اخوي يعطيك العافية
بس كان نزلتها بنفس الموضوع
هذي الصور حبايب قلبي
يضاف لذلك في طعوج في الجنط الايمن الخلفي
فماهي توجهاتكم ونصائحكم للورشة وين اصلحها والقطع اخذ وكالة ام تشليح وكم بتكلفني وتتوقعون وش يبغا لي من قطع ؟
ملاحظات / 1- شيخ المعارض قدر السيارة قبل الحادث 40 الف وبعد الحادث 28 الف يعني التأمين يعطيني الفرق 12 الف وهل بتكفي .
2- مريت على ورشة الوفاء قبل اروح لتقدير الحادث وقال لي شغل يد بـ 7 الاف من غير القطع .
انتظر توجيهكم اخواني فأنتم الأخبر - وفقكم الله -
اخوي يعطيك العافية
بس كان نزلتها بنفس الموضوع
هلا اخوي ابو جواد والله ماعرفت كيف انزل الصور وهل هي الان جايه في الموضوع نفسه ام مرفقه وفقك الله
الاخ وسيم
الحمد لله على السلامه وطمنى عنك انشالله بخير
حبيبي احسن الورش بالشرقيه ثنتين الاولى وهى غاليه واسمها الناجم ومكانها بالخبر بحى الراكه الثانيه وشغلهم كفاءه وممتاز وهى الملحم كمان بالخبر على امتداد الشارع الى يوديك على اسكان الخبر وكمان على مخطط الشبيلى
وماتشوف شر مره ثانيه
اخوي حميد الله يسلمك على مشاعرك الطيبه
انا الان بالرياض والسيارة بالرياض
يعني ابي ورشة بالرياض وتسلم على مرورك
الحمد لله على السلامة اولاً واخيراً ،،
ابعطيك المختصر المفيد ،،،
هذي صورة سيارتي السابقة بعد احد الحوادث
اول حادث لي الصدام + الكمبوت (( من باب الفشخرة والسيارة جديدة واول حادث وما اصلحها الا وكالة ومدري ايش وفي النهاية رحت ورشة وفاء : ورشة وفاء بأختصار شديد ، خذوا سمعة والحين رافعين اسعارهم على ايش ما تدري ، الشغل نفس الشغل عن باقي الورش وغيرهم افضل منهم ..
- يطولون في الشغل
- سمكرة + بوية كلف حول ٢٣٠٠ شغل يد !!
ـ ماعجبني الشغل لخطأ فاضح وواضح ورعت وسمكروة مرة ثانية + بوية ثانية على حسابهم
- بعد مرور كم شهر اضح ان البوية تختلف في الدرجة شي بسيط
^^ هذي ورشة وفاء اللي تعاملت معها شخصياً ^^
الحادث اللي بالصورة كلفني حول ٢٣،٠٠٠ القطع ومن ضمنها شغل اليد ٦٠٠٠ ريال .
وبعدها صار لي نفس الحادث ( صدام + رفرف ) كلف فقط ٣٠٠ ريال وشغل والله اطلق من الوفاء عند ورشة تعاملت معها مرة وحدة فقط ( هندي ) ومن بعدها قلت ( لا للفشخرة والنصب وزرف الفلوس دام فيه خيارات افضل ١٠٠٪ )
بالمختصر المفيد اذا التأمين وافقوا يعطونك ١٢،٠٠٠ ومشت القضية لصالحك بالتمام على الرغم من ان ذاك الطرف مفحط .. فأنها تكفي لأصلاح سيارتك بالقطع من التشليح ،،
شغل اليد :
عند ناس موسوسة ما يلمس سياراتهم الااتراك ، ولا يحلقون الا عند اتراك ، ولا يتابعون الا مسلسل تركي وكأن الاتراك هم اعرف ناس بشغلهم ..!!
مستعد اوديك ورشة فية اتراك يشتغلون وتشوف كيف شغلهم زي وجيههم ( والمشكلة علية زحمممة ).. شغل عااادي جداً ... وتدفع لهم مبلغ وقدرة <<< عشان لعب عليك بلسانة المعسول واتقانة للعربية <<< مشكلتنا شعب حبيب <<< خلني اقول بعد : شعب بعضة دلوخ بصريح العبارة .. ان جتة كلمتين حلوة خق ودفع ووثق ..!
الورشة اللي الحين متعامل معها وتعامل معها اكثر من ٥ اعضاء بالمنتدى يشهدون لة بالخبرة ورشيت سيارتي عندهم بالكامل ولا راح اقول لك جنسيتة .. لكنة خبير من ايام طفولتة بالسمكرة وشغلة لا يعلى علية ورخيص جداً وامين في عملة <<< بس كلامة كثير .
اذا بغيت اخدمك بكرة تراي فااااضي من ٦ الصباح لين الساعة ١١ افر واياك التشاليح اللي اعرفهم واللي طفشوا مني بعد ماشريت منهم نص اكورد ونمر الوكالة ونشوف الاسعار ونودي سيارتك الورشة ...
