معاناتي مع صوت صفير البلبل .. اتمنى الافاده

[ابوماجد]

السلام عليكم ورحمة الله وبركاته
ان شاء الله طيبين وبالف خير
حبي اقلكم معاناتي مع صوت الفرامل واتمنى الافاده منكم ان شاء الله
سيارتي اكورد 2008 فل مخمل وانا من سكان جده
اول مره طلع الصوت معايا كانت ماشيه 4000 كيلو قلت خليها تجي الخمسه واكلمهم مره وحده رحت فرع المدينه
وكلمتهم المهم غيرولي حاجات من ضمنها الهوب والاقمشه على كلامهم وماادري ايش كمان
المهم قلي خلاص ان شاء الله قلنا يالله
تقريبا بعد 2000 كيلو رجعلي نفس الصوت مره ثانيه قلت انتظر الى ال 10000 كيلو مره وحده
رحت فرع المدينه مره ثانيه وكلمتهم المهم تقريبا مشوني وعملول لي بخاخ المهم شيء يخلي الصوت يروح فتره
وبعد كدا تقريبا 2000 كيلو نفس الحكايه والله ورجع الصوت كلاكيت ثالث مره :dانتظرت الى ال 15000 كيلو
وغيرت الفرع هدي المره قلت لعله خير رحت فرع الميناء وكلمتهم وسويت صجه معاهم وقاعد يدافعلي على السياره قلتله هدا عيب في الهوندا ليه ماتتعرف في الشيء هدا وتشوفولنا حل المهم نهاية الكلام قال انت في صيانه 5000 غيرت حاجات المفروض ماتتغير غلط يعني ..ز قلتله الحل يعني قال نسويلك تنظيف وصنفره وان شاء الله الصوت ماعاد بيرجع
قلتله انا هدي المره بمشي معاك لاكن ادا طلع الصوت مره تانيه والله مابسكت عن حقي المهم خلص اموري
والان السياره ماشيه 16800 تقريبا والله ياشباب طلع الصوووووووووووووووووت من جديد
بعدين لاحظت في كل فتره بعد مااسوي شيء في الوكاله تقعدلي من 1500 كيلو الى 1800 في الحدود هدي ويرجع الصوت مره ثانيه :(
المهم ياشباب والله حصت في الصوت هدا والله حرام والسيارة والله جديده ومحافظ عليها من افضل مايكون
تحس انه مامعاك اكورد تحس انه داتسون معاك يارجل
ابغ افادتكم وقولولي ايش اعمل
سمعت عن اقمشة نيسن ايش رايكم أو ارجع الان للوكاله هل بحصل حل ؟؟؟؟؟؟؟؟
اعطوني جميع الحلول ..
ويعطيكم الف الف عافيه وسامحوني على الاطاله
اخوكم ابوماجد

[مجوووودي]

مالك الا تصبر عليها فترهـ معينة .. الين تستهلك الفحمات ..

بعدين غير للنيشن ..

وقصة وكاله ومدري ايش .. خسارة ع الفاضي ..

كم مرة رحت لهم انت وترجع مثل اول ..

انا الصوت عندي .. بس مطنشة

بالتوفيق ..

[ابوماجد]

للرفع

[المباشر]

مشكلة الصوت مشكلة

وخاصة في الموديلات من 2008 وطالع ودائمآ الصوت في الفحمات الخلفية

وحلولها كلها سويتها انت وهي

سنفره الهوب وسنفره الفحمات وتنظيفها عن الغبار والبرادة الصادرة من الفحمات

لمنع الصوت من الخروج لابد من وضع الشحم الخاص بين الفحمات من الخلف وبين القطعة الحديد علشان ماتصير ناشفه ويطلع فيها صوت

جرب حظك مع نيسن يمكن تضبط امورك وممكن تكون نفس الأصلية بخصوص الصوت

[ابوماجد]

يعطيكم العافيه
نشوف ربك يسهلها