AM

المسألة مو حقتي اسرع وحقتي اقوى

المسألة ان المحرك له القدرة انه يطلع بقوة اكبر واضخم من اللي هي عليه الان فليش هوندا ما نزلته الى الان

وحتى استجابة الموديل الجديد فعلا اضعف من القديم من ناحية القومة والخط مع ان الاحصنة اكثر والتورك هو نفسه

**بلال العلمي** · 08-12-2009, 12:21 PM

هذا مثال اخر للتسارع

[ame]http://www.youtube.com/watch?v=JdiMdIhOSNA[/ame]

**sul6an** · 08-12-2009, 02:28 PM

^^^^^
شوف كيف بعد 70
نحن ليه ماعندنا فرق لما يشتغل فتيك :(:(

**abu khaled** · 08-12-2009, 02:42 PM

^^^
بالعكس انا احيانا أكون داعس للسياره و احس بالفيتيك اذا اشتغل
تصير السياره نشيطه وتسمعه حنه على اي دعسه تفز على طول ماشاء الله
لكن تسحب بنزين

**بلال العلمي** · 08-12-2009, 02:42 PM

في هذه بارد عليك فيها

المسألة هي في البرمجة انت لو تخلي نفس برمجة الاكيورا تي اس اكس في بخ البنزين وكمية الهواء الداخلة وتعادل المزيج كله مثل الاكيورا تي اس اكس في ذاك الوقت راح تحس بالفرق

الفي تيك موجود بس لما يفتح ما يلقى دخول هوا ولا مزيج بنزين علشان يعطيك نفس النتيجة اللي فوق

**o-k-r** · 08-12-2009, 02:48 PM

ياشباب

ترى وزن الأكورد الجديد ثقيل

موب مثل موديل 2006 و 2007

ورجاء لحد يغلط على السيفيك:d

واللي عنده شي يقوله

(الميدان ياحميدان)

واهم شي الروح الرياضية وحب الوطن والراحة للركاب

**بلال العلمي** · 08-12-2009, 03:37 PM

للمعلومية وزن الاكورد 2006-2007 مقارب لوزن الاكورد 2008-2010 الفرق بينهم بسيط

**MA6ANSH** · 08-12-2009, 05:03 PM

يا بلال ياخوك ابغى اسالك انا دايم اسمع بالفتك انه لا فتح يتغير اداء وصوت السياره اذا دعست
والله اني كل مادعست لا يتغير ولا شي ولا اي فرق يذكر لايكون اللي تجينا مالها من الفتك الا اسمه! . كل اللي الاحظه ان القير بس مدري وش يجيه يصير اذا فكيت الدعسه مايعشق (يريح) تقعد تحن فتره كانها قير عايدي.
سيارتي اكورد 2007

**محجوب** · 08-12-2009, 08:41 PM

وزن الأكورد 2008 للـ4 سلندر:

Lx قير عادي 1474
lx قير اوتو 1500
كامل المواصفات 1540 كيلو !!

بينما وزن الجيل السابق يحوم حول الـ1450 كيلو فقط ..

بالنسبة للفروقات بين الجيلين ماعندي خبرة واجد مثل الاخ خالد ما شاء الله عليه .. بس متأكد من كم شغلة .. مثل ان نظام الاقزوزت يختلف في 2008 تماما عن الجيل السابق .. ومثل ايضا ان عدد دورات المحرك صار يوصل الى 7000 د/د في حين ان الجيل السابق كان يوقف على 6500 د/د ..

بالنسبة لتجاربي الشخصية في المقاومات .. عندكم طبعا الفيديو اللي في بداية الموضوع هذا لسيارتي السابقة .. نفس النتيجة اللي فيه تكررت مع اكوردات 2008 كثير .. وبكل صراحة ولا مرة اكورد 2008 وفوق قدر يطلع علي او يكون جنبي في القومة عكس 2007 وتحت حيث ان اكثر من وحدة قدمت مستويات طيبة واكثر من حلوة في القومات بيني وبينهم ..

وفي مرة من المرات جربت سقت اكورد 2008 سبيشل حقت واحد من اعضاء المنتدى وجربت مع العضو حبيب (..اكورد 2006 سبيشل ) 3 قومات .. الاولى دحدرة 40 وتفاجأت اني كنت جنبه لل170 وانتهت القومة .. الثانية والثالثة صفر واللي صار ان حبيب تقدم علي في الاولى مسافة 3 سيارات وفي الثانية مسافة سيارة وحدة تقريبا ..

