رد مع اقتباس2009 full option
لا أملك سيارة !! وغدأ سأشتري اكور د,واحتاج مشورتكم!!!!!!!!!!!
امس كنت طالع لمشوار وكنت امشي بسيارتي الجميلة النكبة (النترا 2005) ذات اللون الخايس جداً (اخظر نخامي )!!
وفجأة السيارة لا تمشي !! ادعس والمكينة تتحشرج وربما تحتضر وهي تحاول الاستجابة لدعساتي !!
وطبعاً تغير المشوار وتغير الجدول اليومي !!
وبالفعل ذهبت الى الورشة والحمدلله كانت فقط اسلاك البواجي متعطلة فجأة!!.. رغم اني كنت مغيرهاً سابقا!!
اصلحته بسرعة واكملت طريقي ولكن هذه المرة غيرت وجهتي ...فتوجهت الى معارض النسيم ..ومخي لا يحمل اي افكار الا اني اتخلص من سيارتي ...
بعد ان ركبها احد الشريطية وحلف وطلق ان لا تستحق اكثر من 16000 ريال !!!
ووافقت باعتباري منصوب علي في كل الاحوال فلأسلم نفسي لأقرب شريطي اكتساباً للوقت !
ورجعت للبيت بالتاكسي ..وحينما افقت من الصدمة بعد ساعتين وجدت اني لا املك اي سيارة ولا يوجد وسائل نقل غير نعالي المهترئة !!
حينها ذهب لأتفقد حسابتي والحمدلله وجدت 85 الف خامدة نائمة !! وقررت ان اشتري بها اي سيارة ..
ركبت تاكسي وقلت اوصلني لأقرب معرض سيارات ,,وكانت من حظي ان هوندا قريبة من بيتنا ..
ودخلت عندهم ووجتدت عندهم احد الثلاث عروض :
1- اكورد 2010السياحية بكل الألوان (طبعاً كنت ابحث عن الون الكحلي)
2- اكورد 2009 مع فتحة وجنوط
وكلها ب85000 ريال
وعندما اتصلت به مرة اخرى قال تعال حتى تشوف الاكورد الفل , ولا ادري كم سعرها !!
فما رايكم هل اكسب الموديل الجديد أم المواصفات الاضافية كالفتحة والجنوط رغم اني مهتم بالفتحة !!
2009 full option
انا اقول المفروض انك ما استعجلت ببيع سيارتك وفكرت قبل , بس نقول خيرهـ ان شاء الله
والله ياحبيبي رح معارض النسيم تلقى 2009 سبيشل جنط وفتحه بـ 81 جديده واوفر لك
وبالتوفيق ان شاء الله
بس انت ذكرت انك تبي كحلي وما اتوقع تحصل غير الابيض والاسود والذهبي بالمعارض
يا رجال خل عنك الوكاله اغلى بكذا الف مالها سنع..وبما ان معك 85 خذ لك سبشل (فتحه وجنوط)
وخل عنك الـ 2010 ..وتحصلها زي ما قال خوينا الي فوق ^^^^ بـ 81 بالمعارض ..وعلى طاري اللون اتوقع مافيه كحلي 2009 بس عن 2010 ما عندي خبر
والله يكتب الي فيه الخير...
بس حسيت بمعاناتك هههههههههههههه
نصيحة مجرب .. تبي سياره تعيش معك وقليل خرباتها ولا فيها رجه ولا ضجه وتريح راسك ورخيصه .
خذ لك أكورد 2009 ( سياحي ) والله ان تدعي لي . اذا مالقيتها عندكم دورها بكل مناطق السعوديه وربي جنان . بس حاول تدورها معارض ابعد عن الوكالة .
والون لؤلؤي حاول ولا اي لون مقبول
^^^^^^^^^^^^^^^
الاسبشل هي نفسها السياحي بس بجنوط و فتحه !!
