ورشة لرش بوية للسيارة بالكامل (اللون اللؤلؤي )

**Abdulmajeed** · 19-12-2009, 12:23 AM

السلام عليكم ورحمة اللة وبركاتة ..

ان شاء الله راح أرش سيارتي بالكامل

وأتمنى من الأخوان اللي عندهم خبره
يفيدوني عن الورش المجربة في الرياض وشغلهم مضبوط ..
لأن اللون الؤلؤي حسب علمي انه صعب ..

ومشكورين مقدماً ..

..

**Abdulmajeed** · 19-12-2009, 01:24 PM

واحد فيس بليييز .. :d ..

**ღღ 3eo0oney...ღღ** · 19-12-2009, 01:59 PM

وعليكم السلام
كل الفيسات لك يا عثل

:d;)

<< فاهم غلط

ورشة الوفاء الصناعية القديمة مخرج 17

شغل ماعليه كلام بس السعر مادري عنه

وروح وشوف السيارات اللي عنده وشوف شغلهم ونت احكم

ان شاء الله اكون افتك

**dhsv2** · 19-12-2009, 02:08 PM

نصيحة ادا السيارة بويتها شد بلد :(
والسيارة بويتها لابئس بها لاترشها

بس ادا كانت تعبانة حيل خد راحتك ورشها :d

**Abdulmajeed** · 19-12-2009, 02:44 PM

المشاركة الأصلية كتبت بواسطة ღღ 3eo0oney...ღღ

وعليكم السلام
كل الفيسات لك يا عثل

:d;)

<< فاهم غلط

ورشة الوفاء الصناعية القديمة مخرج 17

شغل ماعليه كلام بس السعر مادري عنه

وروح وشوف السيارات اللي عنده وشوف شغلهم ونت احكم

ان شاء الله اكون افتك

تسلم تسلم ..

..
سمعت عن الوفاء رحت مره وانلحس مخي لقيت أكثر من ورشة اسمها الوفاء ..
يعني يكون اسم قبل الوفاء أو بعده ..
لو تعطيني اسمهم بالضبط أو رقمهم أكون شاكر ..

..

المشاركة الأصلية كتبت بواسطة dhsv2

نصيحة ادا السيارة بويتها شد بلد :(
والسيارة بويتها لابئس بها لاترشها

بس ادا كانت تعبانة حيل خد راحتك ورشها :d

والله يخوك السيارة موديلها مو قديم مره , 2006 ..
بس المشكلة الوجهيه كامله لازم تنرش (بابين + رفرفين + الكبوت + الصدام) والصدام الخلفي فيه حكات ..
مافيها أي سمكره بس البوية دمرااااااانه .. (متقشعه بلغة أخرى :d ) ..

**ღღ 3eo0oney...ღღ** · 19-12-2009, 02:50 PM

المشاركة الأصلية كتبت بواسطة abdulmajeed

تسلم تسلم ..

..
سمعت عن الوفاء رحت مره وانلحس مخي لقيت أكثر من ورشة اسمها الوفاء ..
يعني يكون اسم قبل الوفاء أو بعده ..
لو تعطيني اسمهم بالضبط أو رقمهم أكون شاكر ..

....

والله مو عندي رقمها بس بجيبه لك ان شاء الله

هي مكتوب ع الورشة الوفـــاء بالاخضر بس بدبرلك رقمهم ووصفهم ان شاء الله

**f a w a z** · 19-12-2009, 02:52 PM

حاول انك تلمعها وترش الكبوت والرفارف والصدام الامامي والخلفي

حرام ترش السيارة كلها

**ღღ 3eo0oney...ღღ** · 19-12-2009, 02:52 PM

واذا تبي وحده ثانيه انا مجربه بس بصناعية الشفاء

تايلندي انا مجربه كانت معي كامري 2006 كل 25 يوم حادث واللون التفاحي ع فضي صعب الون هذا وطبقه لي اذا تبي انا حاظر :d

انت طووووب وتخير بين الوفاء وبين اللي بالشفاء

**AHN** · 19-12-2009, 02:55 PM

ورشة الوفاء .,
مخرج 17 ., تمسك الفرعي ., أول لفه يمين ., أول لفه يسار ., تلقاه ع اليمين .,

ولا لا ياهل الرياض .,

**Abdulmajeed** · 19-12-2009, 03:09 PM

المشاركة الأصلية كتبت بواسطة A-C-C-O-R-D

حاول انك تلمعها وترش الكبوت والرفارف والصدام الامامي والخلفي

حرام ترش السيارة كلها

اخوي البوية متقشعه وشلون المعها ..
بيني وبينك هي لها أكثر من 7 شهور على هالحال ..
بس يخوك مليت من شكلها تقول كرسيدا .. ههههههه ..
جد والله موديلها 2006 وهذا حالها مايصير ياخي .. :d ..

