واجهتكم هذي المشكلة مع فلتر الهواء

[العياضي]

السلام عليكم ورحمة الله وبركاته

كل عام وانتم بالف خير وعافية للادارة والاعضاء


1-انا عندي مسامير غطاء فلتر الهواء هذي ثاني مرة اغيرها انا ماادري هي المشكلة من المسامير ماهي قوية او المشكلة من البنشري يشد عليها بقوة ماادري مرت عليكم هذي المشكلة وهل هي طبيعية

2- بالنسبة لفتر الهواء متى اغيرها مع كل تغييرتين للزيت المكينة ولا وش رايكم علما انني اغير الزيت كل 5000كيلو مع السيفون طبعا


3-اذا احد عنده خلفية عن سعر القزازة حقت الشمعة الخلفية في الوكالة وسعرها في النعماني لانها القزازة مشعورة عندي

ودمتم بحفظ الله سالمين

اخوكم /ابو سعد الحقباني

[AbuJawad]

على شان المسامير ما قد صارت معي

وعالاغلب سبب تكسيرهااا يد البنشري اللي قاعد يشتغل الله يكسر ايده :d

هي كلبسات مو مسامير
بعدين اخوي ليه ما توديها الوكالة ترى همة ادرى الناس بهوندا والتعامل معها
حتى لو ما تبغى تسوي صيانة غير زيت وفلتر بس 110 ريال
وما يبغالها موعد بأي وقت
صدقني افضل من البنشر بمليون مرة
زيتهم وفلترهم اصلي
واختصاصهم التعامل مع سيارات هوندا
والاهم انهم مسؤلين عن اي ضرر بسبب خدمتهم

وبالنسبة لفتر الهواء فهو على حسب كتلوج السيارة يتغير كل 20000 كم
وبخصوص سعر الشمعة للاسف ماعندي اي معلومة
ولك تحياتي اخوي

[العياضي]

ابو جواد

انا اللي عندي مسامير سيارتي 2006

ومشكوووور على تعقيبك وافادتنا من ناحية الفلتر

جزيت خيرا وزوجت بكرا

[المباشر]

وعليكم السلام ورحمة الله وبركاته

وكل عام وانت بخير وصحة وسلامة

عزيزي بخصوص المسامير ( نعم هي خفيفه جدآ وأي قوه زياده تكسرها مثل ماحدث معي ) بس تتسكر خلاص لايشد عليها زياده وأكد على أي بنشري يفتح الغطاء

وبخصوص الفلتر يتبدل كل 20 الف

( سؤال : كم سعر المسمار ومن وين اخذته )

[magical]

سعر زجاجة الاصطب تقريبا والله اعلم
لاني مغيرها قبل فتره حوالي 250 زي كذا في هذة الحدود من غير شرائح الانوار

[AliAhmed]

وعليكم السلام ورحمة الله وبركاته

وكل عام وانت بخير وصحة وسلامة

عزيزي بخصوص المسامير ( نعم هي خفيفه جدآ وأي قوه زياده تكسرها مثل ماحدث معي ) بس تتسكر خلاص لايشد عليها زياده وأكد على أي بنشري يفتح الغطاء

وبخصوص الفلتر يتبدل كل 20 الف

( سؤال : كم سعر المسمار ومن وين اخذته )

انا مثلك يالسمي ( كسرت واحد من المسامير لما بدلت فلتر زيت القير )

بانتظار الااجابــة ... وين نلاقي هالمسمار

[المباشر]

والله هذه المشكلة يالسمي هو أنكسر عندي بعد وقت تغيير فلتر القير ولكن يوم السبت بروح للوكالة ان شاء الله وباخذ لي مسامير وزيوت بس ودي اعرف سعره كم

[العياضي]

والله هذه المشكلة يالسمي هو أنكسر عندي بعد وقت تغيير فلتر القير ولكن يوم السبت بروح للوكالة ان شاء الله وباخذ لي مسامير وزيوت بس ودي اعرف سعره كم

اليوم رحت للوكالة واخذت

1- اربع مسامير لغطاء الفلتر الواحد قيمته 13 ريال المجموع بعد التخفيض 46ريال يعني طلع الواحد بــ 11 وشوي
2- فلتر الزيت اخذته بــ 15 ريال ارخص من البناشر الحرامية
3- قزازة الاسطب الخلفي بـــ 338 ريال بعد التخفيض 270 غالية بالحيل على فكرة تراها قزازة فقط لو انه اسطب كامل كم يطلع سعره
4- اخذت من عندهم فلتر الهواء قيمته 111 بعد التخفيض بـــــــ 88 وشوي والله غالي بعد
5- اخذت من عندهم بعد عدد خمس كليبسات للصدام الخلفي الواحد قيمته 6 ريال بعد الخصم 5ريال المفروض قيمته ريال فقط لكن مانقول الا ان الله يخفيهم

[AliAhmed]

يعطيك العافية اخوي وما قصرت ..

وان شاء الله في اقرب فرصة متوجه للوكاله ومشتري المسامير ..

بس لو انك مشتري قطع الغيار من محلات قطع الغيار الاصلية مثل النعماني ... اتذكر ان سعر فلتر الهواء في بحر الـ 70 ريال ..