تعبت من التفكير (اما اكورد او فورد ايدج)

**Abu Lyan** · 19-12-2009, 08:39 AM

السلام عليكم

ودي اشتري سيارة جديدة بدال سيارتي الحالية مركيز 2002 نص فل !!

والتفكير اتعبني بين سيارتين محتار وش اخذ فيهم

الاولى : اكورد 6 سلندر فل كامل وسعرها 123 الف !!
الثانية فورد ايدج فل كامل فتحه بانوراما سعرها 131 الف
كلهم 2010 ومحتار ايهم افظل

خاصتاً اني لم اجرب اي سيارة منهم
ولا اعرف عيوبهم ومميزاتهم

فأتمنى من اللذين يملكون الخبره او تجربة صديق
كتابة ارائهم لاني بدفع مبلغ ليس سهل و 70% منه قرض من البنك

وتمنياتي للجميع بالتوفيق

**مشــــعل** · 19-12-2009, 09:57 AM

شوف يالغالي..

انا كنت مثلك..

وكنت ناوي خلاص بطلع الايدج البانوراما .. كان 2009 بـ 124 ألف..

بس بعد ما دفعت العربون.. قرأت في النت عن مشاكل الايدج و عيوب في الديكور و المكيف..

فخقت و رحت على طول وسحبت العربون..

وسبحان الله.. صار لي حادث.. و اضررت اني استاجر سيارة..

لقيت قدامي هوندا اكورد 2008 ..

بعد ما استأجرتها اسبوع.. ما كملت شهر ومعاي هوندا اكورد قل ابشن .. بس اربعة سلندر.. الستة شفتها قوية و تخلي الواحد يتهور..

نصيحتي..

روح لمعرض هوندا.. جرب و سوق الاكورد..

وروح لمعرض فورد.. وجرب الايدج..

صراحة الاكورد سواقتها مررة مررة حلوة..

و راسية و هادية بشكل عجبني..

وخلاني اشتريها على طول و انا مغمض..

فافضل شي التجربة..

موفقين

**marrsf0d** · 19-12-2009, 11:01 AM

خذلك اكورد ستة سلندر

قيادتها ورساوتها والمميزات اللي فيها راح تعجبك

أنا توني مطلع اكورد ستة سلندر لؤلؤي ولا أحلى
أنصحك تروح الوكالة وتجرب قيادتها بنفسك
والأهم شئ انها اقتصادية في البنزين بالرغم محركها الستة سلندر

**لآيــ@ــمونكـ** · 19-12-2009, 11:09 AM

اكورد 6 سلندر فل كامل افضل لك ..

**Mr.Goldy** · 19-12-2009, 01:23 PM

والله شف كل واحد له مزااايها وعيووبها

بس بصراااحه افضل الايدج

وكاااله بمعنى الكلمه اولااا ثاانيا ميزااته افضل من الاكورد

وانا من رايي ترووح تجررب السيااارتين افضل لك

**أبو نايف أكورد 2007** · 19-12-2009, 02:13 PM

هلا أخوي

طيب مافيه غير الأكور _ الإدج

فكر في سيارات ثانيه

مثل -> الأفلون _ جيب المازدا _ مكسيما 2010 فل .......

وأنا أرشح الفلون وبقوه لك ولزمن

وانا أنصحم يشلون شعار تويوتا من على الأفلون ويحطون لكزس

لأنه من جد مواصفات لكزس فلا تفوتها عليك

وأنا أخوي معه أفلون ماشاء الله روعه

موفق

وأهم شي أطلب من الله ييسرلك أمورك

ويدلك على ألي فيه خير لك

**عاشق سيفيك4999** · 19-12-2009, 02:18 PM

انا من رأيي الايدج وكاله وامريكي وعلى كلام اخوي مشعل ديكور ومدري ايش
تكفى شوف الاكورد انواع المشاكل وفحمات وهوبات ومدري ايش ويتفكك الديكور
لا تلعبون على نفسكم واتركوا التعصب..

