شباب سيارتي فيه مشكله و اعتقد انه كبيرة الرجاء الدخول

[راعي الهوندا 2006]

سلام عليكم اخواني سيارتي يا اخوان هوند اكورد 2006 المهم لما السيارة واقفه و فاتح الابات اي اليت تبع السيارة الي فوق قرب حامل النظارة و السيارة مشغلة اجوف انا اليت او الاضاءة تومض و تزيد يعني تضعف و عند ما ادعس على البترول يزيد الاضاءة وتم الاضاءة ثابته بس اشيل رجلي من البترول يبتدي ضعف الاضاءة و يومض يعني يضعف و يزيد بحركة سريعة . شنو يا اخوان هل كهربة السيارة خربانه ام الدينمة جارج خربانه ؟؟؟ شي خرب مزاجي و الله

[هوندا كونكورد]

احتمال يكون ظنك ف محله بصراحة ما عندي خبرة بهالسوالف

لكن الاخوان اللي لهم خبرة موجودين فهالمنتدى اصبر عليهم شوي وابشر بالخير

شكرا

[ياسر الشمراني]

اعتقد انها طبيعيه

كذا كهربة الأكورد

الشباب مايقصرون ..

محبتي

[أكورد 2.4]

هل الضعف في المكان المحدد فقط أم أيضا في أماكن أخرى ..!؟

[accord 06]

اخوي لا تخاف هذي الحركه موجوده بكل الاكوردات

الكهرب يضعف اول ما تشتغل المراوح .. لحضات بعدين يرجع طبيعي

[أكورداوي]

جدا جدا طبيعي مثل ماقال accord06 والأنس ,,

أنا سألت الوكاله قبل فتره وقالوا طبيعيه ..

ريح بالك حبيبي

[راعي الهوندا 2006]

مشكورين على الردود اخواني ليس اول ما اشغل السيارة لا السيارة اهي شغالة بس الاضاء ترجف مجرد اني ادعس بتروح تصبح الاضاء قوية بس اشيل رجلي من الدعس او الريس ترجع الرجفه يعني يضعف و يزيد بشكل سريع

[ياسر الشمراني]

طبيعيه جداً اخوي

وريح بالك

موجوده عند الكل ..

توكل على الله

[felimbanfo]

السلام عليكم
هذا شيء طبيعي جدا جدا و خصوصا تلاحظها أكثر في معظم سيارات ال4 سلندر

[هوندا اكورد 2020]

يعني معقوله هذا طبيعي ولا عيب مصنعي والسيارات الثانيه مثل السفيك فيها هالعله بعد ولابس الاكورد وهل الكامري فيها هل العله بعد

[ACCORD FOR EVER]

صارت عندي وبعد ما بدلت البطارية راحت(ما اعرف ليش)

[hrkat]

السلام عليكم ورحمه الله وبركاته
حضرتكم هذا العيب له علاقه بالبطاريه او الدينامو
لانه يفقد شحن البطاريه
يجب عليكم الكشف على حاله البطاريه وحاله الدينامو لدى مختص وشكرا