الموضوع: شباب ابي رايكم ........

السلام عليكم
كيف الحال جميعا
انا توني مسجل في المنتدى جديد وابي رايكم ونصيحتكم
انا سيارتي الحين اكورد 2004
وابي اشتري سياره جديده وفكرت في اكثر من سياره
وكانت اولهن المكسيما 2010 بس لقيت خوالي مسوين حزب معارضه بغو يفقعون وجهي
كنت ابي اعلمهم انها تغيرت معاد هي على خبرهم قالو ولو تبقى مكسيما ماتستاهل 128000
قلت خلاص ابي لكزس جي اس مستعمل ورحت الحراجات ولقيتهن طايره سما يعني تخيلو
لقيت جي اس 430 موديل 2005 بـ 120000
قلت هونت ابي سياره جديده قالو اشتر اوريون 2010 قلت مافيه امل اشتريها الاوريون نفس الكامري مابيها
قالو افالون 2010 وجلسو يمدحون فيها بس مالقيت فيها مواصفات تخليها بهالسعر 124000
ولا فيها لاملاحه ولاهم يحزنون وشكلها بيتغير في 2011 قلت مابيها بعد
قلت مالي الا الهنادي 2010 ورحت للوكاله ولقيت الفل 6 سلندر بـ 122500
وقلت مو مشكله فرق الـ 6000 الي بينها وبين المكسيما اركب فيها شاشه وحركات وتصير مثل المكسيما واحسن بعد
بس قالو انها غاليه والموظف الي في الوكاله يقول خذ الـ 4 سلندر ترا احسن وارغب اذا جيت بتبيعها
انا الحين محتااااااااااااار ابي رايكم انا الحين رسيت على الهوندا الـ 6 سلندر وابي اعرف اذا بركب فيها شاشه وكاميرا
وجناح بتضبط وانا اخاف اني اشتري وتكون الاربعه سلندر افضل
ابيكم تقولون رايكم وش السياره المناسبه
وهل اختياري زين يعني اشتري اكورد واضبطها
واذا شريت اكورد وش الاشياء الي اركبها فيها وهل بتبين انها مرهمه يعني مثل الشاشه مكانها صغير كيف بتركب
بتصير واضحه انها مركبه مو من الوكاله
ابي رايكم وتعليقكم لاتحرموني من نصايحكم ابدا