والله فكرة حلوة
اؤيد التجمع
لا اؤيد التجمع
بسم الله الرحمن الرحيم
السلام عليكم ورحمة الله وبركاته
اخواني افراد عصابتنا الموقره اسعد الله اوقاتكم اما بعد:-
اقدم اقتراحي هذا لافرادكم الموقرين عامه وللافراد المتضررين من العيوب المصنعيه الخاصه بالفحمات واصوات الفرامل واقتراحي عباره عن تجمع هولاء الافراد المتضررين وان يأتوا بما يثبت ضررهم من ( فواتير او اوراق الصيانه ) امام المراكز الرئيسيه لموزعي سيارات هوندا في المدن الرئيسيه ( الرياض- الخبر- جده )وتقديم خطاب ( يحتوي على ارقام هياكل السيارات المتضرره) على ان يتم تنفيذ
احدى النقاط التاليه:-* تعويضهم بمبلغ مادي
او
* يتكفل الموزع لهوندا عبدالله هاشم بالتكلفه الماديه عند غيار الفحمات وتوابعها ( مجانا )
او
* تقديم تخفيض ( لا يقل عن 35% ) في اسعار قطع الغيار والصيانه لمن يثبت تضررهم
وان لم تكن هناك استجابه سريعه يقوم رئيس مجموعة الافراد المتضررين ( والذي سيحدد من قِبل هولاء الافراد مسبقا ) بمراسلة الشركه الام مع( مع ارفاق صوره من الخطاب المقدم للموزع و ارفاق ارقام هياكل السيارات المتضرره وصور ملاكها واسمائهم وارقام جوالاتهم وتواقيعهم ) مع تهديدهم بان نكون اسوء دعايه لسياراتهم في الوطن العربي عامه والسعوديه خاصه بجيع الوسائل الممكنه من اانترنت و رسائل الجوال اذا لم يلبوا مطالبنا وبصراحه هذي الفكره بشكل عام وان شاء الله انها تكون قيد التطوير بافكارنا وافكاركم واذا عندكم اقتراحات او افكار او اضافات فاافيدونا جزانا وجزاكم الله خيراا ودمتم
بصراحه انا من ملاك ال2007 وما اعاني من عالمشكله نهائيا ( والساكت عن الحق شيطان اخرس ) من السخافه ان نشتري سيارات بمبالغ طائله ونعاني من مشكله كهذه وش تسوي اذا تبى تتمشى عند سوق خاصة اذا انت مع اهلك والله فشيله هالازعاج والا ايش يحدني اني اغير نوع الفحمات ويكمن اذا مو اكيد راح تظهر مشاكل على المدى البعيد اخواني اعتبروه تجمع من التجمعات اللي تنظمونها واتفقوا ويد وحده ما تصفق وان رفعتاها في الشارب وان طميتها في اللحيه
التعديل الأخير تم بواسطة FiReFiGhTeR ; 30-12-2009 الساعة 11:06 PM
والله فكرة حلوة
كلامك عين العقل والله
وان مافاد معهم الي يعرف موضف بهوندا لو لهم الموضفين تخفيض عالقطع يجيب كميه ويبيعها ع الاعضاء
لو الفرق 10 ريال يتكسب فيها هو ابرد ع قلبي من الشركه
بدل مانتكسب بالاكسسوارات وحاجات شكليه
مع العلم الحمدلله سيارتي جديده وللحين ماشفت منها شي بس كلمة الحق تنقل
التعديل الأخير تم بواسطة M H ; 31-12-2009 الساعة 02:10 AM
عبدالله هاشم ما رح يعترف بهالعيب إلا بعد 3 أو 4 سنوات..
بالمناسبة ماله شهر معترف بـ بعيب كراسي المكينة (نزل الموضوع أخونا بلال)
يعني هو يقول خلينا نستفيد شوي بعدين نعترف بالعيب المصنعي !!
يعطيك العافية والفكرة حلوة وأظن والله أعلم كانت الفكرة هاذي مطروحة من قبل لكن ما ادري سووها الشباب ولا لأ..
فكره حلوه وكلام سليم 1000%
بس وين الي يسمع لنا ..
