أول موضوع لي :- بخصوص بعض قطع الغيار والصيانه

[maf009]

مسا المطر عليكم جميعا
شباب أنا سيارتي كملت ال 40000 كم من مبطي :d وللحين ما وديتها للصيانه :(

فأنا سويت بحث وتحري هل أسوي الصيانه عندهم وياخذون 550 ريال ولا الشغله ما تستاهل

سألت عن صيانة ال 40000 كم ووجدت إنهم يغيرون

1- غيار زيت المحرك والمرشح

2- غيار زيت ناقل الحركة ... كم سعره

3- تغيير البواجي .... كم سعرها

4- غيار فلتر الهواء ... كم سعره

5-غيار فلتر الوقود .... كم سعره

6- غيار زيت المكابح مع التنسيم >> ما فهمتها ... أحد يشرحها لوسمحتم :o


ولأن أهم جزء في السياره هو القير فقلت إني أغير زيت القير والمكينه في الوكاله
وباقي الاشياء أشتيرها وأركبها في أقرب ورشة ب 15 ريال ..

فحاب أعرف أسعار اللي فوق

وذا في شغله أنا ما ذكرتها ولازم تتغير في ال 40000 كم يكتبها في الرد

ورقم (6) هل هو صحيح أغيره ولا لا ؟ وبكم ؟؟

ويا شباب الله لا يهينكم أنا سامع ان الوكاله يسوون تقطير على الصدام اذا كان في حكه هل ممكن يسوها لي في الخدمة السريعه ؟؟؟؟ لون سيارتي ذهبي .

وباقي شغله :o:o:o:o

أغير فلتر المكيف ولا لا ... وبكم ؟؟


ويعطيكم العافيه شباب أدري كثرت أسئلة بس ايش اسوي

مالي غيركم :o

[maf009]

يآآآ رب

[M H]

والله ياخوي بخاطري افيدك بس مالي علم بالقطع واسعارها السياره لها معاي 4 ايام مالحقت اعرف عنها شي بس ذا اقتباس من رد اخوي king بموضوع ثاني اتمنى يفيدك
----------------------------------------------------------------
كل 5000 كم تغيير زيت وسيفون عند الوكالة بـ 110 ريال

كل 40.000 تغيير زيت القير بـ 182 ريال

(طبعا ً صيانة الـ 40.000 ألف انصحك تدخلها الوكالة لأن راح يغيرون فيها أشياء مهمه للسيارة منها البواجي وفلتر البنزين وأشياء كثيرة ..)

* تغيير الزيوت والفلاتر يتم بالوكالة لأن لو حصل حاجة يكون عندك دافع وإثيات على صيانة السيارة بالوكالة ..
__________________________________________________ ____________

بس بالنسبه لتقطير الخدوش قريت في المنتدى انه واحد سواها بصيانة سيارته ببلاش والون ماضنتي بيفرق لو انه متوفر

[King]

شوف ياعزيزي راح اختصرها لك بكل بساطة

صيانة الـ 40.000 كم . كما ذكرت بالسابق مهمه جدا ً وهي ليست مثل باقي الصيانات

وأيضا ً صيانة الـ 80.000 كم مهمه , على كل حال !

الصيانة يتم تغيير فيها القطع الاستهلاكية من ضمنها الفحمات , الهوبات (إذا كانت متضرره) , فلتر البنزين , فلتر الهواء , زيت الماكينة , البواجي , زيت القير , جميع الزيوت يتم تعبئتها , تشييك كامل على السيارة وماينقصها من تصليح او تغيير , إذا كانت كراسي الماكينة متضرره راح غيرونها على الضمان , وأشياء أخرى ..

{إذا كان عندك أي ملاحظة على السيارة فرصتك تقولهم وتتصلح على الضمان}

بخصوص تنقيط السيارة بالبوية اول كانو يسوونها الآن ماادري , ولازم يكون قسم السمكره مفتوح عشان يجيبون البويه من عندهم .

اما بخصوص فلتر المكيف سعره 165 ريال (اسئل الوكالة عن سعره وراح تشوف الفرق)

هذ كل مالدي واحس اني طولت عليك لكن هذا المفيد ^-^ ..!

[D.H.o.O.o.M]

^^^^^^^^^^

عزيزي بالنسبه لصيانة الـ 80.000 بكم ؟ ولااهم اذا كان شي متضرر مثل الهوبات وكراسي المكينه مثل ماتفضلت هل يغيرونها على الضمان مثلك عارف ضمان الـ 2007 وتحت 60.000

تحياتي لكـ يا الغالي

[AbuJawad]

اخوي البواجي تتغير على 100000 كم
وزيت الجير يتغير اول مرة على 60000 كم وبعدها يتغير كل 40000 كم

الصيانة هذه شاملة
تغير زيت المحرك مع الفلتر
تغيير فلتر الهوا
تشييك عام على السيارة
تشييك على الفرامل والكفرات
ولو في شي خربان بالتشييك رح يتصلح عالضمان
فلتر المكيف على حسابك ما ادري كم سعره
بس مو ضروري تغيره الحين
انا ماشي 60000 كم وللحين ما غيرته
اذا عندك امكانيه مادية انا انصحك تدخلها الوكالة صيانة
اما اذا المادية شوية متأزمة مثل حالتي

غيير زيت مكينة مع الفلتر 110 ريال
وتغير فلتر الهوا قيمته 103 ريال على اما اذكر

وتدخلها الصيانة على 60000 كم مرة وحدة اذا ما ودك تتخسر الحين

تحياتي لك

[maf009]

الصيانة يتم تغيير فيها القطع الاستهلاكية من ضمنها الفحمات , الهوبات (إذا كانت متضرره) , ..!

يعني لو كانت الفحمات منتهية يغيرونها كلها بدون ما أدفع زيادة ؟؟؟؟؟؟؟؟

يعني مجرد 550 ريال حق صيانة ال 40000 كم شاملة تغيير الفحمات ولا لا ؟

[King]

^^^^^^^^^^

عزيزي بالنسبه لصيانة الـ 80.000 بكم ؟ ولااهم اذا كان شي متضرر مثل الهوبات وكراسي المكينه مثل ماتفضلت هل يغيرونها على الضمان مثلك عارف ضمان الـ 2007 وتحت 60.000

تحياتي لكـ يا الغالي

اسعار اصيانة يبيلك تسئل عنها

بالنسبة للصيانة , السيارة خارجة عن الضمان , تدفع قيمتة القطع المتضرره ..

يعني لو كانت الفحمات منتهية يغيرونها كلها بدون ما أدفع زيادة ؟؟؟؟؟؟؟؟

يعني مجرد 550 ريال حق صيانة ال 40000 كم شاملة تغيير الفحمات ولا لا ؟

أعتقد شاملة , اسئلهم قبل لا تدخلها الصيانة ..

[maf009]

أحد منكم متأكد من المعلووووووووومه