بخصوص زيت السياره

**آلحسآس** · 19-12-2009, 12:00 AM

السلام عليكم

كيف حالكم شباب ان شاء الله بخير

بخش الموضوع على طوول << مايحب مقدمات :d

الحمد لله توني مطلع اكورد 2009 فل4 سلندر

حبيت اسألكم بس عن تغيير الزيت بعض الشباب يقولون لازم تغير الزيت على طول بعد ماتطلعها من الوكاله لان زيت الوكاله مافيه لزوجه وبيحترق بسرعه

والبعض يقول اصبر لين صيانه الالف ويغيرون لك الزيت ببلاش

انتم وش رايكم واذا خليته لين صيانه الالف له ضرر على السياره ؟

ثاني شي ابسأل وش افضل زيت تركبه للسياره ؟

ياليت مايجاوب الا اهل الخبره مابي احد يقدح من راسه

**امبراطور الاكورد** · 19-12-2009, 12:56 AM

مبروك عليك السيارة الله يعطيك خيرها ويكفيك شرها بالنسبه للزيت لاتغيره الا اذا مشت 1000 كيلو دخلها

الوكاله وهم يغيرون لك الزيت ببلاش ومافيه اي ضرر ان شاء الله

**اكورد قير عادي** · 19-12-2009, 01:02 AM

هلا اخوي الحساس
ماشاء الله الله يطعمك خيرها ويكفيك شرها
اذا تبي رايي ومن خلال تجربة كم اكورد وكم سياره ابد اذا وصلت السياره ان شاء الله بصحه وسلامه<<مسافره ههه
اذا وصلت ال1000 كيلو رايي انك تغير زيتها بنفسك
وانا انصح بزيت استخدمه من 6 سنوات على حوالي 3 اكوردات لي و4 سيارات ثانيه الي هو:كاسترول 10 على 30 الخفيف
زيت ولا اروع تمشي عليه خطوط مايقول لا..تمشي عليه ديره تغيره بعد 5000او 6000ماتلقاه محترق ..
انا عطيتك رايي الخاص وانت لك نظر وتختار بنفسك..
موفق ان شاء الله بس متى تمرنا ناخذ معك لفه بالمزيونه