استفسار مهم ياشباب ارجوا الافاده

**كابيتال** · 03-03-2013, 02:49 PM

السلام عليكم
شباب عند اكورد 2006 ماشية 270000 ابي اغير زيت القير طبعا انا غيرته مرتين بس هالمره طولت ماغيرته وعياره حق الورشه وقال منتهي انا عاد كنت ابي اغير بس قريت بعض المواضيع اللي تقول انك اذا غيرته بعد ممشى طويل يخبط القير وبعضهم يقول غير لك لتر واحد طبعا هي تبي ثلالثه لتر

السؤال هو عادي اغير ولا فيه شروط ومعايير معينه

ارجوا الافادهص

**كوبيه 13** · 03-03-2013, 05:59 PM

ما افتي لك
يفيدونك الاخوان انشالله

**S c O r P i O n** · 03-03-2013, 06:15 PM

تبي نصيحتي غير لتر واحد وبعد يوم غير لتر وبعده لتر
الجير ياخذ 4 لتر بالظبط
انت اذا غيرت اربع مرات على اربع دفع راح ينظف
بس تغيره مرة وحدة حتى الوكاله تخلي مسؤوليتها وفي احتمال كبير الجير يخبط

**محامي تويوتا ~** · 03-03-2013, 07:38 PM

وعليكم السلام ،،، اقول ياقلبي غير الزيت قير هوندا اصلي وفلتر اصلي من الوكاله وثم روح الورشه ممتازه فلبيني بس تاكد تدور على ورشه معتمده للـ هوندا ورح لهم غير الزيت والفلتر مضبوط وامش عليه بشويش ولا تدعس عليها امش شوي شوي لين ميه ولا تتعدا الميه ابد بعد 500 كيلو فقطط ارجع للـ ورشه خله يطلع لك الزيت بتشوف الوسخه تطلع بعده عب زيت اصلي هوندا مره ثانيه ويلادعسسسس

**تألمت بس تعلمت** · 03-03-2013, 10:43 PM

خذ العلم مني وبقول لك تجربتي
معي اكورد 2009 ماغيرت الزيت الين وصلت مسافة 270 الف من طلعتها من الوكاله
بصراحه انا خفت وقلت لازم اغير الزيت باي طريقه ونفس كلامك لو بغيره كامل يمكن يتسبب في مشاكل وممكن لا
قلت العب على المضمون .. وش سويت يالذيب ؟
شريت 5 علب زيت هوندا اصلي
رحت اول يوم للورشه قلت نزل لي علبه وحده بس ( لتر ) فعلا نزل علبه وسكر الصره وعبا لي لتر جديد
مشيت 700 كيلو ورجعت وسويت نفس الحركه تبديل لتر بلتر
مشيتها 1000 كيلو ورجعت ونفس النظام
مشيتها 1000 ورجعت نزلت علبتين (لترين) واضفت علبتين جدد
مشيتها 2000 ورجعت وغيرت الزيت كامل(3علب و200 مل مع الفلتر يمكن ) ويمكن يكفي 3 لتر لانه زايد عندي المعيار شوي بس مايضر + غيرت الفلتر الخارجي والامور الحمد لله والمنه افضل من اول في سلاسة القير والتعشيق
ماشاء الله تبارك الله