ونصيحتي يا ابوليان خذلك الايدج اكبر وافخم وارسى واقوى وقطع الغيار ارخص وكل شي فيه

لانها سياره مشهود لها

ومبروك مقدما والله يكتبلك اللي فيه الخير

**salamify** · 19-12-2009, 02:26 PM

أرشح لك فورد ايدج ..
بكل صراحة وبدون تعصب وتحيز الأكورد ما تسوى 123 ألف على المواصفات الموجودة فيها.. يعني زودوا خلفية بي أم وحساسات زادوها السعر الفلاني وهي أصلا موجودة في ماليزيا من 2008 الاربعة والستة سلندر..
الفورد ايدج شكله حلو وجيب صغير وفخم وبانوراما وهذا مجرد رأي شخصي..
وأنصحك تروح لوكالة هوندا وفورد وتجرب السيارتين وفي الأخير إستخير والله يكتب اللي فيه الخيرة..

**Abu Lyan** · 19-12-2009, 02:28 PM

جزاكم الله الف خير جميعاً

كتبت الموضوع بقسم الاكورد لكي اعلم هل يوجد عيوب في الايدج

لان جداً محتار بين السيارتين

لكن ما يهمني

الماكينه
العزم
الرساوة
الخرابات
استهلاك الفحفمات

**AHN** · 19-12-2009, 02:28 PM

لو بمكانك بختار الايدج.,

بس.,لو
تشوف لك جيب مــازدا .,فل كامل cx-9
يباني ., وقوي ., بحول الاسعار هذي .,

راح تغير رايك

**marrsf0d** · 19-12-2009, 03:06 PM

خذلك اكورد 2009 وكاله بسعر مخفض
لأن 2010 مافيه فرق ولا يستاهل تدفع زيادة مبلغ علشان حساسات

**ulv** · 19-12-2009, 03:47 PM

نصيحه لك يا خوي خذلك سياره عاليه تعرف ماشاء الله شوارعنا ومافيها يعني لو اخذت اكورد او اي سيدان صدقني راح يجي يوم تتمنى تركب سياره عاليه جيب متلا
الاكورد م اعليها خلاف وجيده ولكن م افيها مواصفات كتيره يعني الفل 6 ما فيها دخول ببصمه ولا ستارت انجن يعني شوف وانتا قس على ذلك
نصيحه مني شوف الجيب المازدا الجديد الي نزل cx7 دفع رباعي وجلد وحاسات وزنن ومكينه تيربو وعالي كلو دا بس ب 108 الف والله يوفقك انشاء الله
شوف انا الان معايا اكورد واتمنى يكون معايا سياره عاليه وسلامتكم

**Mr.Goldy** · 19-12-2009, 03:58 PM

الماكينه>> السته ماادري عنها بس بصرااحه مااحس ذااك الزود بالمقاانه بذاات الفئه من السيارات الاخرى
الرساوة>>> الاكورررد وبقوووه
الخرابات>>والله ماادري
استهلاك الفحفمات>>> عاااد هااذي تحتها خطين الاكةرد اذا جيت تغيير الزيت غير فحمات :p

**غـيـر الـنـآس** · 19-12-2009, 04:49 PM

هلا أخوي

طيب مافيه غير الأكور _ الإدج

فكر في سيارات ثانيه

مثل -> الأفلون _ جيب المازدا _ مكسيما 2010 فل .......

