أرجو الأفادة يا شباب الخبرة و التجارب

[هوندا 0770]

السلام عليكم و رحمه الله و بركاتة أخواني أعظاء المنتدى الراقي
أنا عندي أستفسار بسيط عن غسيل السيارة عن طريق المغاسل ألأوتوماتيكية
أي غسيل بستم يرفع السيارة علي الرافعة الهيدروليكية و يبدأالتنظيف من أسفل السيارة بالماء بدون ديزل بدون غسيل المكينة
سؤالي هل أشخاص جربو هذا الغسيل ؟ و هل في أماكن تتشحم ولا مافي ؟
تعرفون الأمطار الي هلت علينا ما شأالله تبارك الله
ففي مغسلة تنصحوني فيها غير مغسلة الجلوية في الدمام
و شكراجزيلا ,,,,,,,,,,,,
و أأأسف على الأطالة ;)

[متصفح]

غسيل السياره بالبستم مفيد للسياره مره في السنه او مرتين بالماء والصابون فقط

بالنسبه لمغاسل الدمام ماعندي خلفيه عن الموضوع الشباب يفيدونك

تحياتي

[AbuJawad]

في وحدة احسن من الجلوية

انت ماشي بالشارع العام ومغسلة الجلوية على يدك اليمين اوصل للأشارة ولف وراجع يجيك بنشر علي ايديك اليمين بعد البنشر على طول في لفه فيها مغسلة قديمة بس خبرة وشغلهم نظيف ما يحتاج
وهم اخبر اذا في شي بسيارتك من تحت يحتاج تشحيم

بس انا رأيي لا تستعجل لسة الخير جاي ان شالله ورح نشوف امطار
تو الناس خلي الشتا يخلص وغسلها مرة وحدة

زي ماقال اخوي متصفح ماتضر بس كثرتها مو كويسة

تحياتي لك

[هوندا 0770]

يعطيكم العافية أخواني على الردود
و ماقصرتو
بس خلي الشباب يتفاعلون في الموضوع شوي
تحياتي لكم

[المباشر]

وعليكم السلام ورحمة الله وبركاته

بخصوص الغسيل غسلها ولكن أهم شي تكون السيارة باردة نسبيآ يعني وقفها عند المغسلة وروح مشوار ساعتين مع اي واحد من الشباب وارجع لهم ودخل الموتر علشان الماكينة وغيرها ماتكون حاره وتتأثر وخاصة الماء في هالوقت يكون بارد والنتائج غير طيبه ( بارد وحار )

أهم شي الرش من تحت بدون ديزل وللماكينة بعد بدون ديزل تمامآ ويكون رش صابون وبعدها غسيل بالماء

صحيح ماراح تشوف نظافة مثل رشها بالديزل ولكن الأفضل للسيارة علشان ماتتعب الجلد وتتيبس وتتقطع عليك مستقبلآ

ومثل ماقال ابو جواد لا تستعجل وتغسل السيارة - الخير جاي

اخوك المباشر مغسل موتره قبل يومين والسبب السيارة صارت كأنها عجوز تتمغط من الاصوات ايييع ايييع :d لما اتحرك فيها

وسبحان الله طلعت مشوار 100 كيلو وبعد مارجعت اختفت الاصوات وقلت خلني اغسلها

غسلت الموتر واليوم الجمعة الفجر ماشاء الله تبارك الله جانا مطر وخير كثير وهذا أنا متوهق مابي احرك الموتر والصلاة الظاهر اني بروح مشي ولا بدق على احد يجيني ماودي اخسر ال30 ريال :d

ومايحتاج ترشها زيت من تحت بتاتآ