هذا رقمي دق علي // ٠٥٤٠٠١٢٥٦٠ مصعبـ [ ومالكـ الا اللي يسنعك ويمركـ لو انكـ ساكن بالخرج ] (( العرض فقط يوم الاثنين من ٦ الى ١١ الصباح - ظروف الدوام - )) واقرب موعد بعد ذلكـ هو يوم الخميس واحتمال ما تكون عندي سيارة لأني بدخلها نفس الورشة بخلية يسوي لي مفاجأة في سيارتي وبنزل عنها تقرير ان شاء الله .
^^^^^^^^^^^^
ياناس هذا الآدمي عسل مع اني والله ماأعرفه ولاسبق أن شفته
حبيبي سيارة اخوي نفس المكان بالظبط صدموها وكلفنا تصليحها بقطع الغيار الاصليه حوالي يعني 6 الاف ريال مع الرش في ورشه حلوه اغلى شي الرفرف والصطاب الخلفي لانه خليه وراح تكلفك قيمة الجنط كمان
معوض خيــــــــــــــــــــــــــــــــــــــــــــــــ ــــر..
لاحول ولا قوة الا باللـــــــــــــــــــــــــــــــــــــــــــه..
اخوي (( كوكو كورد )) بيض الله وجهك وأسأل الله ان يوفقك ويبارك فيك ويديم عليك كل نعمه بجد اثلجث صدري بكلامك وطيبتك
وماتقصر والله ، حبيت بس أتأكد من الورشة ياغالي ترا بروح لها على مسؤوليتك كيف تقيم شغلهم ؟ وكم يبيلهم وقت ؟
وشنهو اسم الورشة وموقعها ؟
كان بطلع معك عارف انك مابتقصر لكن ظروف عملي بعد ماتسمح من 7 الى 2 .
لكن انا بروح للورشة واكيد انهم يعرفونك وبقول لهم جاي من طرفك ومن هالكلام
بارك الله فيك
مشكورين باقي الأخوان اللي عقبوا وبارك الله فيكم
حمستنا اخوي كوكو اكورد
وش هي الورشة وين مكانها
الله يوفقك يا كوكواكورد
ونبغاكم كذا دايم يا اعضاء المنتدى مترابطين ومتلاحمين
اخوي يعطيك العافيه _ ممكن اعرف اسم الورشة وكم تقيييمك لشغلهم من 100 باعتبار التقييم 100 قبل الحادث
ومن وين شرا اخوك القطع ؟
وعلى فكرة واحد مدح لي ورشة الجنـوب وقال تخصص هوندا وقوية
وانا عاد مريت عليهم وشافوا الصور وقالوا لازم نشوف السيارة وقالوا نسوي لها سمكرة وانت لاتدفع إلا لما تخلص وتشوف
وكل السيارات اللي عندهم تقريباً هوندا بس اغلبها مشاكل ميكانيكية
وش رايكم احد يعرف عنهم شي
^^^
ابعد عن ورشة الجنوب نصيحة لوجه الله
نصاابين وماوراهم الا الخسارة
وكلامي عن تجربه
_________
بالنسبة لسيارتك حاول تشوف لك سمكري يصلح الاجزاء الداخلية ويسحبها وبعدين غير
قشرة الرفرف الخارجي في الوكاله
اهم شي لايقولون لك لازم قص ..حاول مع اكثر من ورشة انهم يسمكرونها من الداخل
والله يعوض عليك
اخوي الغالي الملك اكورد شاكر لك تعقيبك
والله يا إني تحطمت لأني كنت مأمل في ورشة الجنوب بس انا واثق بكلامك
وترا اغلب الورش قالوا لازم قص من التشليح الرفرف الخلفي الايمن من الباب الى الشنطة
وش السواة ؟
لازالو الشباب يقولون لي الوفاء وأنا اشوف 7000 ريال شغل يد واجد والله
(( اخوي مصعب اسف على ازعاجك اتصلت عليك اليوم ابي استفسر وشكلك في العمل كنت )) مدري متى اقدر اكلمك
معذرة على التأخير حيث انني كتبت رداً العصر ، لكن تعرف حركات الويندوز المخيس فجأة علق متصفح النت واعاد تشغيل نفسة !! ( تباً لكـ يا ويندوز )
- كيف اقيم شغلهم ؟
تعاملت مع اربع ورش من الوفاء وكتبت تجربتي معاهم وتجربة الورشة ام ٣٠٠ ريال ، واللي صورة الحادث ٢٣.٠٠٠ ريال ، وآخر ورشة اللي هي انا فيها حالياً ويعتبرون الافضل آداءاً وسعراً وجودة ووقتاً من بين كل هالورش الاربع .
آخر شي سويتة سمكرت السيارة من الصدام للصدام + رش بوية كامل السيارة ، ومن بين الاتفاق عندي رفرف خلفي كلة معجون من شغل اليمنية ورجعة لي وكالة بنسبة ٩٦٪ .
