مشكله في الجير بوكس

**متهور والقلب متعور** · 29-12-2009, 05:41 PM

السلام عليكم ورحمه الله وبركاته
كيف حال الجميع ان شاء الله انكم بخير
اخواني الله لايهينكم عندي مشكله في الجير بوكس
المشكله بدأت من يوم غيرت زيت الجير في الوكاله الله لايوفقهم
من يوم غيرته صار في السياره مشكله وهي اني لما ادعس للسياره وهي في النمره الثانيه تصير عندي زي النتعه كأن واحد صادمني من وراء المهم رجعت السياره وقلت لهم عن المشكله وقالو يمكن كرسي الماكينه الي باليمين
وبعد ماغيرته ماتغير شي بالسياره جلست فتره ورجعت السياره للوكاله وقلت لهم عن المشكله وجاء الي يقال عنه مهندس وهو ماعنده سالفه وفحص السياره وفحص الجير بالكمبيوتر وقال ان الجير مافيه شي وطلع جربها ونص ساعه وهو طالع فيها ويرجع يقول مافيها شي وانا من اول ماطلعت فيها من باب الوكاله طلعت لي المشكله
الحين الجير مدري وش جاه ماصار يرجع ريوس وقدام ماصار يمشي الا بطلعت الروح وحتى لو مشى يكون معلق على الثاني او الثالث واذا دست بنزين يفضي الجير مايقبل يبدل
انا الحين الي ابغى اعرف هل الجير راح ؟؟؟ وانا اتوقع ان هذا هو الاكيد
وبعدين هل اقدر اقدم شكوى على نفس المهندس الي طلع جربها
لاان بصراحه شي يقهر يعني لو من البدايه طلعو المشكله وصلحنها افضل من يخلونها لين طاح الفاس في الراس
طبعاً انا عارف اني ماراح احصل شي من الوكاله لااني سيارتي موديلها 2005
لكن ابغى اشوف حل معهم
انتظر ردودكم

**أكورداوي** · 29-12-2009, 06:04 PM

والله شي يقهر بصراحه .. :(

واضح ان القير خربان مادامه مايعشق ,, لكن مسألة ان الوكاله تعوضك او تصلحه لك ما أظن لأن ماعندك أي اثبات للأسف ان المشكله منهم ..

الي ودي أقوله لك انك لاتوظب القير أحسن لك .. اشتر لك مستعمل من التشاليح ويكون عليه ضمان تقريبا شهر ومايكلفك أكثر من 4000 ريال ,

والله يعوضك بخير منها ويأجرك في مصيبتك

**متهور والقلب متعور** · 30-12-2009, 02:12 AM

مشكور اخوي وماقصرت
طبعاَ انا يوم شغلت السياره وخليت الجير في d صارت اللمبه الخضراء ترمش ولما سألت واحد قال انها مشكله في الحساس
انا برسلها للوكاله وراح اشوف وش راح يقولون لي
وتسلم اخوي وماقصرت

**متصفح** · 30-12-2009, 02:21 AM

الله يعينك اخوي

فعلا اذا كان مؤشر القير في العداد يرمش يعني في رمز خطا والسياره تعطيك هذا التنبيه عشان

تسوي فحص كمبيوتر للقير وتعرف وين المشكلة...يعني المشكلة كهربائيه مو ميكانيكية

تحياتي