السلام عليكم
في يوم من الايام الجميله صحيت مبكر <<<لول
الا انا كنت قبل هاليوم الجميل حصل لي موقف ماله داعي
كنت امشي<<< تمشي والا تركض هع هع :d سامج صح ؟
فجأه الا رجلي على نقعة مويه قبل لا افتح الباب اثاري نقعة المويه اللي على الارض نجسه الله يكرمكم ويضيق صدري والوطايات معليهن تغليف واصمم في نفس اليوم اني اروح البس بلاستك
وادوج ادور الرخيص والزين ومالقيت ودخت وانا ادوج قلت ياولد مر مغسله وحط عليهن اكياس ومن اصبح افلح
جلست بعدها بيومين وفزيت اكمل عمليات البحث وفعلا طحت في محل كويس شغله ورخيص مقارنه مع المحلات الباقيه
المحل هذا في المصيف على شارع ابن سينا بعد ماتعدي محلات الزينه يجي هو لحاله وهو الوحيد على الشارع اللي يلبس بلاستك
اتفقت معه على التلبيس ب150 ريال فقط <<< يابلاش
وفعلا بدى الشغل وهذي كم صورة
الصوره هذي يوم فك المراتب وكنت متخوف منه ولكن طلع محترف في فك المراتب
عاد يوم فك المراتب الا انا اذكر موضوع مثبت وكانت السياره هوندا الشكل اللي قبل الجديد وماكان فيها عازل من تحت وركب لها فقلت ادور وفعلا لقيت عازل بس نسيت القط له صوره
المهم
وهذي وهم توهم بادين تطبيق البلاستك
وهذي والعامل يخيط البلاستك على الوطايه
وهذي بعد ماخلصوا التلبيس وبدو يركبون المراتب
اخذت عندهم تقريبا ابو ساعه ونص شغلهم حلو ورخيص وانا ماحطيت هالموضوع علشان الاعلان واكبر دليل اني مااعرف اسم المحل ولكن من باب اعلام اخواني عن الاماكن الرخيصه اللي ممكن انهم يستفيدون منها وماابي غير دعواتكم
خلوني اكمل لكم السالفه يوم خلصت واطالع المزيونه ويضيق صدري يوم طالعت الاموتري طيس الا انا قبلها بيوم كنت رايح لمحلات الجنوط ومالقيت رخيص الا السيلماني لقيت عنده الجنوط حقت الفل 16 ب900 وال17 ب1100 الاربعه طبعا المهم وانا جالس انتظر العمال يخلصون تلبيس الموتر خطرت لي فكره حلوه بما ان كفرات موتري جديده واذا شريت الجنط 17 لازم اغير الكفر والكفر الواحد ب600 ريال قلت ياولد خل اشتري الجنوط 16 واركبها على الكفرات اللي عندي ومتى مااحتاجت الكفرات تغيير بعد سنه او اكثر ان شاءالله طقيت طقم جنوط 17 وغيرت الكفرات الى 17 قمت ونقزت للسليماني واخذت منهم جنوط 16 وركبتها عند محل كفرات وطلع شكل الموتر مقبول اكثر وهذي صوره لها بالجنوط
هذا كان كل يومي ورجعت البيت تعبان
شكرا لكم :o
رد مع اقتباس
مواقع النشر (المفضلة)