فزعتكم __ عندي مشكلة بالقير
السلام عليكم
هذي أول مشاركة لي بمنتداكم
الحقيقة يإخوان أنا اشتريت لأخوي الصغير سيارة اكورد هدية نجاحه موديلها
2004 6 سلندر من واحد - الله لا يسامحه ويعوضني خير - غشني في القير
حيث إنه قال لي السيارة شغل وأمشولا في محركاتها أي مشكلة .
والغريب إنه عندما فحصت عند الربدي قبل لا أشتريها ما حصلوا أي مشكلة في القير
ويوم رجعت لهم قالوالي مثل ها المشاكل ما يعرفها إلا صاحب السيارة .
والحين أبغى فزعتكم بعلاج المشكلة إذا احد عنده خبرة يعلمني عنها ووين أحسن ورشة
المشكلة
إن السيارة لما ألف فيها يفصل القير ويصير كنه على وضع الـ( n ) مع العلم إن السيارة في تغييراتها كويسة
ما الآحظ أي مشكلة فقط إذا أخذت منعطف إو دوار يفصل القير
شاكراً ومقدراً لكم .
وعليكم السلااام
اول شي مبروك نجاح اخوك الصغير
ومبروك السيارة ان شالله ربي يعطيك خيرها ويكفيك شرهاا
وان شالله ان مشكلة الجير بسيطة وتلاقيلها الحل
بس اخوي حاب اقولك شي لاتدعي عاللي باعك السيارة لانه يمكن مايدري
واتخيل ان السيارة على ايدك من الوكالة وخربت معاك طبيعي
انا معاك ان في نصابين بس انت لاتحط الرجال بذمتك
خصوصا انك قلت انك فحصتها قبل لاتشتريها ومابين فيها شي
يعني ماله ذنب اللي باعك السيارة
والله يعوض عليك
ممكن تبين لنا من اي منطقة حتى اقدر اساعدك
تحياتي لك
شيك على حسااسات الجير
اخوي روح شيك على زيت القير بس لا تبدله
بس زوده شويه وبعدين ارفع الهاند بريك وحط القير على ال r وخلى السياره واقفه وشيك على مستوى الزيت
بس اهم شي انك بعد ما تشيك على مستوى الزيت وهيا على ال p
ترفع الهاند بريك وتحطه على ال r وتنزل تزود زيت القير بمقدار نصف لتر
ويفضل تروح لواحد متخصص فى تبديل زيت القير
وارجو مسامحتى على الأطاله
ضوابط المشاركة
رد مع اقتباس
مواقع النشر (المفضلة)