المشاركة الأصلية كتبت بواسطة فراس_أكورد
السلام عليكم..
ياخوان انا قدر الله على ومشيت يوم الاربعاء الاسود في امطار جدة. بس السياره الحمدلله ما غرقت انما شفت في المقاعد الخلفية شويه مويه بارتفاع ممكن 1سم ونص في الارضيه الخلفيه
طبعا طلعت المويه بمغرفة ونشفت السياره في الشمس
المهم ولعت لمبه المكينه لمن حاولت اجربها وكانت تطفي مع اللفات احيانا زائد العزم ميييييت وفي الخطوط بس ارفع رجلى عن بنزين السياره احسها تكتم ما تدحدر كانو فيه احد ماسكها وبيقاوم
ولمن يغير الجربكس التوماتيك النمر تحس بانو يفصل ويرد النمره اللى بعدها مو نااااعم زي عادته
زائد المشكله اللى كانت مخوفتنى صوت شي خشن طالع بالزبط مو عارف هوا من المكينه من قدام ولا من الهوبات...كل اللى اعرفه انو من تحت. صوت زي الغرغرة او الخشونه مع المشي
المهم وديتها عبدالله هاشم...قالو حساس الاكسجين وقلتلهم زودو عليها كمان تشييك فلتر الهوا وتغيير زيت الجربكس مع الفلتر وزيت المكينه كمان مع الفلتر.
طبعا السياره فضلت عندهم اسبوع....
اليوم استلمت السياره......العيوب اختفت الحمدلله.....بس ضلت مشكله وهي الصوت الخشن زائد انو لمن ادبل تدبيلة خفيفة السياره ما تتجاوب زي زمان .. والصوت زي صوت الشي المكتوم بالمويه لو اتخيلته من المكينه ولو اتخيلته من الكفرات فهوا صوت كانها خشونه بس الكفرات هيه هيه قبل المطر وكان الصوت دا غير موجود
ناس قالولى الرمانات بس اعرف انو الرمانات على سرعة واطيه تولول مو صوت خشونه
.....ناس قالولى الهوب وصخان او الجلود والعكوس......كلو شيكناه...بس الصوت لا يزال
احد بيعانى نفس المشكلة؟؟؟؟؟؟؟؟؟؟او عنده حل؟؟؟
بعد الامطار وتغيير حساس الاكسجين..صوت خشن
رد مع اقتباس
مواقع النشر (المفضلة)