طيب واللي يقول لك ان الاكورد 2010 فل كامل بس مخمل مو جلد سعرها 89200 بالوكالة وفي جميع الالوان
- اكورد 2009 مع فتحة وجنوط
وكلها ب85000 ريال
وانت مغمض
او نفس ماقالو بلمعارض
انصحك تاخذ بطنوط وفتحه يمكن الحين مو متهتم
بس بعدين بتعجبك وبتقول الحمدالله ماخذت الٌأقل ;)
في الوكاله موجود سبيشل لون كحلي 2009
موجود في فرع الدمام 6 سيارات
اذا ماهي موجوده بالرياض قولهم حصلتها في الدمام اطلبوها لي
وبشكل عام هو بيشيك على السستم ويشوف وينها موجوده ويطلبها
يقول ابليس لله عز وجل
( وعزتك وجلالك لأغوينهم مادامت أرواحهم في أجسادهم )
ويقول الله تعالى
( وعزتي وجلالي لأغفرن لهم مادامو يستغفرونني )
استغفرك ربي واتوب اليك
شاشات ستيل كول قوقل اندرويد 3g - wifi - full hd للاكورد 2008 - 2012 تفضل بالدخول
زنـــون اللكــــزس 4300k 55w خصم 15% وشحن فيديكس مجانا لفترة محدودة
السلام عليكم ..
يالله ممكن تكون لك خيره بيعة السيارة وتشكخ ان شاء الله بالأكورد ،،
اذا بغيت نصيحتي ..
اطلب لك اكورد 2009 ، ولو حصل فل كامل مخمل تطلع عليك حدود 89 ألف ..
لان الزيادات واضحه وتفرق معاك ، وعشان ما تتحسف بعدين ..
اما اذا بغيت فقط جنوط وفتحة ،
فـ فيه اكوردات سبيشل كثير 2009 ، وسعرها حدود 82 ألف أو 81 ألف ، كِذا وفرت لك مبلغ وقدرهْ ..
الفرق بين 2009 و 2010
ان الفل كامل يجي فيه حساسات خلفية + مكيف ..
وما اظن ان الفرق يستاهل 10 آلالاف عشان اخذ 2010 ،،
خلك على الاسبيشل اوفر لك
مشكورين على الردود ...
انا بعد قرائتي للردود توكلت على الله وباخذ الاسبيشل او الفل بعدما اشوفها اليوم , لانه قالوا لي بيخلوني اجربها ..
عموماً الاكورد جميلة بالنسبة لي لكن !!
فيها مشكلة بسيطة ..احسها شبابية بزيادة ...صحيح انا شباب 26 سنة بس انا متزوج واشتغل بمجال عقار يحتاج شوية فخامة ..
والحقيقة كانت فكرتي السابقة بشراء لكسز اي اس بس المشكلة طارت السيولة اللي كانت موجودة والاان هذه السيولة الحالية اللي عندي ربما يجي زيادة بعد كم اسبوع لكن مافيني خلق انتظر !!
عموماً انا ودي بشوركم هل السيارة تعتبر مقبولة اما الناس ؟ هل هي افضل وجاهه من الكامري ..!
ودي بسيارة ما تزيد عن ال100 الف ريال كحد اقصى وتكون وجاهه وبشرط تكون جديدة ومن الوكالة حتى لو ازود من السوق <<عندي عقدة نفسية ما اشتري الا من الوكالات حتى احس بطعم السيارة..
ايضاً احتمال استخدامي ما يزيد عن سنتين بالكثير ثم ابغيرها على الاغلب ..لأشتري معشوقتي اللكسز التي طال صبري عليها
الأكورد كويسه كـ شكلها ..
وفيها اشويتين من الفخامة ..
على طاري البواجي .
قبل إسبوعين غيرت البواجي وأسلاك لها ..
س الصراحــه كانت منتهيــه عندي البواجي مــره ..
وفوق هذا كنت أوصل ل 140وماتقصر معي ..
أما على الاكورد ..
ألف مبرووك مقدما ..
وانا رأي .تأخذ لك فل كامل 2009 أفضل الا فلاق بعض الموصفات البسطة اللي دخلت في 2010 ..
راح تكون كامل الموصفات وأرخص من 2010 ..
والرأي رأيك ويمكن بعض الاعضاء يوافقوني على هذا الرأي ..