وأنا أرشح الفلون وبقوه لك ولزمن

وانا أنصحم يشلون شعار تويوتا من على الأفلون ويحطون لكزس

لأنه من جد مواصفات لكزس فلا تفوتها عليك

وأنا أخوي معه أفلون ماشاء الله روعه

موفق

وأهم شي أطلب من الله ييسرلك أمورك

ويدلك على ألي فيه خير لك

أي موآصفآت لكزس الله يهديك هههههه

mp3/wma , أشآرآت عـ المرآيه , تصفيط المرآيآت , غسيل الشمعآت , فتح الدرآيش بآلريموت وتسكيرهآ بآمفتآح , النظآم اللي يرفع الصوت أذآ أسرعت وينزله أذآ هديت نسيت أسم هآلنظآم . هذي اللي متذكرها الحين في الأكورد وغير موجوده بآلأفآلون .. فـ كيف تقول ان موآصفآت الأفآلون زي اللكزس .. أبببطت تصير زيهآ . .

هذآ غير الرسآوه والأمآن في الأكورد متفوقه عـ الأفآلون

هذآ غير الجوده لأن الأكورد يآبآني .. أمآ الأفآلون أمريكي

وبآلنسبه للي يقول قطع غيآر التويوتآ أرخص من هوندآ ترى خبره تغير . .

الحين فحمآت الاكورد من الوكآله بـ 448 ريآل أصليه طبعاً . .

وأذآ أنت جآي تسوي صيآنه يركبونهآ مجآناً .. وأذآ بدون بـ 160 ريآل سعر التركيب . .

والأفآلون خلآآآص رآح وقتهآ . .

**ابو حمدان** · 19-12-2009, 07:45 PM

اللي يقول غير الاكورد طيب أنت ليش أشتريت اكورد لا حول ولا قوة واللي حقين السفيك ما شاء الله مجربين اكورد كويس والله وتعرفون عيوبها

أكــــــــــــــــووورد وانت مغمض بعدين وشلك وشل الامريكي فكك منه وبس

**salamify** · 19-12-2009, 08:09 PM

المشاركة الأصلية كتبت بواسطة ابو حمدان

اللي يقول غير الاكورد طيب أنت ليش أشتريت اكورد لا حول ولا قوة واللي حقين السفيك ما شاء الله مجربين اكورد كويس والله وتعرفون عيوبها

أكــــــــــــــــووورد وانت مغمض بعدين وشلك وشل الامريكي فكك منه وبس

أولا يا أبو حمدان الرجال طلب المشورة وأنا أعطيته رأيي ورأيي يمثلني أنا ولو تلاحظ في ردي إن كتبت بدون تعصب وبعدين مثل ما تقول إن إحنا يا راعين السيفيك مجربين أكورد فأنا أقول إيه مجربين أكورد وأخوي عنده أكورد 2008 4 سلندر فل وولد عمتي عنده فل أوبشن 6 سلندر وأعرفها زين وأعرف عيوبها ويكفي القلق اللي جاي من فراملها والكل عارف وما ينكر هالشيء..
أنا ما أهضم الأكورد حقها ولكن الستة سلندر ما تستاهل سعرها أتكلم عن 2010 وبعدين انا يوم أملك سيارة من هوندا أو من أي شركة ثانية مو معناتها إن الشركة صارت ملكي أو كل كلمة مذمة فيها بأحسبها علي فيا ليت تترك التعصب وأنا ما رديت الا بأبدي رأيي للرجال مو علشان أخرب موضوعه أو نقلبها تعصب ماله داعي..

**عاشقها** · 19-12-2009, 08:23 PM

أكورد 6سلندر_ 2010<<أهم شي فل ........أو مكسيما6سلندر_ 2010

وبس

**ACCORD M** · 19-12-2009, 09:47 PM

إذا كنت راعي هدوء و سواقة عادية أفضل و أرخص 4 سلندر

أم إذا كنت تحب السعة و العزم و غيرها من المميزات فـ الأفضل 6 سلندر

مشكور

**mr.brhoome** · 19-12-2009, 10:06 PM

يالغلا

وش رايك بالافالون 2010

انا معي افالون 2010

بصراحه هيبه لابعد حد

**D.H.o.O.o.M** · 20-12-2009, 05:11 AM

اكيد بتتعب

لن الــ الاكورد من فئة والايدج من فئة

بس على مقارنتكـ فئة بدايل غير الايدج مثلا جيب مازدا الجديد جوونان وسعر معقول (cx7) الي يعيبه مبديا انه مازدا