انا معي 2008 .. وانواع الأصوات طلعت اول مره بعد 15 الف بسسس ولا لكم بالطويله مغير فحمات خلفي مرتين وامامي مره والمره الثانيه قريبا لانها بدت تطلع صوت :p
شطحهـ : صوت الفحماتـ ليست مقتصررهـ على الاكورد فقطـ بلـ على الاقلـ 70% من السيأإأإرت موجودهـ في السعوديهـ
تعاني من هل المشكلهـ انا أنسأإأإنـ بيتنأإأإ على اللفهـ يعني لازمـ يظغطون فراملـ تعال شف الاصواتــ (( أتوقع بيتهوفن لو كان موجود طلعـ سلسلهـ جديدهـ )) هع هع
واللهـ سيأإأإرت جديدهـ جموس سيدان بجميع أنوعهأإأإ لا بعض السيأإأإرهـ تحسهـ (( تضرسـ )) كان الهوب تحسهـ بينكسر
اللهـ يعين بس
^^ ^^
معليش بس اذا تعرف حد عنده كامري الموديل الجديد 2007 مثل سأله قوله كم مره غيرت الفحمات :d
صاحبي عنده كامري 2007 .. ماشي عليها 60 الف ولا غير فحمات لين اليوم ..ولا بعد ازيدك الزيت يغيره كل 30 الف :d..
وانا اذا قلت اني مغير فحمات بعد 15 الف ..وجيه الناس تصير كذا
ولا بعد ازيدك الزيت يغيره كل 30 الف :d..
..
....
كلنا نعرف ان معظم السيارات بها عيوب وكما قال الاخ توه عبدالله هاشم يعترف بعيب كراسي المكينه
اخوي اللي ابي اوصله انك انت مستخدم السياره وانت اللي تحدد فيها عيب والا لا مو عبدالله هاشم لانه ما فكر فيك اصلا دام انك تشتري فحمات كل 15 او 10الاف كم شباب هذي فرامل مو لعب ورعان وانتم تفهمون ايش معنى فرامل انا طرحت الموضوع وللامانه لحادث تعرضت له على خط الرياض الدمام بسياره صديقي و هو الى الان بالمستشفى يعاني من بعض الرضوض الله يقومه بالسلامه وانا ما جاني شي الحمد لله لاني رابط الحزام هذا مو موضوعنا بس كلمة ان الفحمات الخلفيه تتكسر علشان ضربنا فرامل بقوه على سرعة 170 تقريبا وانا اعني انها تكسرت يعني راح فتات وقطع فهذي قمة المهزله و للمعلوميه السياره موديل 2008 و ما كانت تطلع صوت يكمن يقولون سوء استخدام ( امنا بالله ) طيب انا على نفس خط الشرقيه الرياض اسبوعيا سرعتي تكون من 170 الى 200 وفجئه يطلعلي رادر واضرب الفرامل بقوه ولا تكسرت ولا ما يحزنون والحين ماشي عليها اكثر من 30000 ولسى تمام التمام
اخواني هذا مو مجرد موضوع يمر عليه يوم يومين والسلام لا وانا ما اكلم الناس اللي تختلق الاعذار انا اوجه كلامي وكما سبق للي يعانون من المشكله و المشكله معروفه زين واحس انها ردائة المواد الداخله في تصنيع هذه الفحمات شباب اعتبروه تجمع زي التجمعات اللي تسوونها والا مع احترامي تجمعاتنا اعتبرها مضيعه للوقت والجهد ودمتم...
وعليكم السلام :
رد ولا احلا ياFiReFiGhTeR شيء معقول . . .
ثاني شيء لا تشبهو الهوندا بالتايوتا بعد اذنكم التايوتا والله ماهي جيده وانتم عارفين زين .
انا معي اكورد 2008 وسته سلندر يعني انا اصفي الطبلون بأي وقت مع الأسف . . . انا غيرالفحمات مرتين وهيه معي لها سنه ولله الحمد والشكروانا رجلي على الفرامل خفيفه وادلعها دلع لانها سيارتي المدللله .
اغلب الشباب رجله ثقيله على الفرامل واخوياي كثرين اعرفهم زي كذا ويغيرها كل 3 او 4 اشهر يعني خلي رجلك خفيفه .
وبالتوفيق لكم
ابد اخوي الي طرح الموضوع صادق 100 بال100
وتراك جبتها على الجرح..
والله اني بروح بعد شوي للصناعيه بغير فحماتي الخلفيه
طبعا موتري 2008 وقير عادي
صح اني اعطيه بس مو معنى كذا البريكات اقل من 3 شهور وعلى طول نسمع صوت صفير الفحمة
ليه ؟؟قهر
موتري ماشي حول ال88000وهاذي المره الرابعه الي اغير فيها فحمات خلفيه..
