الموضوع: أكورد v6 فل كامل 2010 --vs-- أفلون 2010 فل كامل >> في أمس الحاجة إلى رأيكم

السلام عليكم و رحمة الله و بركاته ،،،

أولاً أهنئكم على هذا المنتدى الإبداعي و الفريد ، و أرجوا أن تقبلوني كعضو معكم و كمحب لشركة هوندا و نادي محبي هوندا.

أنا الصراحة في أشد الجاحة إلى رأيكم ، أنا من الناس الي معجبييييين جداااا بالأكورد. لكن! لما جيت أدفع مبلغ 123,000 ريال إلى 125,000 ريال أعدت التفكير و تأملت كثيراً.

أكورد V6 فل كامل 2010 ؟؟
أو
أفلون 2010 فل كامل ؟؟

كل السياريتن يستاهلون سعرهم بس الوضع محير أي وحده و كيف أقدر اقرر..

من جد أنا محتاج رأي محاااايد جدااا

ملاحظة: النظام الصوتي مهم جداً بالنسبة لي و الأفلون على ما أعرف إنها ما تشغل MP3 و لا فيها منفذ AUX.

ملاحظة: أنا تحمست للأكورد عشان أقدر أركب الشاشة. بس الصراحة أشوف مواضيع الشاشات كثير و أنواعها كثير شيء يخلي شاشة الوكالة و شيء يقطع اسلاك و شيء كذا و شيء كذا و واحد يمدح واحد يسب!!

الصراحة وضع محير

محتاج رأيكم بشدة :(


و مرة أخرى أهنيكم على هذا النادي، و لو شريت الأكورد تاكدوا أنه عشان هذا النادي.

و السلام عليكم.

لا اكورد ولا افلون

ماكسيما 2010 شكل جديد مواصفات ولااروع ... الخ والشرح يطول

دمت بود

المشاركة الأصلية كتبت بواسطة d7ooom2009

لا اكورد ولا افلون

ماكسيما 2010 شكل جديد مواصفات ولااروع ... الخ والشرح يطول

دمت بود

انا بعد أأيد الماكس يكفي الجنط 19 والنفيقيشن
وتراها سيارة جديدة من نيسان بس بمسمى ماكسيما !!

بالتوفيق

المشاركة الأصلية كتبت بواسطة 745il

انا بعد أأيد الماكس يكفي الجنط 19 والنفيقيشن
وتراها سيارة جديدة من نيسان بس بمسمى ماكسيما !!

بالتوفيق

حاولت افهم اللي بالاحمر بس ما قدرت

طيب من يومها الماكسيما نيسان .. ايش الجديد :d

على فكرة جنط 19 .. يعني حط ميزانية قدرها 5 الاف ريال عند تغير الاطارات ;)

الافالون احسن وافخم

والافضل تجرب السيارتين

تحياااتي

انا من رأيي الافلون , بس الاكورد مو بطاله بس هذا رايي

الرجال قال افلون واكورد وانت تحيره زيااده
شوف يا غاالي الافلون حلوه وما عليها كلام فخمه قوه لاكن في شي ما اعرفه هل توجد شاشه للافلون! الله اعلم والافلون في النهائيه سياره رايقه وما تنفع لشخص شبابي
اما الاكورد برضو سياره ما عليها كلام وتركب لها شاشه مع الاحتفاظ بشاشتها الي جايه من الوكاله تقدر تشوف الموضوع في قسم الالكترونيات

في النهائيه لو انت شخص تميل لشبابيه<<لا تلومه فكر الين زهق ولا جاب تفسير مقنع
خذ الاكورد كشكل وفخامه داخليه مقبوله

لو تبي فخامه اكثر وكشكل خارجي مقبول خذ الافلون
وفي الاخير استخير
واتمنى ما اكون طولت عليك
تقبل تحياتي

يالب قلب الافلون

صدقني افلون ماراااح تقدر تغمض عنيك

افالون ., وبقوه .,
بس عيبها يتغير شكلها .,

انصحك بالافالون سياااااااااااااااااره بصراحة روووووووووووووعه

والله يوفقك يارب

والله انا اخالف الشباب انا اقول الاكورد افضل
والله الاكورد ارسى في الخط < من واقع تجربة
والافالون شكلها زي السفينة خخخخ

أشكر كل من رد ، أشكركم من أعماق قلبي ، هذي المنتديات و إلا بلاش 10 ردود في ساعة ، طبعا مو أي ردود ردود مفيده.

