والله ياخالد ما أقول غير ما شاء الله تبارك الله عليك
يعني الحين اذا وديت السياره برمجه فقط بدون اي تعديل على المكينه راح يفرق شيء ملحوظ في العزم
وهل فيه أشياء ثانيه راح تتضرر سواء على المدى البعيد او القريب ؟؟

حبيبي ابو خالد ....
ودي السيارة برمجة بس في الوكالة ما راح تستفيد و لاشي , الـ Softwear إللي عندهم نفس إللي عندك , اللهم بينزلون لك البرمجة حق الـ 2009 فقط و مثل ما قال بلال , فرق في صرفية البنزين .
منت خسران شي روح و جربها و راح تتحسن صرفية البنزين عندك و راح تتحسن التعاشيق فقط لا أكثر .
بالنسبة لبرمجة غير الوكالة مثل الـ APEXI " طالع توقيع Pink Dream " هذا هو الجهاز إللي يبرمج أو أحد الأجهزة المتخصصة في البرمجة و هذا يعتبر الأشهر بالنسبة لسيارات هوندا . و هذا إللي سعره 2000 ريال مع التركيب و التوزين و الداينو " طبعا 3 Runs .
بالنسبة للتأثير على المدى البعيد فإنشالله ما بيأثر أبدا على السيارة لو اتركب و أتبرمج صح .

تجربتي مع البرمجة :
ولد خالتي برمج سيارته موستنج 2006 جير أوتوماتيك و طبعا 8 سلندر , السيارة كان عليها هوائيات كاملة و بكرات و ثروتل بدي و دفرنس رياضي و شورت شفت ترانزقو . برمجها بجهاز Typer Tech و معروف هالجهاز بالنسبة للأمريكي هو الأحسن و الأسهل و سعره 1500 ريال . الرجال برمج كل شي على Max . أعترف السيارة كان بها عزم مجنون و كانت طلقة و حريقة ماشالله .
لكن بعد فترة يمكن 3 شهور القير بدأ يفلت . صلحناه و رجعت برمجت له سيارته مرة ثانية بس هالمرة بعقل .
رفعت نسبة الهواء الداخل للمكينة و بنفس الوقت نسبة البنزين خليتها متقاربة , التعاشيق خليتها تفصل عن 6000 RPM و بقية الاعدادات كانت أعلى من الـ Defult بشوي ... و النتيجة الموستنج صارت تطلع على البانوراما 500 قومة و خط بفرق جدا ممتاز و يطلع على البورش كايين تيربو و سيارات كثير عدمناها ماشالله .
البرمجة الجديدة لها أكثر من سنة و نص و الحمد لله مالقينا و لا أي مشكلة بالسيارة .

هذا الفرق يبو خلود و أتمنى لو حبيت تبرمج سيارتك على الأقل نزل عليها انتيك و اكزوست عشان يطلع الفرق معاك و تلاحظ تحسن في العزم و يكون أفضل لو غيرت الداون بايب بعد , و إنشالله بيطلع معاك عزم يرضيك .