السلام عليكم
اووول شي عندي طلب وتكفون لا تردووني
الي يبي يضلل من احدى الشركات او يركب حمايه
لا يرووح شركة لوماار ابد ابد ابد
شوفو قصتي.....
قبل شوي وقفني المرور عند التفتيش اوكيه
الرخصه الاستماره عطيته الرخصه والاستماره
الا شوي يدخل يده من الدريشه ويلمس القزاز الي قدام انا قلت وش فيييه ذاا
الا يقولي صفط على جنب وفك التضليله الي قداااام
انا جاتني حاله هيستيريه
والله يا جماعه مضلل من شركة لومار حوالي ب700ريال بس الي قدام
وقالي المصري الي اودااام = قدام شفافه
قلت له طيب المرور ما يقولون شي قالي دنا باولك شفافه
المهم نرجع للسالفه
وقفت على جنب ونزلت ومعاي الضمان حق لومار عشان يصدقوون انه من شركه مو من محلات الزينه
ورحت له وانا معصب وانا فيني حره وفيني قهرررر وفيني كل شي
قلت له شف هذا الضمان والله مضلل ب700 ريال سعوودي:(:(
قالي قدااام ممنووع قلت له شفاف والله شفاف:(
قالي شيله ولا مخالفه قلت له طيب مخالفه وما اشيله
الا شوي ينط خويه قاله خله يشيله وعطه مخالفه
المهم قلت لا لا خلاص بشيله بشيله
واروح واتصل على عمي يزعط فززعه
وجا عمي وبعد مشواار وكلام وقلق
واصرار من المرور
عمي قالي خلنا نفكها وخذ مخالفه وبكره روح للشركه ومعك المخالفه ولا تطلع منهم الا بقيمة المخالفه ويضلل شفاف للقزازه مجانا واذا ما رضا ولا قال شي اتصل علي وعطنياه والله لأخرشه
قلت طيب يلا عطونا المخالفه
وهم يكتبون المخالفه انا وعمي رحنا نفك التضليله
الحين جينا للموهيييم وجينا للصدمه الكبرى
فكنا التضليله الا طلعت مو شفافه طلعت 01
عمي قام يطالع فيني قالي وداق علي بعد وقاعدين نحاجج المرور اخر شي 01:p:p
انا لحظتها ودي اغمض عيني وافتحها الا انا عند لومار
بس بكره بروح ان شاء الله وماني طالع الا بقيمة المخالفه ومع التضليل
ان شاء الله ما اطلع الا بقيمة المخالفه والتضليل
قولوا ان شاء الله:d:d
بس خلاص خلصت السالفه
اعذروني ما كتبت مقدمه والله من الحره دخلت البييت وانا
ااااااااااه
شقولكم بس
الله يعيين.....
على فكره ترى انا كنت طالع اغسل حبيبتي الاكورد ومستانس ومروووق ;)
وغسلتها وانا راجع البيت صارت السالفه...........
رد مع اقتباس
مواقع النشر (المفضلة)