وعليكم السلام ورحمه الله وبركاته
هلا أخوي إذا كنت في الرياض موجودة في العليان على طريق خريص مقاربة لشكل الوكالة وأفضل من الموجود في محلات الزينة وسعرها على ما أظن 40 ريال أو دق على النعماني وشوف عن سعرها عنده .
بسم الله الرحمن الرحيم
السلام عليكم ورحمة الله وبركاته اما بعد
يا اخوان انا موتر اكورد 2006
عند الجنط طايحة علامة الهوندا ، ورحت اكثر من محل زينه اللي يجيك العلامه كبيره ولا تركب
ولا اللي يجيط شكلها غييير مره
فابيكم تساعدوني وين احصل علامة الهوندا نفس الي موجودة في جنط الوكاله
انا سمعت ان سعرها في الوكاله بـ 105 ريال
اتمنى افادتي
وشكرا ..
وعليكم السلام ورحمه الله وبركاته
هلا أخوي إذا كنت في الرياض موجودة في العليان على طريق خريص مقاربة لشكل الوكالة وأفضل من الموجود في محلات الزينة وسعرها على ما أظن 40 ريال أو دق على النعماني وشوف عن سعرها عنده .
تلقاها ي محلات الزينه ب40 ريال 4 حبات
الحبه الوحده 10 ريال
ن ع ر ، ايه انا في الرياض
لكن وين بالضبط في خريص الله يعافيك
solo:انا رحت محلات الزينه ولقيتها لكن ياخوك شكلها مي زيها اببببد
ولا كبيره وبيدخلها بالغصب
بوركتم ،،
غير حقت الوكاله صراحة مافيه
ماتطيح ولا تتغير
اخوي معاه سبشل جنوط تجاري تعب من كثر مايركب العلامات وتتغير او تطيح
وسيارني فل 2005
الحمدلله ماتغيرت ولا طاحت
كم وحده ضايعه عليك
إذا وحده بشوف لك حبه عندي,,, قريبه من حقت الوكاله أعطيك إياها مجانآ
وانا طاحت عليا اثنين << :(
مشكوررررين وماقصرتوا
انا طاحية علين ثنتين المشكله ولا ماتقصر
أنا عندي أكورد 2006 وكانت ثنتين طايحه ودقيت أربع من الوكاله وصلعت آخر كلام .
والسعر ماني فاكر بالتحديد بس تراه مو غالي مره يعني سعرها معقول جدا جداً وبأحاول أدور لك على الفاتوره لو حصلت سعرها رجعت لك وعلمتك ,,..,,
* أنا شريتها من جده من الوكاله ..
وأخيراً سألت عن سعرها طلعت تقريباً من 70 الى 85 ريال طبعاً للحبة الواحدة ودمت بخير
التعديل الأخير تم بواسطة مالك إلا أكورد ; 06-01-2010 الساعة 11:06 PM
اسمع نصيحة اخوك ،،، اذا يهمك المظهر وحتى اذا ما يهمك ، دقها من الوكاله جديد واصلي ،،، لك وللزمان ،،، يشيب شعر راسك وهي ماتغيرت انشاء الله ، وترى سعرها زي ماقلت على ما اذكر
لاني مره شفت الملكه راعيها مركب علامات تجاري يالله لك الحمد ، برايي لو خلاها بدون علامات اقسم بالله ارجل
يعطيكم العافيه
ماقصرتوا صراحه ..
مواقع النشر (المفضلة)