نصيحتي لك خذ اكورد وغيرها لاتدور
كل السيارات اللي ذكرتها ماتتقارن بالاكورد
واذا تبغى الاسباب بعطيك
تحياتي لك
بسم الله الرحمن الرحيم
السلام عليكم ورحمة الله وبركاته
هذه اول مشاركه لي في منتداكم الطيب اللي اتمنى ان ماحد يبخل عليه بمعلومه
بصراحه انا ابغى اشتري سيارة وبما انها اول سياره اشتريها ضروري اراعي الدقه في اختيار السياره المناسبه اللي تخدمني على المدى اطويل لاني بيني بينكم اقل شي بتقعد معايا السياره عشره سنين وبدأت رحله البحث عن السياره من اسبوع تقريبا وعديت على كل الشركات تقريبا و لفتت انتباهي كذا سياره ..
السياره الاولى كانت التيما بصراحه السياره فخامه وقوه ونفقيشن وكمرا خلفيه ومثبت سرعه وكلام كثير وبسعر ممتاز بس المشكله كثير من الناس قالولي تتهربد بسرعه وكلها سنتين وتطلع مشاكلها وماشابه
ثاني سياره كانت جيب هونداي والله نسيت اسمو بس سعرو ممتازو ومواصفاتو جيده لكن يعيبو شكلو الخارجي
ثالث سياره جيب فورتشنر من تويوتا سعرو ممتاز لكن مواصفاتو مش ولا بد وشكلو الخارجي ماعجبني لا هو ولا الراف فور
رابع سياره الاكورد مايعيبها شي بس المشكله اني شفت جيب ال اس ار في في المعرض واقف وقارنت بين الاسعار كانت نوعا ما متقاربه اللي بصراحه احس اني وجدت ضالتي فيه من ناحيه الشكل والمواصفات والفخامه طبعا كان معروض موديل 2009 و 2010 ولمن سالت الموظف قالي فل 2009 بي 98000 الف ريال وفل ال 2010 11900 ريال استغربت وقلتلو ايش الفرق بين الاثنين قلي مافي فرق اللهم تغيير في الشمعات وما شابه بس حاس انو يبي يبيعني المودل وخلاص
على العموم اسف على الاطاله لكن انا حاب اسال اهل الهوندات واخذ بشورهم هل السي ار في سياره تستحق الشراء ؟ ام يوجد سيارات اخرى افضل ومنافسه لها بنفس السعر ؟
لاني بصراحه ميزانيتي 100000 ريال ماقدر اتعداها فاذا في سياره في الحدود هذي وتعمر ياليت تنوروني
واعتذر على الاطاله مره اخرى وشاكر لكم
نصيحتي لك خذ اكورد وغيرها لاتدور
كل السيارات اللي ذكرتها ماتتقارن بالاكورد
واذا تبغى الاسباب بعطيك
تحياتي لك
إختيار السيارة يكون بأيدك انت !
أول شيء طال عمرك استخير ربك , وبإذن لله راح تتوفق بإختيار السيارة
من ناحية الأكورد فهي سيارة قوية وتتحمل , عندك إلى 6 سنوات مع المحافظة عليها (ماراح تتعبك) ..
:(
انت تقول تبغاء سيارة تقعد معاك عشرة سنوات..
وانا ارشح الاكورد..
اكووووووووووووووووووووورد وفل ولاتتردد ابد ولاتفكر ابد
السي ار في
سيارة غبية لامنظر ولا مواصفات ولا حتى سعر عند البيع
ماماسك الهوندا الا الاكورد اما الباقي خيااااس
ونصيحتي لك خذلك اوريون مواصفات وشكل وقوة وتمسك سعرها عند البيع
تحياتي
السياره الي تبي تشتريها تعتمد على اثنين:-
اذا كنت تبي راساوه وفخامه وراحه في الطريق انصحك با الاكوورد اكورد لييه انا اقلك مصنع في اليابان 100% والديكور حقها متين من الداخل ..
اما اذا كنت هاوي سرعه اشتري الاوريون صناعه استراليه بس الديكور حقها خفيف من الداخل زي ديكور الكامري.
والخيار لك.
خـــــــالـــــــــص تحياتي......
على حسب استخدامكـ للسيارة لن مقارنتكـ حيرتني سيدان على دفع رباعي على متوسطة الحجم
يعني حدد شو تبي ؟
مثلا لو كان مقارنتكـ التيما & اكورد
اكيد اكورد لعده اسباب اوهمها والي انتي مركز عليه الا وهو انها تعيش معاكـ
وباالمبلغ الي معاكـ واقل بحدود 7 الاف بستطاعتكـ تشتري اكورد فل كامل جلد اربعه سلندر موديل 2009
اتمنى اكون افدتكـ يا الغلا
تحياتي لكـ
انا انصحك بالاكووورد وبس
وعليكم السلام
شوووف يا طويل العمر انا انصحك
اول شئ شوف السيارات اللي انت اخترتها وقارن بينها وخذ الانسب لك من ناحية المواصفات والشكل والاداء
ثاني شئ فكر بسعرها يكون مناسب
ثالث شئ وهو الاهم شئ بعد ماتقارن وتشوف وتختار استخر وترا ماخاب من استخار
والله يوفقك ان شاء الله
ويعطيك خيرها ويكفيك شرها مقدمآ
بص انصحك << محتار مثلك حسيت بمعاناتك يوم جيت اشتري الاكورد :d
مدام تبغاها 10سنوات خذ اكورد
والله ياغالي
أنت حدد وش تبي من نوع السياره
هل تبي دفع رباعي ( جيب )
ولا سيدان
؟؟
عشان نعرف نقولك
النيسان إنحش منه أنا كانت معاي مكسيما جميع أنواع الأعطال والديكور بلاستيك نوع ردئ جدآ وهذا عن خبرة
الهونداي لك عليها هم حسنوا شكلها الخارجي بس تراها كوري يعني ثلاث سنين وتقول باي باي
الهوندا أنا جديد عليها ولكن بسؤالي قبل لاأشتريها الكل مدحها ومدح متانتها
والله يكتبلك ألي فيه الخير
اذا كان تبغاها 10 سنوات.. اما انك تختار الاكـــورد
او جيب فورشنر
والفرق ترى كبير بين السيارتين
انت وضح رغبتكـ.. تبي سيدان تبي صالون؟؟؟
رح مر ., وكاله مازدا .,
وشف الجيب الي عندهم .,
وبعدها أحكم .,
يجمع المواصفات الي تبيها .,!
مواقع النشر (المفضلة)