المشاركة الأصلية كتبت بواسطة ღღ 3eo0oney...ღღ

واذا تبي وحده ثانيه انا مجربه بس بصناعية الشفاء

تايلندي انا مجربه كانت معي كامري 2006 كل 25 يوم حادث واللون التفاحي ع فضي صعب الون هذا وطبقه لي اذا تبي انا حاظر :d

انت طووووب وتخير بين الوفاء وبين اللي بالشفاء

فكنا من الشفاء الله يرحم والديك , لي أكثر من سنتين ماطبيتها ..
لأني مواعد نفسي ماأطبها الا اذا خلصوا النفق حقهم .. <<< تعلق في رصيف هناك .. لووووووووول ..

- -
الوفاء اللي تقصده عندهم سيارة ونيت راشينها برتقالي وموقفه قدام الورشة ؟

المشاركة الأصلية كتبت بواسطة AHN

ورشة الوفاء .,
مخرج 17 ., تمسك الفرعي ., أول لفه يمين ., أول لفه يسار ., تلقاه ع اليمين .,

ولا لا ياهل الرياض .,

أخوي على وصفك بيكون هنا .. :

واللي أذكره المنطقة هذي كلها مستودعات ..

..

**الـمـسـافـر** · 19-12-2009, 03:18 PM

عندي لك ورشه بصناعيه الشفاء شغلهم كويس مررره ورخيص

وضمان للبويه

سعر السياره كامله ماتتعدى الـ 3500 ريال

رشيت عنده صدام خلفي ما شاء الله ماتفرق عن الوكاله ( نص الصدام راشه )

اذا تبيها ارسلي رقمك اوصف لك لانه دعاويس :d

**Abdulmajeed** · 19-12-2009, 06:19 PM

المشاركة الأصلية كتبت بواسطة الـمـسـافـر

عندي لك ورشه بصناعيه الشفاء شغلهم كويس مررره ورخيص

وضمان للبويه

سعر السياره كامله ماتتعدى الـ 3500 ريال

رشيت عنده صدام خلفي ما شاء الله ماتفرق عن الوكاله ( نص الصدام راشه )

اذا تبيها ارسلي رقمك اوصف لك لانه دعاويس :d

لاحول ولاقوة الا بالله , معزمين على الشفا .. :d ..

ربك يسهل أجل ..

وش رايك ترسل لي رقمك <<< ماأبي أخسرك .. :d ..

**فتى زهران** · 20-12-2009, 01:56 PM

شوف ياغالي بالنسبة لورشة الوفا اللي في الصناعية القديمة

وانت جاي من جهة مصنع الإسمنت بإتجاه الصناعية

تمشي الى أن تجيك إشارة القزاز حق السيارات ( السالم وطقتها )

تمشي سييييييييده الين يجيك الراجحي على يمينك

اذا جاك الراجحي خش يمين وامش سيده اذا جاك اول تقاطع ادخل معاه يمين

بعدين اول تقاطع خش يسار

بتشوفها على يسارك

والله أعلم

بس اذا كان الوصف غلط لا تدعي علي حاول اسأل الناس اللي هناك وبيدلونك

عشان مكانها بين ورش

**هذا أنا .....!** · 28-12-2009, 10:18 PM

شوف حبيبي

عندي لك ورشة في الصناعية القديمة بالرياض توي مجدد بوية سيارتي فيها

راش عنده كامل من غير التندة

اسمها تيما العمالة اتراك ويعطيك ضمان ع البوية 5 سنوات

المدير الورشة تركي كان شغال في الجفالي بس معلم الله حق

اذا ماكان فيه سمكرة يقولك اذا طلعلك الجهاز انها مرشوشة ارجع اعطيك فلوسك

موقع الورشة اذا بغيته عطني خبر ورح شف بنفسك

**الطشتي** · 29-12-2009, 02:32 PM

اخوي في ورشتين كلها ماعليها بس اقسم بالله اني مضيط الهنادي عند العضيب تقل توني مطلعاها من الو كاله بس انها غاليه

وفي الوفاء مجربها على كامري اخوي رشتهم تقل رشة الوكاله

**اكـ2007ــورد** · 29-12-2009, 02:42 PM

:dبووووه عندك وحدة بصناعية النسيم
اذا تبي ينجلاديشي قسم بالله يامليان سيارات فخمه
وبن كلتش اذا بدك ارسل ع الخاص واعلمك الوصف

**Abdulmajeed** · 03-06-2010, 10:29 PM

وقسم أني عارف الموضوع قديم ..
بس توني أصمل على رش الموتر ..
أمس مريت الوفاء اللي قلتوا عنه تدرون بكم قال !!!
9000 ريال !! <<< قلت له يفتح الله :d ..
المهم واحد نصحني بورشة الوعلان في البديعة شارع الملاعب .. <<< الشارع اللي يفحطون فيه (أخر مره أوصّف :d )
رحت لهم اليوم وقالوا لي 4000 ريال ونعطيك ضمان شهر ..
وحالياً شبه صامل على الوعلان وودي أخذ رايكم فيه أحد له تجربه معهم ؟ وكيف هذي التجربة ؟
تحياتي