استفسار
سلااااااام حبايبي
كل عااااام وانتم بخييييير
بدخل في الموضوع على طول ............
السالفه ومافيها ان قزاز موتري الامامي تهشم.......
حسبي الله ونعم الوكيل على من كان السبب
سؤالي ... استفساري
القزاز الامامي يشمله التامين الشامل ولا لا
ودمتم بود ...
وعليكم السلام
الحمدلله على سلامتك
الحمدلله انها جت عالقزاز وبس
والله ياخوي ما ادري اتوقع اذا انت مأمن تأمين شامل ممكن يتحمل
على حسب شركة التأمين يبغالك تراجع شروطهم
وعلى حسب كيف اتهشم
يعني لو حادث وانت مأمن شامل اكيد يتحمل التأمين
وعالحالتين عوضوك او ما عوضوك لاتغيره الا بالوكالة
او عند مركز مشهور ومتخصص
لان القزاز الامامي وزنيته صعبه ولو تركب غلط رح ينسم هوا ويعملك مشاكل بالرؤية
تحياتي لك
يشملها التامين اذا كان تامينكـ شامل خاصه اذا كان من شركات التامين المعروفه
واذا سالوكـ ليش ( قلهم كسر بغرض السرقه )
دمت بود
حياك اخوي ابو جواد
السالفه يااخوي حصاه مضيعه بطريق الملك عبدالله
اتصلت على فرقة نجم وصوروا القزاز وماقصروا ... والاوراق جاهزه الين يوم السبت نشوف
بس بغيت اتاكد من التامين يشمله ولا لا
مثل مانت عارف الوكاله شغاله حصد فينا
المشاركة الأصلية كتبت بواسطة ابو بريه
مادام كذا الموضوع فامورك تمام ان شالله
الشكوى لله بس ايش نسوي دلني على ناس متخصصين بهوندا افضل من الوكالة وعتبك عاللي يروح لهم :d
وبتروح السبت ويمشي موضوعك باالتأمين اكيد بيعوضوك
اخوي d7ooom2009 اتوقع اي تأمين ما يتحمل لا الكوارث الطبيعية ولا السرقة
تحياتي لكم
يعطيك العافيه دحووم
اخذت تقرير من فرقة نجم وبكمل الاجراأت على يوم السبت ان شالله
بس خوفي اروح اتمشور واتعب وفي الاخير التامين يقولي معليش مايشمله التامين
معليش اخوي ابو جواد
طيب على اي اساس مايغطي الكوارث الطبيعيه .... على كذا بلاها تامين شامل
والله يعيين اخواننا في جده
^^
على حسب ما شفته قبل فترة سيارة أخوي انكسرت قزازته الأمامية، راح لـ شركة التأمين -> نسيت اسمها ) وكان عنده تأمين شامل قالوله ادفع 700 ( إجباري ) ونصلحها لك وطبعاً هذي الـ 700 لازم تدفعها حتى لو إن القزازة بتكلفك 200 ريال فقط !!
وصراحة مدري هـ الكلام يشمل جميع شركات التأمين أم لا والله وعلم ~
^^^^^^
اهلين اخوي
هذي صارت معي في تامين تايوتا
معي هايلكس وانصدم الصدام الخلفي قيمته 450 ورش رفرفين 200 مع التعديل ... قالوا لي ادفع 500 الزامي
بس انا ماعندي مشكله ادفع 500 ولا 700 في الاول والاخير ركبت القزاز اصلي ومن الوكاله وعليه ضمان يعني ربع القيمه ولا كل القيمه
أتوقع سعر القزازة الأمامية لـ السائق في حدود الـ 1000 لـ 1500 ريال ~
يعني حط في اعتبارك تدفع نصف القيمة، بس أهم شيء ركبها بالوكالة ~
كلامك سليم بس عساهم يقولون
نعم التامين يشمل القزاز الامامي
من الفرحه بكسرها مره ثانيه ...... هههههههههههههه
ماينعطى وجه
والله ما ادري وانا اخوك
هذا كلام شركات التأمين
تلقاه مكتوب بالشروط اذا كانت وثيقة التأمين موجودة
اتوقع في بلاد برة في شركات تأمين تتحمل الكوارث الطبيعية لانها والعياذ بالله تكثر فيها
مو مثلناا ولله الحمد نادرة
والله يكون في عون كل اخواناا المتضررين في جده
ويسهلك امورك
ان كنت تبي التامين يعوضك راجعهم ويعوضوك ويتصلح القزاز بالوكالة
وان كنت تدور البركة بسيارتك انسى موضوع التامين وانا اخوك وغيره بنفسك والله يعوضك خير
اتمنى تتقبل كلامي بصدر رحب
تحياتي
اذا كان شامل اتوقع انهم يعوضونك
ضوابط المشاركة
رد مع اقتباس
مواقع النشر (المفضلة)