تحيــاتي
انا انصحك تاخذ فل كامل 2009 مخمل
المشاركة الأصلية كتبت بواسطة مجنون اكورد 07
ياخوي انا اخذها ب96000 اتاكد من مصدرك هاذي الاسبشل مو الفل
ياخووووووووي
توكل على الله
و خذ 2009
و على الوان اكيد
بيشوفوا كحلي
من احد الفروع الي عندهم
و الله يعطيك خيرها و يكفيك شرها مقدما
نصيحتي الاكورد ولا تدور غيرها وكانك تبي كشخة ورزة زد دراهمك 6 الاف تقريبا و خذ فل كامل والله خقاق وبما ان فلوسك حول ال90 خذ 2009 لان ما فيه فرق بينها وبين 2010 الا شيئين وهما المكيف الخلفي والحساسات فقط
وزينة من ناحية انك اذا بغيت تبيعها بعد سنتين ان شاء الله تمسك سعرها
حاول تأخذ 2009 فل مخمل
لآن السبيشل منتشرهـ بشكل كثير
إذا تبي تتميز خذ فل كامل مخمل أو سياحي :d
اليوم اخذت جولة ودرا بي رأسي..!!
رحت للاكورد وطلبت منهم السيارة الاسبيشل طبعاً الفل مالقيت عندهم الا اللي بسعر 93الف ريال وجلد وانا ما احب الجلد على السيارات العادية ..
وبالفعل قلت لهم احجزو وحده ااسبيشل ومشيت على اساس موعدي بيكون غدا لتسليم الشيك ..
لكن مريت تويوتا ..ولقيت عندهم سيارات كوامري دفعة جديدة 2009 وعليها عرض رهيييب
الجي ال توماتيك ب71000 ريال وطلبت يركب فيها شاشة ملاحة مع ديفدي وسيدي وطلعت اجمالي تكلفة السيارة 76000 ريال يابلاش !!
بصراحة العرض للكامري مغري جداً مع اني اميل عشقاً وحباً للكورد بس فرق بالسعر بشي كبير
الكامري : حسيت انها الين بالخط , فيها حساسات , شاشة ملاحة , ديفيدي , كامرا للخلف ..الخ من المواصفات .
الاكورد مشكلتها اني اسمع صوت الشارع واضح والمطبات تحسبها اكثر من الكامري ..لا يوجد حساسات او اي شي يدل على فخامة من الداخل ..صوت المكينة واضح ..
لكن الشكل الخارجي يجذبني بشكل كبير ...
عموماً لا زلت استخير واسأل الله ان يحل امري لأني تعبت من التدوير وتعطلت اعمالي والله هذه الايام واتمنى ارسالي على سيارة وارتاح فعلاً البحث متعب ومضيع للوقت بشكل كبير
نصيحة لك اخويه وليس تعصباً في الاكورد ..
خويي كان معاه كامري ، ولما انصلخ عليه الكفر ، تقلّب بالسيارة وشبه انعدمت السيارة ومع ذلك لم يخرج الايرباق !
واحد اذكره كاتب في منتدى خاص بالكامري ، انه كان مع زوجته ، وعلى سرعة 160 على ما ذكر حصل لهم حادث ،
الزوجه مع ولدها صدموا بالزجاج الامامي ، وهو صدم بالمقود ، ومع ذلك لم يخرج الايرباق ،
اجل وش فايدة الايرباق ، وليش حاطينه ؟
الأكورد ارسى بكثير من الكامري بالخطوط ، وتستطيع ان تضع فيها شاشة ملاحة بتكلفة حول 3000 ريال بالكثير مع الكاميرا ..
استخير ربك وحاول مرة ثانية وان شاء الله انك اذا اخذت الاكورد سبيشل فتحة وجنوط ،
وغير كِذا صيانة الهوندا مميزّة مرة واسعارها مناسبه ، خاصة مع الموديل الجديد ، وخدمة ولا أروع ..
الكامري مثل ما أعرف إلى الآن من الموديل الجديد الى اللحين ، المكينة ينقص منها زيت !!
طيب يالغالي ليه ماتفكر با اوريون تورنج فتحه وجنوط وزينون الظاهر بـ 90,000 او ستاندر بـ85,000 وركب عليها شاشه بألفين ريال
واشوف الاوريون اوجه واحسن ويكفيك مكينه بطله وحلوه بالخطوط
بالتوفيق
اشتريت الاسيبشيل ب83400 ريال والحمدلله رب العالمين
^^^
الف الف مبروووووك
الله يعطيك خيرها ويكفيك شرهاااااا
مباركة عليك السيارة
وبشر هل تنصح فيها (الاسبشيل)؟
ضوابط المشاركة
مواقع النشر (المفضلة)