الموضوع: وش رأيك بتغيير الزيت من الأعلى ..شارك بتجربتك

هلا بك اخوي

مبارك عليك الاكورد 2003

يعطيك خيرها ويكفيك شرها

بالنسبه للزيت انا عندي اكورد 2003 اغير زيت الوكالة يرفعون السياره ويفكون الصره ويغيرونه احلى حلاوة ..

محبتي

السلام عليكم ورحمه الله وبركاته
اخى العزيز من الافضل ان تفك الطبه لان رواسب الزيت تظل فى كرتير الزيت
ومن الافضل ان تغير ورده الطبه والفلتر ايضا
وافضل زيت على حكم خبرتى هو موبيل 1
لانه الافضل للطقس واحاله الجو فى الدول العربيه
وعليك مراجعه زيت الفتيس ايضا وتغيره اذا لزم الامر
بالتوفيق

طيب انا لي سنة اغيرة شفط
قبل سنة جيت اغير الزيت قالي راعي المحطة اللي اغيرعندة الصرة مخروطة اذا فكيتها يمكن ماتضبط
اعتقد ضروس الفتحة اللي تركب فيها الصرة (((لا تدقرون عاد ))) متاكل يبيلها خرط وفك كارتير .....

طيب هل يضر المكينة اذا شفط الزيت من فوق؟؟؟

السلام عليكم ورحمه الله وبركاته
اخى العزيز لاتقلق شفط الزيت لايضر الماكينه
لكن فك الطبه افضل وتغير ورده طبه

السلام عليكم ورحمة الله وبركاته

الأفضل تغيير الزيت من الأسفل لإضمان خروج الزيت بالكامل من الماكينه.

ولكي لا تبقى الرواسب داخل الكارتير.;)

والله مدري كيف اشكركم اخواني على هالتواصل الجميل وعلى المنتديا الرائع جدا من غير مجاملة

طيب حسب ما اعلم ان المرسدس الفياغرا يغيرون زيتها شفط (انا شفتها بعيني في احدي المحطات ) وسالت راعيها قالي عادي لان فكه الصرة تبعها صعب شوي (مدي هو يصرفني والا هو بعد ع الخيل ياشقرا _تراه كان يجل كبير في السن _شايب)
والشاهد من هذا الكلام انو ماتاثر ع المكينة !!!
واذا كان في رواسب (وهذا المنطق ) هل غسيل المكينة يشيل هالرواسب ؟؟؟؟
ومشكورين جدا ومعليش ع الاطالة

فك الصره بس يترك رواسب ونفس الشي للمكينه ..

اذا شفته فك الصره ونزل كل الزيت قله يجيب لي هوا ويغطيه بخرقه(قطعة قماش) وينفخ هوا من الفتحه اللي يعبي منها .. وشوف وش كثر بيطلع ..

هالحركه سواها مره واحد فلبيني مغير عنده .. واستغرب يوم لاحظت الزيت طلع نفخ بالهواء وطلع حق نص او ثلاث ارباع علبه ..

السلام عليكم ورحمه الله وبركاته
اخى العزيز وانت فى هذا المنتدى لاتقلق لانه من الواضح ان اغلب مشرفين المنتدى والاعضاء ايضا على درايا جيده فى خدمه وصيانه الهوندا ولهم جزيل الشكر
اما عن الفنى الموجود فى البنزينه الذى شفط زيت المرسيدس من اعلى
فهو اسهله واوفر فى الوقت
ولكن فك الصره هو الافضل.

بصراحة اشكر كل المشرفين والاعضاء في هذا المنتدي الحبيب على الردود الجميلة والافادة الرائعة