وغيره كثير من البدايل ماحبيت اذكرها وازيد حيرتكـ

استخير وماخاب من استخار

تحياتي لكـ

**مازدا وبس** · 20-12-2009, 05:24 AM

المشاركة الأصلية كتبت بواسطة d7ooom2009

اكيد بتتعب

لن الــ الاكورد من فئة والايدج من فئة

بس على مقارنتكـ فئة بدايل غير الايدج مثلا جيب مازدا الجديد جوونان وسعر معقول (cx7) الي يعيبه مبديا انه مازدا

وغيره كثير من البدايل ماحبيت اذكرها وازيد حيرتكـ

استخير وماخاب من استخار

تحياتي لكـ

على فكره انا اشوف انو اللي يميزه انو مازدا ،،،،، لانو المازدا ااقدم شركه يابانيه يعني من قريب 90 سنه وهيا تصنع السياره ،،،، يعني هيا اكثر شركه يابانيه لها الخبره في تصنيع السياره من ناحيه التحمل والرساوه والقوه .

**غـيـر الـنـآس** · 20-12-2009, 03:08 PM

^
أي رسآوه .. بآلعكس اللي مهتم بآلرسآوه والأمآن لآيآخذ مآزدآ . .

أمآ من نآحيه التحمل مدري عنهآ . .

والقوه مآفهمت قصدك أذآ تقصد التسآرع ولآ وش بآلضبط . .

أذآ تقصد التسآرع بآلعكس الأكورد اقوى منهآ .. ومن وآقع تجآرب . .

وترى أول مره أسمع أن مآزدآ أقدم شركه يآبآنيه . .

**الحقيقة** · 20-12-2009, 03:47 PM

أول هل إنت ستهبل ياخوي ( أسف ولكن والله من جد )
كانك ياخوي تقارن الصحراء بالقمـر ..
الايدج سيار توووب ودفع رباعي وممرره رهـيبه ياشيخ كشخة ورزة وفخامة وراحـه وأمان
وهذا خط تحت الامان ..
واللي يقول غير كذا ماعنده أحد ..
هي بس إذا شفت نفسك مهتم فيها توديها صيانة دورية في الوكالة وتحس نسك إنك تحفاظ ..
خذ الايدج وإن مريح راسك ..
ام الاكورد الصراحه ما تتقارن بالايدج ..
وأنا الصراحه كنت محتار بين الاكاديا والايدج .. بس شفتها إنها أكبر مني فترك ورحت لسيارات الصغيــره ..
خذ الايدج وإنت مرتاح وخلك عن الاكورد ..
وفي النهاية القرار لك وإستخــير ربك ..

**AbuJawad** · 20-12-2009, 03:54 PM

المشاركة الأصلية كتبت بواسطة الحقيقة

أول هل إنت ستهبل ياخوي ( أسف ولكن والله من جد )
كانك ياخوي تقارن الصحراء بالقمـر ..
الايدج سيار توووب ودفع رباعي وممرره رهـيبه ياشيخ كشخة ورزة وفخامة وراحـه وأمان
وهذا خط تحت الامان ..
واللي يقول غير كذا ماعنده أحد ..
.

اخوي معليش الايدج سحب امامي مو دفع رباعي

رزة يمكن وفخامة يمكن
اماا امان انسى الفكرة

**أكورداوي** · 20-12-2009, 04:08 PM

بصراحه ,,

ردود الأعضاء فوق تزيد العاقل حيره :d

ماراح أكثر الكلام .. لكن أنت جرب السيارتين بالوكاله .. وشوف الي حسيت نفسك ارتحت فيها أكثر .. أما من ناحية الخرابات فلاتنسى ان كل السيارتين جديده وعليها ضمان وان شاء الله مايصير الا كل خير ..