شخباركم جميعن عساكم طيبون :d
المهم اليوم عندي خبر مؤسف وصور مؤلمه للملكه :( << وجهك كلش مو حق بشاره :d
المهم آنه عندي هوندا اكورد 2007 اللون ازرق غامق
خذيتها من بعد الوالده الله يحفظها لكنها مو متعوده تسوق سيارة بحجم الاكورد لأنها متعودة ع السني والتيدا وسيارات حجمها صغير
فهذي بعض الأضرار اللي صابت الأكورد للأسف
المدقار
مدري شنو تسمونه بالسعوديه بس اللي هو فوق الإطار من ورى جهة اليمين للسايق
طبعاً كانت اكثر من جذي لكن رقعتها بباليس خشن << واكتشفت بعد إن منتهيه صلاحيته من 2005 لكن تخبرون الهبال:d
وهذي تكملتها بعد
وهذي فوقها بالضبط
عند الدريشه ضربه من شاحنه تحمل حصى طبعاً حك بسيط لكن شوفوا شنو سوى
الصدام الخلفي
صابنا حادث الله يكفيكم الشر من ورى لكن الحمد لله ماتأثر البدي مجرد خدوش لأن من ورى حديد الشاص حق السفتي الحمد لله سوى عجايب باللي دعمنا
وطبعاً تأمينا شامل بيسوونها لكن تأمين الوكاله عندنا بالبحرين غاليين لو خدش بسيط او الموتر كامل مكنسل ياخذون عليك 50 دينار (500 ريال) فقلت مايسوى وماسويناها عندهم
الصدام الأمامي
ياهي هالأكورد أكلت مطبات (مرتفعات) من هالشارع
اقرب
وهذي مادري من شنو
طبعاً هالأضرار مو مني آنه الحمد لله مدلعها آخر دلع لكن حكم القدر عليها سواها جيه :(
آنه طول اليوم كنت بالمنطقه الصناعيه عندنا وحصلت احسن عرض عشان يعدلون كل شي فيها بـ 90 دينار (900 ريال) من ورشه في منطقه سلماباد من ورشه صديقي يمدحها ويقول حتى صباغتهم محترمه ووراني امثله وبعد موترهم اللي سوووه والصراحة الشغل ماينعاب
لكن حبيت استشيركم وآبي مشورتكم وإذا في حل تشورون علي فيه والله قلبي معورني عليها لين اصبح آبي اروح الجامعه اجوف شكلها اتكدر:(
وآخر شي هي اللوحة وايد فيها وصخ وتراب من المطر, في طريقه انظفها بدون مايروح لون اللوحه او فيه منظف لها .؟
تكفون آنتظر مشورتكم ويعطيكم العآفيه
رد مع اقتباس
مواقع النشر (المفضلة)