أنا الآن بديت اميل للأفلون. خصوصاً إنه كان معي افولن 2005 أول ما تغير الشكل يعني الشكل الجديد بس الي كان معي النص فل و بعتها بسبب السفر للخارج.

مشكلة الأفون صوت الهواء بعد سرعة 80 قوي مره يعني تقل فاتح الدرايش
المشجل ما فيه أم ب ثري و ولا منفذ خارجي :(

لكن للآن متحير أنا خااااق مع الاكورد بس الأفلووون موووتر :(:(

أحسن شيء أقدر ألقى واحد يخلني أجرب الأكورد V6 عشان اقررر قرار أخير ;)

الاخوان الي قالوا مكسيما 2010 --- أنا أقول المكسيما موتر جديد ما ندري عنه للحين عيوب مشاكل و الحمراني من أسوء الوكلاء يعني لو المكسيما يجيني ببلاش ما اخذته مهب نقصا بالسيارة لكن الوكيييل زففففففففففت.

و اخيراً أشكركم من كل قلبي على الردود و الإهتمام

EAST OR WEST HONDA-ARABIA IS THE BEST

^

بما انك بالرياض وحي السلام رح للوكاله الي بخريص الحين وجرب الاكورد

عزيزي وش جاب الي جاب الله يرحم والديك ..
فرق السماء عن الأرض كذا أنت تظلم الأكـــــورد تقارنها بالأفالون ..
شوف بقولك مواصفات الأفالون بشكل سريع ..
- تدفئة المراتب
- تعتيم المرآية مع المرايات الجانبية
- شكل داخلي يفــــوق الأكورد بمليون مره
- مسجل ذو نظام صوتي ممتاز مكون من 12 سماعة
- 10 إيرباقات ( مع وجود إيرباق للسائق والراكب تحت الدركسون )
- الدخول الذكي للسيارة
شوف السيارات في أمريكا ضمن فئات فئة A - وفئة B - وفئة C
الأولى للسيارت الفارهة ( الفخمة ) <ئ الأفالون صنفة من ضمن الفئة A
أما الأوريــــون والأكورد من فئة B
شـــوف الأفالون للكزس بس بعلامة تويوتا ..
حـــــــــــــــرام عليك تقارنها بالأكــــــــــورد ..
:d

افالون وانت مبسوووط

إذآ أخذت أفلون وأنت براسك أكورد

صدقني راح تندم

خذ الي تميل لها نفسك وإستخر ربك وتوكل ولآ تفكر في المواصفات

فكر بالي يعجبك أنت عشان ماتندم وبالتوفيق ..

المشاركة الأصلية كتبت بواسطة abdelslam

إذآ أخذت أفلون وأنت براسك أكورد

صدقني راح تندم

خذ الي تميل لها نفسك وإستخر ربك وتوكل ولآ تفكر في المواصفات

فكر بالي يعجبك أنت عشان ماتندم وبالتوفيق ..

تصدقني بالعكس والله راح يشكر ربه أنه خذ الأفالون لأنه راح يعرف الفرق بعد ما يمتكلها ..
وين الأفالــــون ووين الاكورد ..

حرام عليكـ
AVALON
مايبيلها حيره

واذا الافالون ماتشغل mp3
هذا مايخليني اتراجع عنها صراحه

توكل على الله وخذ افالون

تبي الحق !