-لا يجي في بالكـ انة بيخفض لكـ بالسعر ولا بيعطيك مميزات عن غيرك ، هو ادرى وابخص بشغلة بس يمكن يشتغل في قبل غيركـ .،، جو قبلك ٤ اعضاء ولا راعهم الا في الوقت .لكن انا بروح للورشة واكيد انهم يعرفونك وبقول لهم جاي من طرفك ومن هالكلام
- من ناحية ورشة الجنوب هي فعلا متخصصة بالهوندا ( ميكانيكياً فقط ) وفية افضل منهم بالميكانيكا وارخص بعد ، بس العالم انهم مع الخيل ياشقرا ، العالم كلهم على ورشة الجنوب يلللة معهم ... العالم كلهم مع وفاأ يللللة يعهم .
- سعر الرفرف الخلفي بالوكالة ( القشرة فقط ) ١٨٠٠ ريال تقريباً وتقدر تاخذة من موزع ويجيك ارخص بـ ٢٠٪ ، سعر بالتشليح حول ١٨٠٠ الرفرف كاملا مع داخليتة الحديدية<<< اذا تبي تقص ولا تبي سمكرة .. ، .. ومثل ماقال الملك اكورد حاول انهم يعدولون بدون قص وجب الرفرف من الوكالة <<< الورشة الاخيرة هوايتهم تعديل الحديد :d رجعوا رفرفي بحالة الوكالة بنسبة ٩٦٪
- سعر الباب كاملاً بالتشليح حدود ٢٥٠٠ وتلاقية الى ١٥٠٠ بعد ، ولا تفكر تاخذة جديد لأنك بتشترية + القزاز والسنتر لوك ومكينة القزاز والداخلية والربلات ، خذة من التشليح اوفر .
- باب الشنطة يتعدل ، واذا تبي تغيرة شف كم سعرة بالتشليح وكم سعرة بالوكالة وشف الارخص لكـ ( موب دايم التشليح ارخص ، وموب دايم يبيعونة لحالة ) .
- الجنط ... عندي جنط ١٥ حديد ( فداااكـ ) الا عندي جنطين بعد موب واحد وكلهم فداكـ .
- الاصطب الخلفي مع الخلايا بيكلف حول ١٠٠٠ تقريباً من الوكالة ...
- مشقبية الصدام الخلفي ٣٥ ريال من الوكالة .
- الصدام الخلفي مدري بس من ٤٠٠ الى ٦٠٠ بالوكالة .
- القزاز الخلفي مدري ، ونصيحة لا تاخذ الا اصلي اذا انك راعي راديو .
- ما ادري وش القطع المكيانيكة اللي تضررت عند منطقة الكفرات ، ولاتضررت مع الجهتين ولا جهة وحدة بس ولا تضررت المساعدات ٦٠٠ كل واحد تقريباً ، اليايات حول ٣٥٠ ، الاذرعة حول ٢٠٠ لكل ذاراع او اقل <<<< وتاخذ ذولي كهم من التشليح ارخص .
- بعد ما تصلح السيارة يمكن تصير فية حذفة ، الورشة يمكن ما عندهم خبير ميزان فوديها ميزان متخصص مثل العضيب او المجد ويرجعونها وكالة وتشوف وش القطع اللي يبون ، يمكن يطلع رمان خربان ولا ذراع معفوط ( ٧٠٠ ريال لكل الشغلة )
......
حمدا لله على السلامة
وابرز مافي هالمنتدى وقفة الاخوان معك والله ماتقدر بثمن
- الجنط ... عندي جنط ١٥ حديد ( فداااكـ ) الا عندي جنطين بعد موب واحد وكلهم فداكـ .
شوف الكلمتين وربي انها تثلج الصدر
فعلا الملكة للملوك يااغلى حبايب
والله يديم المحبة
اخوي كوكو اكورد يعطيك العافيه والله يوفقك ويسعدك على الجهد اللي بذلته في التوضيح
حبيت اعرف الورشة اللي انت الان متعامل معهم اي وحده ؟ موقعهم ؟ رقمهم ؟
وانا بروح لهم وبتفاهم معهم وبشوف وش مطالبهم
لا حول ولا قوة الا بالله الله يعوضك والحمدلله على سلامتك
والله اني زيك الحادث صار عليه الخميس اللي راح
http://www.hondaarabia.com/club/showthread.php?t=30605
الله يعوضنا خير
وانصحك تشتري خلفية كاملة صح ان بتكلفك بس لو اشتريت من الوكالة كل قطعة لها سعر يعني مفرقة ام التشليح كاملة تنباع ..
والبنسبلة للقص ترا عادي ..
في الورشة اللي جنبي اكورد 2008 لولي راح الخلفية كاملة واشترى وحدة من التشليح من نص القزاز الخلفي الين الخلف ب 15 الف كاملة التركيب كلفه حدود ال 4 او 5 مدري ..
حبيت افيدك
والله يعينك
أخوي وسيم الخبر
أنا أنصحك تسمع كلام كوكوكورد
لانه مجرب وعاش ألأي عشته
الله يبعد عنا الأحزان
فانصحتي رح للورشة ألي هو قالك عليها
الحمدلله على سلامتك
مواقع النشر (المفضلة)