لايجيني واحد مطفي النور ويقول لي انت قلت انك تعطيها ..صح انا اعطيها بس قبلها كان عندي كامري 2008 قير عادي واعطيها اكثر فحماتها ماتشتكي..
وقبلها اكورد 2007 قير عادي اعطيها لين تعض الارض وماتشتكي بعد
وقبلها اكورد 2004 قي عادي وبرضو ماتشتكي..
ليه هالموديل المخيس بالذات ؟؟؟اقرب ماله فحمات الكابرس الجديد المخيس على طول يطلب تغيير الفحمات..
الي ابغى اوصله لكم ان كلام اخوي الي كتب الموضوع <<اسمه صعب
صحيح 100%
وابد سجلوني اول واحد بروح اشتكي ولو تبوني اطبح بوسط مكتب عبدالله هاشم ماعندي مشكله لان الي صاير مهزله..
وش الفايده يعترف بعد ماتنتهي ضمان السياره ..
اعتبرها استهطاف لعقولنا..
ومن ناحيتي فاضي ماعندي الا هالوكاله تبوني انشب لهم بالنيابه دندنوا وغنوا..
لكن لو خلص ضماني وسواها فينا عبود هشوم واعلن عن الخلل وقال الي على الضمان بس ساعتها بودعكم يااعضاء المنتدى لاني بدخل في واحد جريمة قتل..
ملينا من حركات الاستغباء..اصملوا يارجال وتجمعوا ولو تبونها مظاهره انا اولكم<<لاتصدقون بالحيل:p
الحين الله لايهينكم وبعد اذن صاحب الموضوع مانبي الوضوع يتحول الى شف السياره الفلانيه حتى هي تخرب ولاشف السياره السلنتحانيه ماتخرب..
الي بيصمل نروح للوكاله ونعلمهم ان الله حق يرد ولا الله لايهينه يحتفظ برده لنفسه..
لايجي واحد مصدق نفسه مهندس وبيقنعني ان الفحمات مافيها بلا ..الا فيها بلا ونص ونص..
المعذره على الاطاله والفصله لكن من القهر...:o
انا كتبت موضوع وناقشت فيه مشرف الصيانة فرع خريص وقلت له اننا نبي حقنا في مشكلة كراسي المكينة والفرامل بالذات
بعد ما اكتملت الاحصائية لكراسي المكينة ارسلوها لليابان واعتمدوها
وغير كذا بالنسبة للفرامل هم يدرون بس مدير الصيانة ما اعترف فيها بس قال لي شي وهو ان العيب اللي يرسلون فيه هو كم سيارة من السيارات المستوردة يشملها العيب هذا وايش ارقام الشاصيه اللي تاتي وتكون عندها نفس المشكلة هذه علشان كذا يا شباب حنا فقط ننتظر بالخصوص هذا بعد ما اعتمدوا الضمان على كراسي المكينة ننتظر بخصوص الفرامل وان شاء الله تنحل مع العلم ان المشكلة ما زالت قائمة حتى موديل 2010
قريبا اكيورا فخر صناعة هوندا الامريكية على هوندا العربية
اكيورا RLX 2013
من جد موضوع مهم
حاجه ترفع الضغط
سياره ماوصلت 30 الف اغيرلها اقمشه خلفيه
من متى الكلام دا
لا واغير هوبات اماميه كمان
الموضوع فعلا محتاج وقفه
انا دافع 100 الف في السياره عشان اشيل هم الفرامل
والله انها ماتجمل فراملها ابدا حتى لو كنت ماشي 100
الله المستعان
السلام عليكم ورحمه الله وبركاته
يعطيكم العافيه على الموظوع الاكثر من رائع وكفاءه ويسلم و ديات الى كتب هالموظوع
انا معاكم قلبا وقالبا صدقونى ياجماعه يعجبنى بالشعب السعودى انو سار شعب واعى وراقى في التعامل كان من زمان الله يهديكم
وما الاحداث التى تحصل حولنا الى من وعى وسرعه التجاوب المسؤولين الى من وعيى لهاذا الشعب الكريم
اخوانى انا معكم واى حاجه تامرونى فيها انا حاظر يا اخوان وبحط رقم موبايلي وايميلى الخاص للتواصل اكثر والتجهيز للحمله ضد هشومى والله بيروح غلطه
رقمى 0503809321
alghamdi.9999@hotmail.com
والله الشباب ماقصروا
كفوا ووفوا
ول اول مره سمعت فيها صوت الفرامل قلت شوي وتشب السياره نار من قوة الصوت
يالله ياشباب انا أول من يحط صوته في القائمه
لكم احترامي
صحيح انه الأكورد وبعض السيارات تعاني من مشاكل الفرامل
لكن لابد ان المستخدم او المستهلك يخف رجله عن الفرامل ^-^
ولاحظت بعض الشباب يبي الفرامل يصير زي البورش *_*
يمشي 250 كم / ساعة ~_~
ويوقف في خلال 4 ثواني !!