انا عندي الاكورد الفل وماعليها كلام في الشكل الخارجي ولا اطلق سياره في التايوتا مع احترامي
وداخلية الهوندا مرتبه وشكلها حلووو ولا احد يقدر يعيب فيه شي

بس وحط عليها 4 خطوووووط انا يوم اخدت موتري كان الفرق يمكن بس 5 الاف ريال وترددت مثلك

بس فضلت الشكل الشبابي ع الافلون لان شكلها مايدخل مزاجي بس كمواصفات فهي افخم من سيارتي وانا اشهد ..

سلام

المشاركة الأصلية كتبت بواسطة ح د ح الـسـعـوديـه 7

تبي الحق !

انا عندي الاكورد الفل وماعليها كلام في الشكل الخارجي ولا اطلق سياره في التايوتا مع احترامي
وداخلية الهوندا مرتبه وشكلها حلووو ولا احد يقدر يعيب فيه شي

بس وحط عليها 4 خطوووووط انا يوم اخدت موتري كان الفرق يمكن بس 5 الاف ريال وترددت مثلك

بس فضلت الشكل الشبابي ع الافلون لان شكلها مايدخل مزاجي بس كمواصفات فهي افخم من سيارتي وانا اشهد ..

سلام

شــــــــوف يالغالي أنا أحترم رآيك ..
بس أحلم شوف كيف ( أحلم ) أنه الأكورد تتقارن بالأفالون وانسى ها الشـــــــي ..
وربي لو تجرب الأفالون وأنت معك أكورد تحس روحك أنك ركبت للكزس من بعد الأكورد ..
الأفالون يشهد الله أني مو متعصب لها ..
بس الأفالون أفخـــــــــــــــــــــــــــــم من الاكورد ب مليونين مره ..
:d

"aurion"
^^^

وش ذا التعصـــب .,
خلاص قلت وجهة نظرك ., يكفي ., لا تجلس ترفع الموضوع ع اشياء مالها دااعي .,

ولو لا أختلاف الاذواق لابارت السلع .,

سي يووو

المشاركة الأصلية كتبت بواسطة ahn

"aurion"

^^^

وش ذا التعصـــب .,
خلاص قلت وجهة نظرك ., يكفي ., لا تجلس ترفع الموضوع ع اشياء مالها دااعي .,

ولو لا أختلاف الاذواق لابارت السلع .,

سي يووو :aa_sleep2:

تصدقني لا ني متعصب ولا شي ..
أنا أبي يقتنع بالأفالوان تصدقني راح يدعي لي لو يآخذها والله ثم والله ..
أي أذواق والي يرحم والديك تجيب لي أكورد جنب أفالون روح أكتب بأي منتدى جعله حق جوالات ..
وشوف وش يردون عليك ..
هاذي مافيها ذوق بصراحة ..
الأفالون وبس ..

المشاركة الأصلية كتبت بواسطة "aurion"

تصدقني لا ني متعصب ولا شي ..

أنا أبي يقتنع بالأفالوان تصدقني راح يدعي لي لو يآخذها والله ثم والله ..
أي أذواق والي يرحم والديك تجيب لي أكورد جنب أفالون روح أكتب بأي منتدى جعله حق جوالات ..
وشوف وش يردون عليك ..
هاذي مافيها ذوق بصراحة ..
الأفالون وبس ..

أشكر لك إهتمامك أخوي، الصراحة أعذرك لتعصبك للأفلون -لأنه زي ما قلت أنا كان معي افلون2005-
الأفلون سيارة قوووية و حلوة و فخمه لكزس بعلامة تويوتا.

لكن!

أنا أقف إحترماً للإبداع الي بالأكورد الصراحة سيارة محترمة و هذا الي سبب لي التردد. الصراحة هوندا أبدعت جداً بالأكورد.

و الأسعار 123750 للأكورد
125900 للأفلون

يعني شيء محير.

على العموم انا باقي لي دفه صغيرة و أشتري أفلون بس راح يضل في قلبي حب الأكورد.