الخلاصة أن الأكوردات 2008 وفوق يجي منها نشيط ومستواه جيد .. لكن أغلبها قوماتها ومشيتها تعبانة وبطيئة
عكس الجيل السابق 2003-2007 حيث أن أغلبه ممشاه حلو ونشيط لكن لا يخلو من البعض اللي عزمه (محد حولك)

بالنسبة للـtsx أو الأكورد الأوروبية .. صح ان قوتها 201 حصان (من الموقع الرسمي للأكيورا) .. لكن السالفة مو بس برمجة لأنو الثلاجة تختلف وأكبر والاكزوزت كمان يختلف غير الاشياء اللي ما ندري عنها داخل بطن المكينة !

سلاااااام ..

**راعيـ الاكورد الذهبي** · 09-12-2009, 01:06 AM

المشاركة الأصلية كتبت بواسطة بلال العلمي

في الحقيقة الله اعلم اذا كان استخدمها ولا على d فقط

المشاركة الأصلية كتبت بواسطة بلال العلمي

لكن في الموديل الجديد حتى لو استخدمت الدبلات او الغيارات تحس بعد بثقلها نفس الشي

في البدايه احب اقول ان سايق السياره له دور في قياده السياره مايحطه على d ويتسابق وثاني شي الاكورد 2008 لها طريقه عشان انحس بقومتها صح ....
وثاني شي مثلا انسوي سباق
بين سياره ماشيه 80000 الف كيلوو متر وسياره توها ماشيه 4000 كيلوو متر يعني في فرق ... ؟؟

وثالث شي احب اقولكم اترقبوو السباق بين هوندا اكورد 4سلندر 2008 و 2007

و 2008 و 2005

والسموحهــ

**ACCORD 764** · 09-12-2009, 03:43 AM

أهلين بالشباب , شايف ردود جديدة قلت خلني أدلو بدلوي .... متعوب عليها الكلمتين الأخيرة .

بالعكس انا احيانا أكون داعس للسياره و احس بالفيتيك اذا اشتغل
تصير السياره نشيطه وتسمعه حنه على اي دعسه تفز على طول ماشاء الله
لكن تسحب بنزين

ابو خالد , صح على RPM معين بتحس بفكة الـ Vtec و في الموديلات 2006 , 2007 كانت فكته على فوق الـ 3500 RPM حسب ما أذكر حتى لو تجربها على الـ D و توصل لفوق الـ 3500 RPM جرب أرفع رجل عن البنزين و أدعس بعدها , تلاحظ السيارة تفز كأنها قير عادي و يبدأ الصوت يخشن و يعلى حق المكينة .
بصراحة أنا لما كنت أتجاوز السيارة كنت أردها D3 أو D2 عشان اسمع الصوت و الحنة و إللي بأتعداه يعرف إن في أحد جنبه أو وراه .... راعي حرش .
الـ Vetc موجود و كثيرين مننا ماحس فيه لأنه أصلا ما يعرفه .
سمعنا كلام كثير عن الفيتيك , منها إنه توفير للبنزين و منها إنه عبارة عن نظام يشبه نظام التيربو عشان كذا يوم هوندا اخترعت الـ Vtec أحدثت نقلة كبيرة في تاريخ محركات الـ 4 سلندر .
و كل سيارة و لها نظام خاص فيها , مثل الكامري ماشية بنظام الـ VVTI .

الفي تيك موجود بس لما يفتح ما يلقى دخول هوا ولا مزيج بنزين علشان يعطيك نفس النتيجة اللي فوق

أخ بلال , يوم أشوف ردودك أحس كذا بانشراح .
بالنسبة لوجود مزيج البنزين و الهواء فهو موجود و لكن مو بنفس النسبة للـ TSX .
شوف كل من يعدل هوندا يحب يخلي الـ Vtec يفتح بدري عشان يستفيد أكثر من الفزة في القومة .

انا دايم اسمع بالفتك انه لا فتح يتغير اداء وصوت السياره اذا دعست
والله اني كل مادعست لا يتغير ولا شي ولا اي فرق يذكر لايكون اللي تجينا مالها من الفتك الا اسمه! . كل اللي الاحظه ان القير بس مدري وش يجيه يصير اذا فكيت الدعسه مايعشق (يريح) تقعد تحن فتره كانها قير عايدي.

طيب هذي وحدة من مزايا الـ Vtec , إنه بيحسن لك التسارع و التجاوز و يحشر النمرة في القير و تصير كنها قير عادي . و هذا أحلى مافيه , و للعلم معاي ألتيما V6 و ما تحشر نمر زي الأكورد و لو كانت فيها كان شفت شغب .

لايكون اللي تجينا مالها من الفتك الا اسمه!

تصدق جات فترة بدات مثلك أشك بها الشي , لكن الحمد لله ظنوني طلعت غلط .

نظام الاقزوزت يختلف في 2008 تماما عن الجيل السابق .. ومثل ايضا ان عدد دورات المحرك صار يوصل الى 7000 د/د في حين ان الجيل السابق كان يوقف على 6500 د/د

صح كلامك , و أضيف عليه عامود الكام و السيارة صار الهيدرز حقها مثل السيفيك عبارة عن ماصورة فقط و في أشياء غيرها راح أنزلها بموضوع مستقل في مقارنة بين الجيلين السابق و الحالي .