ولا يبي اي رجه ولا او اي صوت >_<
انا اضمن إذا الواحد استخدم الفرامل بكل هدوء وخفة رجل راح تدوم الفحمات اكثر واكثر من إستخدامه السابق !
والتجربة خير برهان ^__^
:(
انا غيرت الفحمات على 20.000 كلم ورجلي حارة ع الفرامل كل يوم بريك بطل
وواحد من العيال ما شاء الله موتره كمل 60 الف وعلى فحمات الوكاله سبيشل سيارته 2008
انا معاكم ياشباب قلبا وقالبا ومستعد اروح وياكم التجمع وشو سارتي مو ماشيه الا 25 ابدل فحمات خلفيه وبعدها 30 ابدل فحمات اماميه ؟؟؟ نصب واحتيال والمشكله انت دافع مبلغ
التعديل الأخير تم بواسطة الـمـسـافـر ; 01-01-2010 الساعة 11:52 PM
يعني باإعتقادكم إن الشركه الأم مآتدري عن هذي المشكله :p
أصلآ كل السيارات زي كذا بس الأكورد أشد منها بشوي
وبعدين هي على حسب الي يضغط فرامل وعلى حسب المكان الي انت فيه
يعني الي بالرياض طبيعي تخلص فحماته بعد شهرين من الزحمه وكل شوي الي قدامك ضارب بريك
والإشارات والمنعطفات وأنواع الفرامل
مشكلة بعض الشباب
إنه يشتري سياره سيدان ويفحط فيها ويقاوم و ويجاكر ويسوقها كأنه يسوق فراري
وهي أصلآ للأستعمال اليومي مو للدواران والمجاكر
آآآآآآآآآآآآآآه بـــــــــــــس.. الفــــــــــــــــــحــــــمـــــــــــــــــــات ومــــــــا ادرااااكــ مـــــــــــــــــــــــــــــا الـــــــــــــــــــفــــــــــــحـــــــمـــــــ ــــــــــات ... خلوووونـــــي ســــــــــاكت بـــــــس...
يا اخوان اشكر الجميع على التفاعل الطيب اما بالنسبه للاخوان اللي يقولون على حسب الاستخدام فانا اقولهم ( اما ان تقول خيرا او اسكت )بدون زعل يعني لو افترضنا ان كلامك صح اوكيه وانه الناس اللي رجولها حاره على الفرامل بس هم اصحاب الهوندا يعني بالعقل مافيه ناس اصحاب كوامري اوريون وسيارات ثانيه استخدامهم سئ للفرامل ياخي روح منتديات مثل تويوتا العربيه وسوبارو السعوديه السيارات وغيرها من المنتديات اللتي تهتم بالسيارات وشوف فيه احد يشكي من الفرامل والفحمات زي اعضاء منتدانا فعلى كلامكم تستنتج ان اي واحد يشتكي من الفرامل من اعضاء المنتدي ( يا موسوس يا ما عنده سالفه ) ما نروح بعيد انا معي هوندا اكورد 2007 اضرب فرامل بقوه عمرها ما طلعت صووت وللمعلوميه ما اغيره الا بعد 35000 او40000 الف واغيرها وللمعلوميه ما تزال صالحه للاستخدام (فيك تقول وسوسه) يعني اليملني اللي يغيرها يقول ما فيه داعي تغيرها على الاحتفال اللي يصير فيها وقوة البريكات على السرعات العاليه بمعنى الكلمه
من الاخير انا مو متضرر من الموضوع ولكن الساكت عن الحق شيطان اخرس وان شاء الله ربي يوفق وخلونا يد وحده بارك الله فيكم
مواقع النشر (المفضلة)