غسلت السيارة بستم وصار فيها

**أكورد088** · 03-12-2009, 12:14 AM

غسلت السيارة بستم لأول مرة وصار فيها هزة او رجة ما دري وش الحل الرجاء المساعدة ومع الممشى تهتز كأن فيها سكني

الحمدلله حليت المشكلة طلعت من الماء حق الغسيل وصل الى البواجي داخل فتحت اسلاك البوجي الاول وحصلت ماء وتم تنفيخه وتم تغيرها بالكامل وكذا قرينا عليها وطلع السكني هههههه

**abdelslam** · 03-12-2009, 12:21 AM

إذآ إستمرت لآتستشير أحد على الوكاله سيدا وإن شاء الله الموتر مافيه شيء وبالتوفيق ;) ..

**King** · 03-12-2009, 12:31 AM

اتركها يومين , إذا ماراحت المشكلة اقرب ورشة يشيك عليها ..

**amer09** · 03-12-2009, 12:51 AM

اما سكني ودها عند احد يقرا عليها :d

لالا انشاء الله ما فيها شي خلها يومين ثلاثة اذا ماراحت المشكلة على طووووول الوكالة ولا ورشة متخصصة

**بلال العلمي** · 03-12-2009, 12:55 AM

المشاركة الأصلية كتبت بواسطة أكورد088

غسلت السيارة بستم لأول مرة وصار فيها هزة او رجة ما دري وش الحل الرجاء المساعدة ومع الممشى تهتز كأن فيها سكني

بعض المغاسل يغسلها بس لما يحط صابون تلقاه يفرك في اماكن حساسة في السيارة

ولاجل كذا ممكن انه اذى سلك او حساس معين سؤال هو هل عندك لمبة المكينة شغالة؟

**المباشر** · 03-12-2009, 02:16 AM

خلها كم يوم وروح وتعال عليها وان شاء الله تروح وممكن تروح بنفس اليوم واذا ماراحت بعدها موضوعك يتطلب البحث والمشاورات

**Wi Fi** · 03-12-2009, 02:41 AM

بإذن الله مافيها شي وعلى قولت الشباب تنشف تزبط الامور

سؤال لأهل الخبره هل غسيل البستم زين للسياره والا موب زين ناس تنصح فيه ناس تحذر منه

وين افضل مكان يغسل بستم

**المباشر** · 03-12-2009, 02:50 AM

دائمآ غسلها بستم باستخدام الصابون فقط بدون ديزل يرشها بالأسفل وبعدين يغسلها بالماء واذا اللي في المغسلة مايسمع الكلام ويحط ديزل فلا تقربها مره ثانية

ولا تغسلها دائمآ الا بعد ظروف معينه مثل بعد الأمطار او التغريز وهكذا

**اكوردsky** · 03-12-2009, 02:51 AM

ان شاءالله مافيها شي
بس انا قبل اعرف واحد غسل عند مغسله وصار نفس قصتك
وبعد ماشيك على السياره طلع راعي المغسله يوم رفعها حمل السياره على الذراع
مدري العكس المهم وصار عنده رجه بالسياره
فأنا من رأيي تشيك من بدري

وان شاءالله تعدي سليمه

**أكورد088** · 03-12-2009, 07:36 AM

تسلمون جميعا عالمرور اشتغلت لمبة المكينة وطفيت السيارة وشغلتها مرة اخرى وطلعت ثاني وتركتها بعدها مطفية فترة وشغلت السيارة وطفت اللمبة وبقيت الرجة

**ن ع ر السعودية 0005** · 03-12-2009, 08:32 AM

أفضل شيء لا بغيت تغسل المكينة تغطي الكمبروسر حتى ما يدخل فيه ماء وهذا إلي انا أسوية في موتري وعادي غسيل البستم من تحت ما يضرها بس أهم شيء ماء وصابون فقط لا يلمسها بالديزل أو القاز .

**بلال العلمي** · 03-12-2009, 06:08 PM

المشاركة الأصلية كتبت بواسطة أكورد088

تسلمون جميعا عالمرور اشتغلت لمبة المكينة وطفيت السيارة وشغلتها مرة اخرى وطلعت ثاني وتركتها بعدها مطفية فترة وشغلت السيارة وطفت اللمبة وبقيت الرجة

افصل البطارية نص ساعة واشبكها واذا ما راحت الرجفة وديها الوكالة وخلهم يشيكون على الحساسات

**Wi Fi** · 04-12-2009, 02:40 AM

لا تتعبث فيها نصيحتي افحصها كمبيوتر اذا المشكله مستمره شف عند الوكاله وعند ميزان العضيب والمجد وهو يحدد لك وش السبب الي خلا نور المكينه يشتغل

انشالله يارب تكون المشكله راحت