دحدرة 40 وتفاجأت اني كنت جنبه لل170 وانتهت القومة

ماشالله مستواها جدا حلو الـ 2008 .

الخلاصة أن الأكوردات 2008 وفوق يجي منها نشيط ومستواه جيد .. لكن أغلبها قوماتها ومشيتها تعبانة وبطيئة
عكس الجيل السابق 2003-2007 حيث أن أغلبه ممشاه حلو ونشيط لكن لا يخلو من البعض اللي عزمه (محد حولك)

كلامك سليم .
و الله ودي لو إني اليوم مصور القومة إللي صارت بيني و بين واحد عند إشارة التحلية مع طريق الملك
قومة أرض " صفر " أنا بألتيما V6 و أكورد كوبيه أزرق V6 ... لو إنه هنا بالمنتدى يطلع , يلا .... طلعت عليه بمسافة كبيرة .

في البدايه احب اقول ان سايق السياره له دور في قياده السياره مايحطه على d ويتسابق وثاني شي الاكورد 2008 لها طريقه عشان انحس بقومتها صح ....
وثاني شي مثلا انسوي سباق
بين سياره ماشيه 80000 الف كيلوو متر وسياره توها ماشيه 4000 كيلوو متر يعني في فرق ... ؟؟

طبعا سايق السيارة له دور , بس معقول كل سايقين الـ 2008 ما يعرفون للمقاومات مع احترامي لهم .
أنا أكثر أكورد تعبتني سيارة العضو MeedO , بصراحة أكثر أكورد 2008 نشيطة جربت معاها و عليه انتك و كنداسة و كنت أطلع عليه بفرق أقل من سيارة و أحيانا يمسك في صدامي الخلفي .

وثالث شي احب اقولكم اترقبوو السباق بين هوندا اكورد 4سلندر 2008 و 2007
و 2008 و 2005

بالنتظارها ....

و الله يا شباب موضوع نقاشي جبار , ألف شكر للأخ بلال العلمي .

**بلال العلمي** · 09-12-2009, 08:26 AM

في الصورة ادناه لجهاز حساس الفيتيك وموازنه

وهنا مكينة الفيتيك في محركات الهوندا وفيها سلك تشغل المكينة الدافعة للزيت لاجل يشبك الفيتيك تلقاها على الجنب اليمين جنب المحرك

لاجل تحس بالفرق بين وجود الفيتيك وعدمه افصل الفيشة حقت الفيتيك اللي فوق وجرب وشوف الفرق وبعده ارجع وطفي السيارة واشبك الفيشة بعد ما تطفي السيارة وجرب ايضا وشوف الفرق بين وجود الفيتيك من عدمه

**Pink Dream** · 10-12-2009, 01:26 AM

الفيتك احلى مافي الاكورد واحب اسمع صوته بصراحه يحسسك بحمااس ..

بس سؤالي ان الفيتك عندي وفي كل الاكوردات 08 مايفتح الا بعد الــ 5 الالاف دوره :d ولا يمكن 4500 تقريبا

دا مقطع يبين صووت الفييتك بشكل أوضح وباين انه يفتح متأخر !!

[ame]http://www.youtube.com/watch?v=Im5czflidVg[/ame]

في الثانيه 16 فتح الفيتيك عندي وكان الضغط على الــ5 تقريبا

وبالنسبة للـ Downpipe للاكورد 08 زي ماقال خالد انو صارت ماصوره وحده ...

بس السؤال هنا لو وسعت الماصوره دي وخليتها 2.5 انش هل راح يختلف شي ؟؟

ايش الافضل نظام الاقزوز في الاكورد 08 ولا الجيل السابق .؟؟؟

الغاء دبة الرصاص واستبداله بماصوره راح يزيد شي ولا ماااش ؟؟؟

قبل يومين روحت عند fox ( للمره الخامسه :d)والحمدلله مو فاكر شكلي ولاكان طردني لاني احجز موعد واسحب ..

قالي انا مستعد اغيرلك الفلنجه الي تجي من بداايه المكينه واكبرها لك يخليها اظن 4 انش

واقصها بالليزر ..

واركبلك Downpipe مقاسو 3 انش ( احس المقاس كبيير وبيطيح ام العزم ) وافكلك دبة الرصاص وابدلها بماصوره ...

مازلت متردد شغلهم نظيف ومايحتاج بس اخاف اني مااستفيد شي وخسارة فلووس على الفاضي ..

لكن على كلامه انه سواها لاكورد 09 وصار العزم مزبووط !!!

دي كم صوره للسياره من تحت نشوف فيها الاكزوزات والـ Downpipe